水蜜桃

呢兩日食左好多水果呀~
husband團購左一箱日本山梨縣水蜜桃,
不過無得送貨, 要自己去取,
取的時間好限制, 只有兩日, 逾期作廢咁話喎, 
剛啱又約左朋友在香港吃晚飯, 
唯有在觀塘攞左箱桃, 再去西灣河等husband收工. 



拎到C下C下,
去到husband公司打開個箱,
見到成箱紅卜卜圓碌碌嘅水蜜桃即時開心番晒.




觀塘公眾碼頭.
第一次搭觀塘船去西灣河.












話咁快就到西灣河喇.




拎住呢箱桃(我估起碼有6kg呢)在觀塘行左25分鐘出碼頭,
以為好近, 行下行下原來係非常之遠.
一箱桃有15個, 送左10個比親朋好友,
餘下5個好快就清晒囉.

***************************************************************
其中好友知道香港有得買, 又想買呢,
今次我地去油麻地果欄,
仲買左好多其他水果.

一箱13個嘅日本山梨縣水蜜桃,
望見都知好味啦.




好友又送返兩個水蜜桃比我,
好大個呀, 個個都超過400g.

夏威夷木瓜,
未食呀, 等佢熟d先.




朋友話呢個叫綠寶石,
我估係美國李仔一種,
超甜和多汁.

土耳其蕪花果

又係超多汁好新鮮.

************************************************************** 
呢日細佬有約,
姪女們就和我地食晚飯...

一盆過....

 大大盆....




焗豬扒飯.
滿足又開心呀~

香港一日遊: 百利冰室 ~ 太平山頂 ~ 太平館餐廳

問姪女們今日想吃什麼,
佢地都話想去茶餐廳,
原來飲茶飲怕了....




百利冰室地點在西灣河筲箕灣道216號地下,
每次經過門口都是擠滿人,
我都係第一次幫襯.

咖哩牛腩飯,
細佬話好耐無食過咁好味嘅咖哩牛腩飯,
好正宗茶餐廳風味, 飯又是熱騰騰的,
仲話要加多碗白飯喎.




我點的粟米魚塊飯, 
白汁底好正, 不是糊pet pet的.

葡式豬柳飯,
豬柳好正呀, 焾焾滑滑.
 

老板知道細佬從美國回來,
特意送上鹽燒牛脷嘗試一下,
又香又焾, 食落好鬆軟的感覺.

炸蝦多士,
落單嬸嬸話午市時段唔做蝦多士架,
當知道我們專程來吃, 都幫我們問問廚房,
好客之道好感動呢!

蝦多士和我想像中的有別,
麵包包著蝦, 洋蔥, 火腿....無細心看啦,
趁熱食囉.

留意到隔離一張枱坐了6人, 6個人都是搭枱的,
等的吃的都沒半句怨言, 皆因價錢實際又美味,
一個包飲品的午餐大概三拾多四拾元,
更難得的是在冰室內工作的嬸嬸和姐姐們的服務態度,
愈忙碌愈起勁愈開心似的.

想去食記得係無晚市架~

食飽飽行出門外, 發現餅櫃放有這些曲奇,
我估只供遊人影相吧.

在西灣河搭叮叮出中環,
可以睡一覺先...

扮遊客搭纜車上山頂,
嘩~ 超多人呀, 話等候時間要一小時三十分喎.

遇到唔少插隊的人...

終於排到入車站啦.

剛到我們截了龍, 變了上下一班車時是頭位,
必定有位坐吧, 但開心得太早了....

車卡內真係逼過豬車,
在我上車時, 被後面一個女仔突然逼上前面,
令我上車級時失去重心, 又沒扶手令我可以企穩,
臨急捉住個女仔背囊,  無跌到算好彩囉.
其他人以為我發惡想抆番佢落嚟....

落左幾日雨, 山頂的小瀑布靚好多.




環繞山頂行一個圈.

原本買了來回程纜車票, 見車站太多人落山,
唯有放棄車票, 搭巴士到中環,
坐一個鐘頭巴士好過在車站企一個鐘呀!

落車後到中環太平館食晚飯,
兒時先父時常帶我們去太平館吃飯, 很好的回憶呢!

點知去到無訂枱無位,
我地真係好想食呀, 夜d等耐d都唔怕啦,
哥哥仔話真係無位啦!
唯有去銅鑼灣分店睇睇..
哥哥仔話銅鑼灣更加唔使諗,
哥哥仔好好人, 話見我地咁有誠意又咁客氣, 盡量幫我地留張枱,
留底電話等佢覆.....
終於有得食太平館乳鴿.

海龍皇湯.

煙肉雜菜沙律......熱食的.

必吃的瑞士雞翼.

主角出場, 比起尖沙咀分店還要好味.

瑞士汁肉片河, 個個都話好食呀.

即焗梳乎厘...

已經好飽啦,
對住個大大個梳乎厘, 食得好開心, 好滿足,
呢餐太豐富啦,
5個人要了兩個二人套餐, 一個一人餐, 一隻燒乳鴿, 一個梳乎厘..

爸爸, 我地生活得好好呀!

自助午餐

近排日日出街,晚上回家已很攰,
返到家稍為執拾下間屋, 抖抖就瞓lu,
所以好少開電腦, blog都無寫呢.

呢日一早起身, 和弟弟一家打算往尖沙咀食午餐,
然後搭纜車上山頂行一個圈,
可惜天公不做美, 打消上山頂的念頭,
出尖沙咀食完午餐再作打算.

細佬訂了皇家太平洋酒店自助午餐,
食物唔錯, 甜品更出乎意料的好吃,
有幾種visa 咭都有9折.

最後一碟原本想去攞淨雲吞,
經過燒烤枱見有一件好靚燒三文魚鮫,
轉軚唔食雲吞lu.
魚肉質好滑, 沒鯹味呀!








芒果布甸, 法式焦糖燉蛋, 即焗梳乎厘,
樣樣都好好味, 平時食自助餐好少食甜品,
今次食左好多呢.








凍蝦好鮮味.

麵包布甸一般般啦, 太仲奶味, 不過伴吃的雲尼拿汁就好正.
隔離個apple crumble就無食.

 

唔想阻礙其他人,
又唔想影得咁揚,
所以無影太多相.

 

自助餐影相景點~

 

凍熱檸檬茶, 奶茶可以隨意添飲.

即磨咖啡.

汽水任飲.




食自助餐第一次在buffet bar枱上見到的提示,
可能經常有人不守規矩吧.




很好的溫馨提示.




食完自助餐在尖沙咀一帶商場逛逛.

最後決定睇"怪獸大學",
唔知會去睇戲, 無帶3d眼鏡,
又買多幾副....
儲儲埋埋屋企都有好多囉.