10日意大利城鄉薈萃遊第九~十日: 米蘭, 赫爾辛基.

10日意大利城鄉薈萃遊完結囉,
估唔到最後一日都有驚嚇,
坐車往機場途中，領隊收到航空公司訊息,
飛機要延遲8個鐘, 
由羅馬飛往赫爾辛基之後要遲多8個鐘先可以轉機返香港, 
原本晚上11點幾起飛改為早上7點幾起飛,  
幾驚要喺機場過夜,
幸好航空公司提供酒店,每人有一張€17的餐劵,  
可以喺機場買快餐, 最緊要係可以洗白白同刷牙仔, 又瞓到3個鐘,
仲無啦啦住多一晚赫爾辛基...

最後一日行程上午係自由時間, 比大家最後衝刺去shopping..
各自食完午餐就要集合往機場.
我就無野買啦, 要買都已經買咗, 執好晒個行李喼都唔想再執過,
呢朝都係自由自在四圍逛下,
相都少影, 真真正正去感受一下米蘭....

遇到拍戲場面..

又失憶, 唔記得幾時行過呢度..

羅馬機場好暗暗沉, 舊舊的~

到達赫爾辛基, 往巴士站乘機場專巴往酒店,
一出機場...嘩! 好凍呀, 得2~3度,
d厚衫落晒喼, 騰騰震等巴士...

住宿的機場酒店有提供早餐, 不過我情願瞓多一陣囉.....所以無去食早餐
最窩心係朋友們食早餐時留起兩隻溫泉蛋比我地,
未食袋落袋已經暖笠笠~

赫爾辛基機場~
雖然航班延遲, 都好滿意芬蘭航空嘅安排吖,
除咗住宿和餐券,
航空公司仲即時分發航班延遲的信件, 方便我地和保險公司聯絡,
第一次索償旅行保險,
好快呀, 隔幾日已經收到支票啦.

bye bye啦~

部份糧油食品, 睇番都開心.

和以往一樣, 到步後第一件戰利品都係杯杯碟碟.



總括嚟講 :
羅馬, 米蘭都唔like;
五鄉鎮食物最美味,
聖瑪利諾最有驚喜,
蒙地卡汀尼好舒服,
帕爾瑪火腿好食過喺香港買嗰d.
去旅行都係去單一國同自由行啱我地呢~

10日意大利城鄉薈萃遊第八日: 米蘭

第八日行程: 米蘭
參觀史福才古堡,
自由購物..

行程尾聲, 有好多自由時間,



 
整個史福才古堡最吸引我就係呢個花園.





古堡地圖...
對整個古堡無咩印象, 都係灰灰啡啡,
只記得話達文西曾為古堡規劃水利工程.

在城牆下的草地上有一堆堆圓石,
唔知係咪古時是放在城牆上, 用彈簧彈出擊進敵人. 

插下來的機關???

無太大興趣欣賞...

 

開心囉, 離開古堡可以自由行.....

先到米蘭教堂外圍逛逛, 然後食午餐.
在米蘭教堂附近的街道上, 有很多餐廳,
心大心細來來回回, 一於揀間最多客人幫襯的,
和朋友們一共四人, 吃了....





沙律





煙三文魚





義大利薄餅





意粉





再兩客甜品





€9.x一客有四件小甜餅





支可樂好貴呀, 要€6蚊一支, 唔怪得知盛可樂的杯有一角檸檬.
不過食pizza配可樂係特別好味呢~

 

悠悠閒在路邊食午餐好寫意,
鄰座一對德國遊客夫婦, 好好人呀, 主動話幫我地影相.

 

米蘭都有廸士尼店, 買咗隻粉紅貓貓比個女,
個店員好鬼硬銷,
比錢時問我要唔要個膠袋裝個公仔,
膠袋似似地紅白藍膠袋質地, 印有廸士尼卡通人物,
要€9.9一人個, 當然唔買啦, 
叫佢比紙袋得啦, 
佢好唔開心咁比咗個細細個嘅紙袋, 
叫佢比個大小小架啦, 
佢話夠放喎, 個紙袋比佢塞到爛埋, 
早知就咁拎走算囉, 因為紙袋都要收費呢. 

哈哈! 入去運吉嚟..









去到米蘭, 當然要幫襯下Cova 總店.

 

喺店內唔可以影相, 惟有影下廚窗,
d cake靚過香港店好多呀.

呢個角度終於可以影晒米蘭教堂,
教堂有些外牆維修,
總係覺得外牆上的廣告poster,
與教堂格格不入.

 

 

晚餐的餐廳,
給我留下一個不完美的句號,
因為呢餐係最後一個團餐呀.

餐廳內有好多懷舊影片劇照.

睇賣相已知一二了,
飯和意粉放在一起, 係咪好有華人開的餐館feel呢.....
唔獻唔水的燉飯, 蝴蝶粉味道也麻麻,
只係食咗少少飯.

牛仔肉原來是炸的, 唔怪得成間餐廳都好油煙好焗,
新鮮炸起的牛仔肉, 好乾好脆, 試咗少少唔想食, 碟邊菜就清晒.

唔食牛嘅, 會有燒魚,
反而燒魚好好味呢, 肉質燒得嫩滑.

食完飯, 天黑齊囉,
好似好少夜間在意大利街道上行呢~

 

原本返酒店只有15-20分鐘車程,
遇著大塞車, 塞過個幾鐘,
塞完都唔知咩事~
呢日行咗成日都幾攰下, 幸好第二朝的morning call好遲, 可以瞓晏d...