美加遊完結編

離開華盛頓之後, 細佬車我和husband到紐約住的酒店, 然後自己一家就返回波士頓.

我和husband喺紐約逗留咗11日, 其中husband 要參加World Police and Fire Game的網球比賽, 又睇US Open, 所以有幾日都係我自己一個人四圍去.....

World Police and Fire Game 2011 New York

世貿中心 ~ 紐約

紐約市街頭日與夜之'日' (一)

紐約市街頭日與夜之'日' (二)

紐約市街頭日與夜之 '夜'

紐約市之玩具店

糟糕的NYC Subway

 

最後兩日在紐約啦, 我知細佬為咗想送我地機, 特登又由波士頓去紐約住兩晚, 真係唔該晒你呀!

細佬嚟到紐約, 到我做吓導遊喇, 因為行咗幾日都有d熟路..

喺紐約最難搵車位, 就算搵到個車位都要睇清楚個標誌, 計吓嗰個時段泊唔泊得, 好似呢個牌要慢慢計啦, 我地都係泊入停車場穩陣d囉. 22蚊泊10小時都算平.

華爾街好熟的街名, 第一次到...

以為呢度係stock exchange 嘅正門, 猛咁影...

呢度先係stock exbhange 嘅正門.

美國第一任總統 George Washington銅像. 外籍遊客都好有秩序自動自覺排隊等影相.

佢嘅主人有條大蛇比遊客擺上身影相, 我以為泰國先有添, 佢就想偷走...

 

自得其樂地玩自拍, 遲遲都唔走呢!

唉! 呢度就亂晒龍, 個個都爭影相, 因為有龍的傳人囉..

坐船到Staten Island, 在海上途中會睇到自由神像, 船程太約半小時, 免費的.

艘船都好大....

我地搭船去Staten Island, 沿途有艘 coast guard 好似護航咁, 一直跟住我地嘅船至泊岸咁滯, 好犀利呀, 有機關槍架~ ~ ~

USA coast guard 基地和香港的水警基地比較, USA的簡陋得多啦..

Staten Island

呢個碼頭好多木樁....

唐人街樂口福的雲吞麵~ 雲吞皮薄餡靚, 湯清麵爽, 估唔到喺美國都可以食到咁美味嘅雲吞麵.

最後一個景點........帝國大廈

 

返到香港因為時差症候群發作, 我個時鐘short咗, 朝朝六點幾好精神咁醒咗, 下午兩點開始好眼瞓, 有時間瞓就可以瞓到夜晚八點, 好攰咁起身, 然後半夜兩三點又瞓過.........就係咁維持咗成個幾星期, 其實我都幾鐘意, 好難得眼瞓時可以幾分鐘內瞓著, 唔知幾時可以再有時差呢!!!???
 

美加遊之到華盛頓D.C.運吉

在華盛頓租咗兩晚酒店, 預算逗留3日兩夜, 到華盛頓最主係要途經紐約時,  husband 要去Police & Fire Game大會預先報到, 但係辦完報到手續之後, 喺紐約嘅林肯隧道塞咗好耐車, 去到華盛頓已經天黑咁滯.

在酒店食晚飯時, 見到電視新聞講個颶風  (即係個 "Irene" 呢, 好勁呀,係屬於hurricane Category 3),  會由華盛頓掃上去紐約再過Boston, 仲話要撤離成百萬人, 想起之前新奧爾良受颶風侵襲的景況, 很可怕呢, 我連飯都無胃口食!

我地要決定係咪早一日落紐約, 因為如果照原定計劃, 即係住兩日先去紐約, 好有機會同 "Irene"一齊去紐約, 咁係公路好危險呢, 而且細佬車咗我地去紐約, 佢仲要揸車返Boston屋企, 就更加危險; 最終決定嘥一日酒店, 第二朝check out 走人, 仲要通知紐約的酒店我地會提早一日到, 所以喺華盛頓得好短時間, 真係運吉~~~不過最緊要安全....

行車途中會有d休息站, 可以食吓野...

唔知點解, 見到呢d, 唔買睇吓都開心架~

本來打算參觀這航空母艦, 後來因打風無睇, 有d可惜!

在華盛頓都係選擇住Marriott, 只係瞓咗一夜, 對間房無晒印象..

開餐啦, 一坐低 d staff 就擺 d 麵包上台, 麵包表面的海鹽, 初初食都ok, 食落都幾鹹, 不過好快食晒 lu, 佢又拎過d麵包嚟, 梗係知我地肚餓嘞.

每道菜都做得很好呢~

酒店四處的通道都無人.

房窗外的景~

第二朝一早要離開酒店lu, 趕去紐約前, 爭取時間睇多少少景點.
華盛頓紀念塔因為早前地震損壞, 無得入去參觀

雖然打風, 天氣仍然很寂靜的~

中間部位的裂痕係咪地震做成的呢???

由華盛頓出紐約會經過 New Jersey, 呢個State嘅電油比其他State平幾毫子一加侖, 所以很多司機駛經New Jersey都會入油的, 喺New Jersey嘅油站, 法律規定司機係唔可以自己入油, 一定要由油站職員入油.

唔可以著住架車, 又唔行; 係咪即係停車要熄匙呢 ~

陪我地四圍去的可愛小狗~~~

美加遊之再回波士頓 (二)

呢日細佬做導遊帶我地去咗幾個景點~

Boston 嘅 Little Italy

好懷念意大利呢!

見到舖內有部呢類咖啡機仍然運作緊, 我以為古董嚟添...

下午茶的單, 我覺得字體好似我地d中藥方, 睇唔明, 估唔到.

在Quincy Market對出的空地, 會有賣藝的表演, 大家都好有規矩, 唔會霸地方, 佢地會輪候等人表演完, 自己才去表演.

market 內~

唔食剩睇都開心..

呢個黑森林cake買相差d 啦..

咁好心機將d雪糕整成咁..

出名的波士頓周打蜆湯...

麵包外脆內軟, 盛著濃味的周打湯, 我地剛剛飲完下午茶已經好飽, 嚟到都要試吓架啦.........早知留肚食呢個湯啦 ~

這街道上有六座玻璃柱, 柱上刻滿號碼, 是納粹黨集中營受害者的編號.

哈佛大學新生註冊日, 我都去咗排隊感受吓d氣氛......

差唔多所有銅像梗有一個位置比人摸到'立立令', John Harvard對鞋就比人擦到'立立令'.

紋身的警察

在波士頓最後一夜的晚餐到海邊餐廳食炸蜆~

因為餐廳的位置近沙灘, 喺沙灘係唔可以飲酒的, 就算你拎住樽酒喺沙灘行, 遇到警察佢會要你掉咗支酒, 所以餐廳提醒人唔好係餐廳以外地方飲酒~

食完餐後在沙灘邊漫步, 雖然係八月, 陣陣涼風都幾凍吓~