柳橙榛子蛋糕

上個星期睇到Candy的blog,話要清榛子粉, 真開心,因為我都有包買左好耐未開過的榛子粉, 仲可以清埋包糖粉, good 呀. 食譜內的材料只欠鏡面果膠, 即刻整定d 糖漬橙片, 然後第2日去二記買果膠, 就可以開工啦.

 

糖漬橙片要早一日整定呢.

 

個份量可以整2個.

 

yummy! 下次掃多些橙酒, 愈多酒愈有另一番風味呀.

 

這晚很忙, 一邊整蛋糕, 一邊整晚飯, 所以早有計謀, 整個焗豬扒飯算lu. 湯都無煲, 一人加杯伯爵茶, 咁又一餐, 不過有甜品喎.

Jam Party @ Yves Kitchen

近排真係無事忙, 有好多野要做又未做, 又要坐定定對住Yahoo 網啦, 因為次次對住佢都要花我好多時間.

早幾日約埋幾位餅友去Yves Kitchen參加一個jam party, 地點喺銅鑼灣一座唐樓. 一見要上樓梯, 我第一時間問...幾樓呀, 好在3樓啫, 參加party前先來個熱身. 上完窄窄的梯級, 門一開, 喔!兩個世界呢, 簡潔的設計, 令人很舒服, 屋內還放了很多精緻的擺設, 想睇靚相, 就要喺小三啦, Candy啦同A-moon度睇了.

 

(上)草莓玫瑰果醬, 蘋果果醬
(下)藍草莓果醬, 荔枝桂花果醬

 

西瓜百里香果醬

 

木瓜香橙果醬配小多士

 

芒果配檸檬芝士蛋糕. 好清新好輕盈的感覺, 餅底又鬆脆, 忍唔住吃了兩件呀.

泰媽媽醬配清新菜卷, 真係好清新架.

 

迷你scone, 我鍾意個餅架啊.

 

菠蘿薄荷果醬特飲

 

多謝Bonnie和她的拍檔預備了這些精緻, 清新又美味的點心給我們呢.

在這裏還感受到幾位年青人為自己的理想而努力,他們的創作, 對工作的熱誠, 令我很欣賞呢.

祝她們早日達到理想.

father day's dinner @ simplylife

噚日係父親節, 呀女緊會有d表示嘅.

去過幾次太古城的Simplylife Bakery Cafe, 覺得都唔錯呀.

 

d 包包好正呀, 個staff見我地食晒, 問我地仲要唔要多份, 當然要啊!

 

好香的忌廉磨菇湯, 好似我整嘅味道呀!

 

8oz 漢堡牛扒, 囡囡大讚.

 

香草燒羊扒, 我要八成熟仍然好juice唔"鞋"呢

 

lime cheese cake, 有d失望lu

 

呀女話呢d糖好味............. 糖都會好味嘅

失眠一族

失眠在我嚟講有3大類, 第一係無睡意, 鬼咁精神, 唔緊要訓唔著咪唔訓囉.

第二係好眼訓好累, 但係個腦就好清醒, 不停地轉環遊世界.

最怕係第三類, 好累唔眼訓, 個心好跳, 抖唔到氣加埋出冷汗, 咁就要坐係度訓會舒服d, 真係扑暈我好過.

以前一個星期起碼兩三日係咁, 真係唔得佢死, 近排食左中藥好d, 一個月有幾日咁啦.

好多時咁就眼光光到天光, 不過有次睇住個太陽慢慢升上嚟, 黎明時嘅天空好靚呢!

 

朝早嘅雲霧開始散..

 

窗外嘅雲霧仍未散..

 

 

5點幾個天開始光

 

太陽慢慢升上..

 

有人叫我繼續影. 哼! 你估我想架咩.

悠悠閒閒@ JW Marriott(13/6/2009)

以往餅友聚會都係整完食, 食完又整, 忙過不停, 今次難得清閒地歎歎歎,今次去左JW Marriott 歎tea buffet, 由1點幾食到6點, 由1點幾hea到6點. 最舒服係那張高背梳化, 見到隔離枱的客人食完小睡片刻, 睡醒再食過, 真係歎.

 

 

一大壺茶比你慢慢歎.

 

 

 

首先來個冷盆

 

 

 

再來個熱的

 

 

 

再加個日式

 

 

 

日式甜蛋配冷麵

 

 

 

我鍾意食粥, 要番個鮮蝦帶子粥

 

 

 

最後甜品, 加個雪糕做句號, yummy!

 

Annie 的烹飪課堂: 口水雞, 紅油抄手, 担担麵.

以前係中電都跟一位上海師傅學過這味口水雞, 醬汁的材料都差不多一樣, 只係份量因個人口味而有別.

 

口水雞, 呢碟係miss整的, 好辣啊! 不過好快辣完, 係麻辣的. 不過最失望係大會供應的雞只係隻雪雞脾.

雪雞脾我覺得只有炸的才好味, 記得最好味的炸雞脾係喺天星碼頭的美心快餐, 那裡沒有座位的, 只有幾張高枱, 我常說笑喺度食企鵝餐.

 

 

担担麵, 呢碟又係miss整, 個湯少許辣,很清香呢,  好味過什麼泰呢.

 

 

紅油抄手, 我今日的午餐, 我怕辣唔敢落咁多汁, 原來d汁都唔係好辣

 

午餐再加碟口水雞, 噚晚husband食過話好辣, 自己食都係落少少汁好.

新大計 (gathering @ Celia'home 7-6-2009)

相約去旅行的團友聚會, 剛啱好友新居入伙, 一嚟參觀吓佢個高智能廁所, 又商量吓9月的旅行行程, 不過原本一早計劃去東歐的, 傾吓傾吓, 依家變緊節去日本九州.

傾完去左南華會順德公食魚宴, 今日真係食到好飽, 因為昨日嘅都未消化好, 食完飯返屋企, 一入屋就係梳化大昏迷訓左4個幾鐘.

主人家的大蝦沙律

 

台灣温泉皮蛋加自家製酸薑

 

我的拿手菜醉雞

 

開心果朱古力曲奇, 今次好認地磅下d曲奇, 個個10克重的, 剛剛好一口一個.

 

七穀曲奇

 

砂鍋焗魚咀~~~~~~~超正呀!

 

砂鍋焗魚咀, 每人有半個魚頭上碟的.

 

蒜子炆魽魚, 好鮮味好滑呢.

 

欖角蒸邊魚, 呢條魚成三斤重. 好味

 

梅菜蒸菜心

還有蒜蓉豆豉炒蕃薯苗同排骨蒸陳村粉, 太美味啦, 唔得閒影相呢.