廸士尼仲夏之夜

 

 

怪獸大學

廸士尼卡通[怪獸大學]喺7月11日在港上演囉,
或者..可能會去睇,
趁下熱鬧整番張[怪獸大學]學生証..
過幾日去廸廸尼嘅話就影番張真嘅,
有專人同你影相,  
好似要40蚊做張學生証, 白金卡會員8折.  




是但搵個卡通人物代替住先!




無啦啦收到廸廸尼信件,
有兩張[怪獸公司]3D戲票,
話喺樂園最高消費會員之一嘅獎賞.
初初以為係新戲仲鬼咁開心,
不過再睇依然覺得好好睇.




喺戲院入面嘅布置,
好多人同佢地影相.




廸廸尼出左好多怪獸產品.

佢叫[阿拱]..

呀Boo呀...

好似祖國小白羊.

呀女想買呢套茶杯茶壺,
no 啦, 屋企已經有好多茶杯茶壺...唔准買~

影張相就得!


  ~~~~~~~~~~~~~

有日出尖沙咀, 人山人海,
原來呢日係鴨仔在海運最後一日,
總算見過佢真身, 又影番一張相.

上星期六去左旅遊展,
比起舊年少左嘢睇, 人流亦唔算好逼,
25蚊入場真係貴左d囉.
攞左d資料, 同贈品,
有好幾間旅行社都有d小玩意,
就係即場[讚好]佢地嘅facebook就有個行李牌送,
我個手機行得慢, 無心機等.

一個人去廸廸尼

過多幾日我的生日月份便完結啦，
之前還未有時間去廸廸尼領取我的生日襟章和禮物呢,
husband沒假期, 今日唯有自己一個人去囉,
順便睇埋新的主題區迷離莊園.




去到樂園當然係第一時間攞左禮物先,
除了襟章還有3張五月份用的優惠卷,
想信無時間用lu.




一個人去無得坐砵砵車, 要搭港鐵..

去到剛剛巡遊開始,
唔睇啦, 趁人少左, 去迷離莊園先.

天陰陰, 天氣又熱又濕. 

經過[旋轉木馬]有少少想去坐下.

穿過[反斗奇兵大本營]去[迷離莊園].
唔知點解, 廸廸尼咁多主題區, 最唔喜歡係呢個..




莊園外貌.




迷離大宅好有氣勢.




入到大宅, 首先到大廳聽故事.

然後乘坐電磁廂車遊大宅,
廂車只有兩行位, 我一個人坐在後行,
坐坐下都有少少驚呀, 怕後面會唔會有突如其來嘅驚嚇.
有時突然間又鬼咁大聲, 嚇得我吖.

呢度好靚架, 不過影唔到囉.

佢就係莊園主人亨利爵士嘅猴子助手[呀拔].

去到佢前面, 佢嘅頭髮變晒蛇..

終於驚完囉.

話說莊園主人係探險家, 遊歷過世界好多地方,
將遊歷時收集嘅珍品收藏左喺大宅,
所以呢個園區就有好多其他地方紀念品.....出售.

炸魚薯條我至愛呀~




可惜一個人, 只要一份薯條算啦.

廸廸尼產品愈來愈多元化,
馬仔, 合桃酥, macaroon都有.




指甲油都有.

當然唔係一個人食自助餐,
相約husband收工後, 去荷李活酒店食自助餐,
唔使年票, visa都有8折喎.

 

 

自助餐賣點是長腳蟹, 可惜太鹹, 一件夠了. 

突然收到廸廸尼的信話中了獎,
有得睇[怪獸公司]特別3D版,
我都唔知有呢回事添,
如果係[怪獸大學]就更好囉.




攞埋廸廸尼嘅生日禮物,
終於攞晒我嘅會員生日禮物啦..
有city'super




最實用都係AIGLE袋,
不過呢個有條件, 買任何嘢有得送.




Biotherm嘅..








自選9粒Godiva朱古力.

仲有[位元堂]啦,
[周生生]啦...鑲嵌珠寶鑽飾85折, 都用左囉.....真開心呀. 

同呀媽去廸士尼酒店過生日

上星期呀媽生日, 早兩個月前已經訂定廸士尼酒店, 同媽媽入去住番晚~

問呀媽入唔入樂園玩,
呀媽好猶豫咁話:"入面都無咩好行, 喺酒店行吓坐吓得啦",
果日都好熱架, 我都唔想入去樂園呢,
都係同呀媽喺酒店hea 吓好囉.
其實呀媽好易滿足,
同佢傾吓, 食吓野, 佢已經好開心.

今次又係訂咗國賓客房,
可以喺國賓廳享用不同時段嘅美味時刻,
7:30~10:00係奇妙晨光, 即係早餐,
10:00~18:00休閒一刻, 有多款曲奇, 鮮果和飲品,
18:00~20:00寫意黃昏, 有精緻的小吃, 啤酒和餐酒,
20:00~22:00甜美星夜, 我返咗房囉, 唔知有咩呢. 
另外有故事時間,
最得小朋友歡迎嘅就係有睡衣米奇或者米尼同大家影相.

 

我地早咗到未check in得,
同呀媽食茶點等check in,
又傾吓姨媽姑姐嘅八八卦卦碎事....

呢日天氣真好呀,
本來呀媽話喺房抖吓算啦,
比我夾硬抆咗佢出去行,
仲用本ipad影相, 可以即刻擺上fb, 比細佬地睇吖嘛,
哈哈!次次影完佢都要睇吓影得好唔好先擺上fb..

行吓遠d, 行吓遠d,
行咗去海邊...
 

蒜香羊柳 
國賓廳 的小吃, 這個黃昏真寫意,

檸檬撻, 好美味呀,
呀媽食完一個, 又去攞多一個,
但係佢唔可以食太甜, 唔係又超標比醫生鬧架啦,
比我搶返半個....
哈哈! 媽媽好為食架, 成日要睇住佢食幾多呢. 

等埋husband放工食晚飯囉,
呢碗瑤柱海鮮豆腐羹,
食完已經飽咗9成...

脆奶伴京都骨 ~ 呀媽都話好味.

千歲龍皇滑豆腐 ~ 個名好好聽呀,
梗係.....
要襯番個價錢吖嘛





脆皮吊炸龍崗雞 ~ 皮脆肉滑, 無乜脂肪, 三個人竟然食得曬.

今次無機會欣賞佢地嘅演奏, 欠緊d野咁...

媽媽同米奇影相好開心呀.......





時間過得好快,
食完早餐嘅甜品好快又check out啦..



查實我都唔算係廸士尼嘅fans
竟然有人由06年有廸士尼年票開始至依家,
去咗廸士尼超過800次,
即係每星期起碼去2至3次, 好犀利呀!
廸士尼仲安排咗個「奇妙盛宴」答謝晚宴,
又頒獎比6年嚟入場超過400次同800次嘅年票會員,
早知我日日都去啦(說笑)~~~


今日有件好開心嘅事呢,
話說下午買完餸返屋企,
搭lift果陣, 有個呀太dup低頭望我,
心諗望人望得咁怪嘅, 點知佢同我講.....
"你好靚呀, 你d皮膚好靚呀"
今晚實開心到瞓唔著啦