清倉大行動之泰式蝦仁粉河

朋友舊年去泰國買咗包乾河粉比我, 一直都無興趣拎出嚟煮, 糧倉愈來愈多野啦~

包河粉有三包調味粉, 一包係撈落已烚焾嘅河粉, 兩包係煮好後灑上面, 其中一包係芝麻, 另一包食唔出係乜, 我自己加左d蝦, 蛋同甜椒.

 

酸酸地! 甜甜地! 辣辣地! 味道有d似星洲粉米.

忐忑心情往大阪 (五)

十六號要搭下午機返港啦, 以往去旅行last一日都想留耐d就好嘞, 今次就想快d返屋企, 唔使屋企人同朋友擔心咁耐, 雖然暫時大阪無咩, 但係意外預計唔到, 我地仲額外提早一個鐘到機場, 因為已經知道有好多人改由大阪離開日本, 喺機場辦妥晒所有手續已經要登機, 關西機場喺點都唔知呀. 

最後一日行程同以往一樣去超市買麵包返港....

搭車去機場啦, 海面依然有都係白頭浪 ~

排隊安檢等咗好耐.....

第一次落赤鱲角停機坪, 以為有d咩特別措施, 原來無事.

呢張相係舊年10月去日本東北喺仙台松島海邊影的, 日本東北地區, 地方優美清雅, 依家變成廢墟, 真係好唔開心!

希望日本東北嘅災民可以早日重建家園, 核輻射危機盡快解決.

清倉大行動之鼓油雞

去超市買餸最容易買多咗野, 舊年臨過新年時喺Sogo超市買年貨, 順便買定隻嘉美雞, 諗住放入冰箱等新年無餸可以整嚟食, 點知擺吓就雪咗兩個月咁滯. 噚晚'的'起心肝煮咗去.

husband話想食鼓油雞, 我咁大個人都未整個鼓油雞, 李錦記鼓油雞翼以前就整得多嘞, 於是拿拿聲打電話問老媽子點整, 原來都好簡單吓;

雞洗淨吸乾水份再用酒塗勻雞身內外, 半碗老抽, 一湯匙生抽, 半碗水加一粒冰糖(d份量都係大概啦, 我煮餸好少量調味料)落鑊煮滾, 放雞落鑊中慢火煮到收汁就得架啦, 我大概煮咗30分鐘.

斬雞時我都會起咗兩隻雞脾d骨, 因為最怕斬開雞脾d骨見到佢紅色, 但係要d雞脾骨都熟埋, 隻雞就會太熟變得好鞋.

 

雖然雪咗咁耐, d雞肉依然都好滑呀.

忐忑心情往大阪 (四)

等4日, 為左想用盡張5000yen嘅JR Pass, 諗住呢日會去多d地方行, 首先去姬路, 之後神戶, 下午再搵其他地方遊蕩, 但係喺神戶行到唔捨得走, 終於行到天黑先出返大阪.

 

早一晚收到朋友message想我幫佢買日本奶粉, 所以呢朝第一時間係去超市幫佢搵吓, 幾拾年都無接觸過奶粉, d描述同朋友講嘅又有少少出入, 唯有影咗張相再返酒店send相比佢睇, 確實啱先幫佢買, 再返超市點知貨架已經清晒. 其實幫朋友買奶粉嘅心情都有d矛盾架, 即係我以往去日本都會買米, 但係今次當我行到米架, 見到只剩兩袋米, 我買唔落手. Anyway走咗幾間超市終於幫朋友買左三罐奶粉. 香港嘅mami真係壓力大.

坐JR去姬路, 海面有好多白頭浪.

喺姬路一間舊式百貨公司(好似係日光百貨)食午餐, 味道好傳統地道.

中間果3種醬有唔同食法, 日本婆婆比張食法圖,右上角果張, 不過唔知噏乜呢!

姬路城外的小笑話:

去到姬路城外我見到環境好靚,河嘅兩旁種左結晒花蕾嘅櫻花樹, 自言自語: 好靚呀, 呢度咁太平, 想像唔到隔幾個縣有咁大嘅災難.
揹住背囊嘅husband: 幫我喺個背囊拎個相機出嚟吖.
⋯⋯我  : 你有拎相機咩, 好似係酒店喎.
husband: 有......唔係個背囊做乜咁重..
我(托吓個背囊): 做乜你個背囊咁重嘅, 乜鬼嚟架...
(打開一睇)  我  : 車......做乜鬼你個背囊咁多罐頭架.

咪係呢幾罐囉, 朝早喺超市買嘅, 返酒店都唔擺低.......

有好多學校帶d小學生嚟課外活動, 呢個百厭星捐左係張凳嘅兩條鐵道, 攪左好耐先出到嚟, 好攪笑.

好似好bb咁, 無入去睇.

呢度開晒櫻花一定好靚.

呢棵櫻樹嘅榭身已經乾晒,好似枯咗,  但仍然盡佢嘅努力開花, 好有日本人精神.

偶遇貓王......

好歐陸 feel.

喺碼頭坐左陣....

全部超人齊晒呀....

mos burger歎下午茶, 歎完就四圍逛, 入黑再返大阪酒店樓下嘅壽司店食壽司, 我好想再食個蒸蛋呢.

忐忑心情往大阪 (三)

第三日, 嵯峨野列車, 嵐山, 竹林, 杜月橋, 途經天龍寺, 仲行左一段民居.

食完早餐又出發囉,一早拎住張地圖去從未去過嘅地方, 好在順利完成任務.

第一卡車好通風, 吹到成個瘋婦咁...kakakaka

沿途風景好靚, 空氣清新....

以為呢度係總站落左車, 原來仲有一個站, 嵯峨駅先係總站, 不過錯有錯著, 係嵐山駅行去嵯峨駅有好多景點.

第一次見到櫻花樹, 好開心, 希望唔係最後一次啦.........

行竹林都係超正, 竹嘅清新香氣完全散發出嚟, 如果唔係腳攰我會來回行多幾次.

木乃伊樹...........

食雪糕做午餐都係第一次, 比佢個廚窗嘅食物模型吸引左入舖頭.

杯雪糕有紅豆、丸子、櫻花蛋糕、櫻花'mochi'、樱花果凍、樱花雪糕同埋唔知咩咩 .........好食到暈。

睇埋火車博物館....回程返大阪囉..

喺大阪嘅大丸超市買左d壽司同士多啤梨返酒店做下午茶,

順便抖抖.

士多啤梨好fresh 好甜.

抖夠又出去逛逛兼搵食.

哎呀, 原來係叫道頓崛, 成日記錯係地頓崛, 記野; 記d唔記d係我本性.

成座building都係賣運動服飾用品, 不過好貴, 運完吉返出嚟.

終於食拉麵啦, 去左朋友介紹嘅四天王, 我嘅醬油拉麵, 好重醬油味得嚟又唔咸, good 呀!

返酒店食半自製甜品, 喺食雪糕舖頭買嘅...

....步驟 2 ....

撈均食得, 好軟棉棉呀, 剩左嘅抹茶粉要左嚟沖抹茶, 唔好嘥......食飽飽搵周生傾計, 再繼續第四日嘅行程.

呢日我哋兩個人拎住張唔知佢噏乜鬼嘅地圖, 去晒我地想去嘅地方, 好滿足呢!