焗酥皮羊肉卷

有日睇電視一個烹飪節目,
由有"地獄廚神"之稱的Gordon Ramsay主持,
示範酥皮焗牛柳,
拿拿聲記低材料和做法.....

剩係去買包酥皮就煮得囉,
因為其他材料我都有.....
材料有: 酥皮, 牛柳, 白菌, 栗子, 巴爾瑪火腿.
 
打開雪櫃冰箱, 見到仲有一包急凍紅莓,
就用紅莓整咗個汁, 微微酸, 配酥皮羊好夾呀, 減少肥膩感覺,
一時又話牛, 一時又話羊,
因為husband唔食牛, 所以將件羊架起肉嚟整囉...

 

好似做實驗咁, 成功咗就開心啦...




先將一盒白菌切開打碎,
栗子去衣打碎,
拌勻.

在保鮮紙上放上煙肉,
prama ham咁貴, 屋企有煙肉, 費事又買lu....

再放上白菌栗子碎,
灑上黑椒碎. 唔使落鹽啦, 煙肉已經有鹹味. 

放上羊肉卷, (羊肉卷預先用保鮮紙卷好, 雪約一小時定型).

卷好又放雪櫃雪約一小時定型..




保鮮紙上放上酥皮搌壓,
再卷上已雪至定型的煙肉羊卷,
又放入雪櫃雪約一小時.

塗上蛋黃槳,
200度焗35分鐘, 閒置10分鐘就食得啦.

整埋松露醬薯仔伴菜,
又真係幾好食喎,
仲有半包酥皮, 搵日又再整過囉...

紅莓汁:
紅莓和蜜糖略煮, 隔去籽, 加少許鹽黑椒碎調味.




再煮個青豆茸忌廉湯又一餐啦.

8日8夜日本四國環島自駕遊~ 第7 & 8日 : 大阪 ~ 神戶祇園, 京都, 心齋橋, 黑門市場.

第7日:
大阪 ~ 神戶祇園, 京都.

午晚餐:
神戶和牛鐵板燒
京都駅酒店自助餐

因為相約了移居日本的朋友在京都吃晚飯,
所以呢整日在京都, 神戶流連..




入口溶化....




神戶和牛,
初初鬼咁開心, 以為一件係一人份,
原來呢度係四人份,
我地分別要不同的生熟程度,
兩件和牛分四份, 又唔同生熟度,
廚師都好好技巧呢.

神戶西冷,
呢件就係二人份,
好似好少, 但係加埋其他配菜都飽架.

午餐的店舖.

早一晚還咗車, 呢日要搭地鐵.








Tokyu Hands係必逛的百貨公司, 次次都有收穫.

 

 

在京都駅的酒店吃自助晚餐,
又係大大隻嘅九格碟.
聽朋友講呢間餐廳自助餐時常都好客滿, 要一早訂位,
看四周坐位真係full晒,

生日可以免費仲有蛋糕, 我地有兩人免費呢.




餐廳好攪氣氛,
一有皇牌食物推出, 餐廳職員會舉牌搖鈴通知,
食客就會蜂擁而上, 不過佢地唔係去搶, 而係去排隊,
當地人好樂於呢個舉動,  
我就麻麻地囉, 好緊張咁~




咁多人一齊要同一樣食物, 當然係大排場龍, 
人龍太長, 排得嚟無晒咯,  
酒店服務都一流呢, 原來當你攞唔到食物, 佢地會靜靜地記下,待整好時再拎埋位比你,
真係喜出望外.

 

第一次食Mont Blanc, 好好味呀~




第8日最後行程:
因為黃昏機,
首先到黑門市場買生果, 再到大丸買麵包,
最後衝刺後, 在酒店附近飯店吃午飯...



 
行咗好多次的馬路.

黑門市場生果選擇多, 又新鮮, 價錢又平.




就快有劏魚表演, 不過等咗幾分鐘都未有動靜,
都係唔睇, 走人囉...



 

 

我的燒魚定食, 800yen.



 
husband的吉列豬扒定食, 850yen, 真係好抵又好食.

 
跟住落嚟睇下我d戰利品,
每次都覺得買得少嘅麵包.

好新鮮嘅生果.

只有在京都伊勢丹先買到嘅好好味抹茶卷,
今次好大手筆, 成箱買有12包.




仲有.....仲有未入鏡嘅....