10日意大利城鄉薈萃遊第六日 ~蒙地卡汀尼(Montecatini) ~ 拉士碧芝(La Spezia) ~ 帕爾馬(Parma)

第六日行程:
往拉士碧芝區(La Spezia) 轉乘火車遊五鄉鎮(Cinque Terre)
往帕爾馬(Parma)


呢日終於去五鄉鎮啦,
早前在"背包遊世界"網頁, 見到五鄉鎮嘅相片, 覺得好靚,
於是搵下旅行社嘅行程, 睇下邊個行程有得去呢個地方,  
可以話去五鄉鎮係今個行程嘅目的呢.


在五鄉鎮的Riomaggiore and Manarola 有一條小徑叫"情人路”,
小徑沿著岸邊小山上, 聽講風景好美, 仲可以帶埋把鎖去, (呢...好似大陸咁囉)
可惜因為較早時有大暴雨, 封咗路無得行 ,
條"情人路"要等到出年春季先會再重開.

 
食完個好舒服又自在嘅早餐就預備出發..





早一晚被新安排住的酒店.

原來歐洲有d單車旅行團.

蒙地卡汀尼(Montecatini)的街道好寧靜.

往火車站途中天落雨啦, 好擔心去到落大雨就唔開心囉..

購火車票的地方.
 

穿梭五鄉鎮嘅火車有唔同型號, 呢列火車好新有兩層, 
坐過另一列就好殘殘舊.



 

五鄉鎮分別係Monterosso Al Mare、Vernazza、Corniglia、Manarola and Riomaggiore.
不過因為時間和火車班次關係,
我地只係去到Monterosso Al Mare, Manarola 同 Riomaggiore三個小鎮.

雖然天陰陰, 無落雨已經好開心啦!

 

 
午餐餐廳, 呢餐食得好開心呢, 實在太有驚喜.
 

海鮮沙律, 沿海小鎮當然可以吃到新鮮味美海鮮.

海鮮意粉..... 睇返又想食.

最...最正就係呢個香煎海鱸, 皮香脆肉質新鮮有鮮魚味.
 

風景好心情靚連炸薯都食多咗.

最後一杯青檸雪芭.

餐廳餐牌.....雖然唔清楚內容, 睇嚟一個course平均€10, 呢個團餐真係唔簡單呀.

當地英俊導遊, 斯斯文文, 講野陰聲細氣, 又盡責,
因為行行吓有d團友好似自由行咁, 唔知去咗邊,
發忟憎呀, 唔係怨我地, 只係怕佢自己介紹唔晒靚嘅風景比我地遊覽,
仲即刻介紹團友可以去嘅地方, 唔使等埋班自由行浪費時間.

五鄉鎮之一 Monterossr 的火車站.

好忍得無買到.

遊完五鄉鎮其中個3 鎮就要搭火車出市區, 坐番旅遊巴繼續行程去帕爾瑪,
一日遊時間太短啦, 我諗夜間嘅五鄉鎮會更美呢, 
住一晚就好囉...



 

去到帕爾瑪就到酒店check in休息,
酒店係由貨倉改建成, 感覺上........有好多角位, 好冷.





開放式廚房, 廚師們好nice呢.

今個行程食咗好多好多prama ham, 喺香港唔係成日捨得買嚟食呢.

意大利飯好creamy, 落咗好多芝士..

香煎海鱸, 呢碟比起喺五鄉鎮嘅午餐差少少, 煮過火了.