好耐之前對屋企人開出嘅支票終於兌現嘞
喺好烏龍, 'lei hei' 情形下做左個焦糖雪芳
上過Tony Wong的示範堂, 趁住仲記得, 快快整番個先
d蛋白霜都打得似樣嘞
加了蛋白霜嘅麵糊都好穩定
d蜜糖脆脆好好味呀
係咪覺得d cream 單薄d呢, 冇法啦, 怕肥嘛
整焦糖時, 一落果d baking soda, 嘩 ~ ~, 瀉到不得了, 都唔知 'dum' 去邊好, 終於要擺佢去洗碗盆, 浪費左好多, 唔抵呀.......
2009年12月1日 星期二
Pastry Demonstration by Tony Wong@L'Atelier du Goût 賞味坊
以往整雪芳都係從網上學的, 今次有機會跟名師學整雪芳啦....
好大鄉里, 唔知呢件東西有咩用, 原來係要嚟唧流質材料的, 按一吓就得啦, 次次份量都一樣, 正呀~ ~
今次實在太多人啦, 雖然都好早去到, 依然坐得好後.......
可以利用鋼盆倒扣蛋糕, 不過要記得久唔久拎起個cake等佢散緊d水份喎..
脆糖蛋白球伴雲呢拿香草汁
睇嚟又要買番d杯啦...
密糖脆脆鮮忌廉蛋糕
呢兩本書一早已經買左呢!
2009年11月27日 星期五
2009年11月25日 星期三
君度柚子蛋糕
和朋友有約會, 雖然喺tgc上完堂返到屋企已經成10點, 但仍然好想整個喺L'Atelier du Goût新學嘅蛋糕比朋友們試下, 即刻量好晒材料開工lu, 第一次整柚子蛋糕要好專心呀, 所以無影相, 整嘅時候都唔係唔滿意, 因為d麵糊唔係咁似樣咁, 重未掌握到拌麵糊的技巧, 不過焗嘅時候好香柚子味呀...........係日本愛媛縣柚子嘛
個柚子蛋糕整好後要隔兩日食會更加好味, 但唔夠時間, 食左先算囉.........
個份量可以整2個蛋糕, 一個我帶去聚會, 心想5個人食唔晒, 建議佢地帶回家, 但係佢地食過之後就話點會食剩架....於是好快就消滅左個cake啦...
另一個比husband帶番工, 佢d同事個個都話好食, 有一個肥妹仔話佢自己食得最多, 因為無乜牛油
佢地個個都覺得呢個cake會令你食完又想再食
唔該晒老友山長水遠幫我買柚子皮同柚子汁呀.
燒烤樂示範課堂@ TGC[23-11-2009]
臨近聖誕好多烹飪的課堂都好合用, 一連報左4個, 今次學嘅係燒烤菜色, 烤羊扒, 炸豬肋骨, 炸魚係咪好吸引呢, 以前bbq最鍾意食燒雞翼, 而家唔啦, 怕左d雞皮囉
呢堂真係好吸引, 好多人呀!
用黑松露醃過嘅羊扒的肉質相當腍滑, 大會用的當然唔係來路嘅松露啦, 而係祖國雲南的, 一定要烹調過才吃, 我試過買回來用橄欖油低溫煮吓d祖國松露, 放在煮好的意粉食味一流呀.
烤羊扒伴松露薯仔沙律
烤豬肋骨好過烤金沙骨啊!
烤豬肋骨伴酸辣菠蘿, 個酸辣菠蘿材料簡單, 但係好正呀, bbq食左咁多肉, 食番d菠蘿啱晒口胃.
一條彩衣要成一百六拾蚊, 大會好豪喎...
香草燒魚伴茴香粟米沙律
用香草醃嘅魚幾時都咁好味, 再用嚟烤, 口水都留埋呢!
以後bbq唔洗死板板囉....
茶香骨
燒熱鍋下油, 爆香薑片, 乾蔥片, 蔥, 蒜茸
加入壹字排骨(約一斤)兜勻後贊下紹酒一湯匙
加入碧螺春茶約300毫升及調味料...(生抽, 老抽各約一湯匙, 雞粉半茶匙, 麻油半茶匙, 冰糖兩小舊)
煮滾後慢火炆約一小時, 待排骨腍身後盛起, 原汁調好味道後勾薄獻淋在排骨上. 如果炆完收好汁的話就唔洗打獻啦.
炆好嘅排骨我會留待第2日先食, 因為雪左一晚, d排骨嘅油份會凝固係面,可以撇左d油冇咁肥膩, d排骨又可以入味d....
唔洗次次都梅菜炆排骨, 薯仔炆排骨之類, 呢個新嘗試都唔錯, 用左少少汁撈飯, 食到d茶味, 好味呀!
想起以前無乜胃口就會用茶撈飯嚟食, 不過而家唔會啦, 壞胃嘛.
2009年11月22日 星期日
麵包工藝示範課程 by Gregoire Michaud[21-11-2009]
做麵包對我嚟講真係太艱巨啦, 雖然上個幾次堂, 仍然係摸不著頭腦
不過,有麵包的課堂我都會上的, 定個目標比自己, 出年一定要自己焗到個麵包出嚟見人啊...
又可以去賞味坊上堂啦
四季酒店餅房主廚Grégoire Michaud, 好型呢! 仲好nice, 好詳細地講解學員的題問.
今次遲左d去, 要坐得較後的位置, 所以全程都要睇住個大銀幕, 不過都睇得好清楚呢...
有法包, 蒜味香草法包, 普羅旺斯法式香草包, 硬粗麥麵包.........
以上都係預早做好比我地品嚐的包包, 好野當然唔會獨食, 要take away 同 husband一同分享呀.
今次嘆左一杯美味的咖啡
下課時大會還贈送一樽櫻桃果醬給大家, 我仲未捨的開呀...
訂閱：
文章 (Atom)