薰衣草的花

朋友係舊年比左一包薰衣草的種子我, 在今年初落了種, 不過等左成個幾月都冇動靜, 心想可能d種子過了期, 唔理佢放埋一邊算啦,  終於有一粒種子發芽了.

5/2/2009

17/2/2009.........................       ...................21/3/2009開花了.

喺薰衣草隔離嘅係心心葉.

新買的叫magic leaf 喎, 唔知佢有幾magic呢?

果醬卷蛋

好怕做卷蛋, 因為次次都卷到爛晒. 睇左莎利豪點整卷蛋之後, 諗住做番一次, 不過表皮焗完之後好似沙皮狗咁, 都係要做番個反卷先見得人.

可能爐溫太高, 因為係個爐入面都升得高左, 一出爐就咁lu.

依照莎利豪講, 用支棍幫手,係好卷d.

yeah! 今次無比我卷爛.

個卷蛋超鬆軟, 好綿.

希望下次可以整到個正面卷蛋.

士多啤梨藍莓果醬

有個麵包機真方便, 揼晒d材料落去, 按個制,  唔駛睇火, 個幾鐘攪掂.

一盒士多啤梨, 一盒藍莓, 半杯糖, 一湯匙檸檬汁, 就係咁簡單, 無添加.

粒粒果肉.

果醬都可以用鮮味嚟形容. yummy

兩代人的情人節

呀女話情人節要同我地一齊過一齊食飯, 當然佢都帶埋男朋友仔嚟, 一家人食飯最舒服的地方我始終覺得屋企係最好, 開開心心,無拘無束. 不太難煮了幾樣菜.

囡囡送比我地的情人節禮物.

慢煮春雞伴煙肉.

焗澳洲羊架.

香草橄欖焗魚柳.

焗粟米新薯伴荷蘭汁.

呢個荷蘭汁如果唔係有d後生係度幫手食, 真係咪攪我.

在北海道買的甜餐酒.

餐後甜品: 焗藍莓沙巴翁.

食飽飽好滿足

chocolate diy

54% Callebaut 的朱古力粒就咁食都已經好好味.

朱古力落模啦.

OK!成功, 你估係朱古力面的倒影係邊個呢?

另一個模做的, 多謝樓上的鄰居借d朱古力模比我地.

我地好認真架, 雖然有兩支測溫槍, 都一路check住d朱古力溫度嘅變化.

好睇又好食啊!

焦糖榛子朱古力.

剩下來嘅朱古力嘗試下做呢個, 不過大家都趕時間, 被遺棄在雪柜內.

Oh! No!

焦糖脆杏仁朱古力

自從學左整朱古力之後, 好想係屋企自己整, 睇吓自己學成點, 剛剛朋友幫我買左張好靚嘅朱古力texture sheet, 趁年三十晚下午有2~3個鐘頭得閒, 放膽自己整一次, 得嘅話夜晚食團年飯時可以比親戚試吓.唔駛問梗係好味啦!

 

唔失敗已經好開心啦! 整多d會進步架啦!

張texture sheet出嚟嘅效果好靚呀. 唔該晒my.

 

 

年尾蒸糕

祝大家新春大吉, 新年進步!

年二十八約左小三一齊整糕, 坊間蘿蔔糕同芋頭糕的食譜有很多, 我地都係試試吓.有些做法同我做開的都有些出入,

整芋頭糕就用左其他做法, 係將一半芋頭壓成蓉, 再加入粉漿, 不過整左出嚟嘅口感就好似食番成舊芋頭咁, 真係so no good.

大功告成.