按行程呢晚會坐吊車上函館山睇夜景, 諗住泊好部車行去車站啦, 哎呀!.......維修中, 無得坐. 有團友堅持要上山頂, 雖然落住毛毛細雨, 但係我地呢個團只要有一個團友話要跟行程就要跟架啦, 最緊要係私家車可以上去山頂囉, 最終都成功上到山頂同泊好部車, 雖然塞咗成45分鐘車, 都值得嘅, 仲慳番千幾yen 一個人嘅車費添.
呢部就係我地嘅戰車嘞, 部車交比我地時都係行咗大約一千km, 一上車仲有陣新車味.
雖然有少少雨粉, 景色好美!
遊人都好多呢, 好難先搵到個欄杆影相位~
欣賞完夜景去醫肚囉..
好懷念日本嘅拉麵呀
我嘅鹽味拉麵!
喺開放式廚房又學到野啦, 平時我整麵豉湯, 都係煲滾d水, 然後'pet' d 麵豉落去, 原來要爆吓d麵豉先, 之後再加水 ~
去酒店囉~
我嘅飛佛....行超市, 呢晚好想飲鮮奶, 咁樣一盒鮮奶就出事喇, 飲完即刻唔舒服, 我估係腸胃炎囉
已經無得瞓仲成晚聽到怪聲, 我張床貼近牆, 牆後係廁所, 道牆就成晚'裂裂嘞', d聲就係我面前咁, 不過我都無氣力去驚, 由佢啦........唔好現形就得啦!
行超市的收獲
呢日一早去攞我地嘅戰車就向函館進發囉~
往函館途中的休息站
喺香港我唔敢食生蝦架, 喺日本都係一件起兩件止, 一餐計播 :)
魚就只係敢食紅肉嘅, 白肉嘅始終都係麻麻, 好似食大魚鯇魚咁~
440yen一件連蝦頭, 好鮮味, 燒埋個蝦頭嚟食就好嘞
呢位師傅燒帶子的方法幾得意, 佢倒咗帶子被燒時散發出嚟嘅汁, 另外再加上豉油, 我覺得唔比鼓油更好, 更原味~
好多bear bear, 太多太靚唔知買邊個好, 一個都無要..
呢日第4餐啦...早餐, 午餐, 小食. 下午茶~~~
我都想食架, 不過怕出事唔敢咁快食住.....唉!呢晚都係出事喇.
好cute好味呀~ 睇到A moon嘅blog, 今次識叫喇~
好完美嘅朱古力淋面, 立立令的~
和 husband 嘆吓茶, 悠悠閒閒, 左影右影, 好舒服, 其他團友就各色其式嘞~
忍唔住又叫多一件~
好想試~
最後一個南瓜布丁都比團友食埋, 我無得食, 食評係好滑好美味!
食飽飽去碼頭邊游盪一吓
金森倉庫群嘅黃昏好靚, 好浪漫 :)
好吸引, 都係忍吓口先, 怕食得多生冷野, 肚仔會唔舒服~
去完美加無耐, 行李喼都未收好又出發囉, 不過幾攰都無有怕啦, 團友們都對我好好, 照顧周到, 所有要做嘅我都唔使理, 企埋一邊就得喇~
札幌新機場
搭車往酒店時, 在車上有一家四口的香港人, 竟然然用兩個喼霸佔兩個座位, 一張車票要百多港元, 又令其他人無位坐, 咁都得嘅, 最後要團友話佢先好唔願意咁拎走個喼, 我地先有得坐, 因為由機場去酒店都幾耐吓架!
個package 住3晚送一晚, 酒店在札幌駅和大丸對面, 酒店又可以直到地下街, 真係好方便.
check -in 完, 安頓好行李, 第一時間行吓公司.
好平喎! 不過一定要分期或者上台囉! 就算蘋果店賣嘅iPhone4s都係平過香港好多好多, 也沒有分國際版這回事,但係一樣要銀行分期或者上台, 比cash嘅話要成200,000yen一部嘞.
呢間「はなび」店食放題真係靠得住, 雖然係任食放題, 一d都唔馬虎, 碟碟都好精緻, 唔簡單的料理. 賣相味道都好正, 仲係好便宜, 兩百幾喺香港食唔到喇.
encore好多次的魚生刺身
很有肉汁的燒雞
各樣串燒都很讚.
連心太軟都有賣相, 仲有雲呢拿雪糕伴吃..
數一數我地食咗好多碟, 犀利呀~
在香港已經訂定位, 在網上print埋coupon仲有8折, 折咗2000yen/位, 酒水另計.
大家都話要嚟食多次.
我和husband集合遲到, 買番件cake比大家食.....
