10日意大利城鄉薈萃遊...第四日佩魯賈, 聖瑪利諾, 佛羅倫斯

呢日行程最主要都係到聖瑪利諾...歐洲四小國之一,
世界上最小的共和國, 亦是世界上現存的最古老的國家。
一個名叫馬力諾的基督徒石匠, 為逃避羅馬帝國皇帝對基督教徒的迫害而創立.....
我有聽書架. 不過記唔記得晒又另一回事 lu.
以往其他領隊, 講得一陣我就瞓著啦, 今次聽足全程呢!


10月1日係聖瑪利諾國慶, 好熱鬧呢,
可以欣賞到一個好親民嘅閱兵巡遊, 好開心呀~




我仲特登去旅遊辦事處蓋咗個入境印喺passport, 承惠5€, 不過有個靚靚郵票架,
好多團友本來覺得好貴唔抵, 後來見到我個蓋印係連埋郵票, 好多人都去幫襯啦!

喺呢度漫步好舒服..

景靚空氣又清新..

有吊車來回山頂.

咁嘅景, 係度嘆返個下午茶, 人生樂事.

閱兵巡遊預備中.




就開始啦, 首先出場嘅係國家重要人物,
跟著就係士兵們, 好多都上了年紀, 好有氣勢架..

 

士兵們會巡城一周..

相信係古時表演場地, 依家係個公園咁.

 

應該係古時用嘅武器.








午餐餐廳.




團友話無菜食, 以後嘅餐都多咗沙律,
雖然簡單, 但好新鮮.

又係香蒜意粉, 雖然係無汁意粉, 但係食落唔會覺得佢乾乾的.




燒雞薯仔, 要睇分到邊個部位囉, 有d滑有d唔滑.








空氣好連植物都靚d嘅, 好大個松果.








係呢間舖嘆咖啡, husband同朋友就比司機 "氹"咗去買酒,
各人都買咗紅白酒各一支, 價錢唔貴, 減價後10€一支,
白酒飲咗啦, 好啱女仔飲,
後悔買得少呢, 因為支酒係聖瑪利諾出品, 香港買唔到囉.

 

晚餐餐廳, 唔係好記得係點, 同食咩lu,
只係記得要搭上兩層樓嘅電梯,
我食咗少少湯渣, 跟住就係伏咗落枱, 咩都無食嘞,
d必理痛喺旅遊巴嘅大行李喼內, 要拎出嚟都好麻煩,
husband問領隊有無必理痛, 食咗一粒頂住先,
不過唔知點解領隊d必理痛大粒咁多, 我要咬開4份先吞到呢.


只喺佛羅倫斯食餐晚飯, 住一晚酒店,
叫到此一遊咁囉...

呢間Hilton Garden Inn都唔錯吖, 乾淨企理, 都算大間,
起初幾驚今晚住酒店嘅問題呀,
因為開茶會時比嘅酒店資料唔係住呢間, 出發時通知有更改,
果班團友在早一日午餐後同領隊理論, 話Inn唔係酒店, 要罷住喎,
又話要出律師信, 又話要夾埋成團人一人一人信去報館投訢喎,
但係間酒店都唔差啦, 瞓一晚啫,
反正第二朝出咗酒店門口, 間房係點, 我分分鍾都唔記得架啦.
我鬼死咁唔舒服, 如果佢地真係罷住, 我真係唔同佢地癲咯...


體會到....
有人鍾意做大哥大姐....
有人自認為有品味係高人一等....
鬧人講英文可以大聲d....

領隊宗旨係顧客永遠是對的.....