好鍾意上Anne的堂, 教煮的菜式不單好味, 她上堂時每個學生都會照顧到, 講解清楚, 遇到複雜的程序, 她會不厭其煩地重複講述.
細細個已經好鍾意食燒肉, 好多時經過燒臘檔都會買一條骨當零食, 依家梗係唔會咁做啦. 想學整燒肉好耐, 終於可以自己整啦.
鹵水豬腳
上堂嘅時候, 可能用左26個爐嚟焗燒肉, 間課室好焗, 我突然間眼前一黑, 暈一暈, 好彩坐左一陣無事, 不過搭車返屋企時都係暈暈地. 所以晚餐只係煲粥算了.
可能件豬腩係大肥豬, 唔係中豬, 所以層皮都好厚, 雖然脆都要好大力咬落去呢.
餅友不嫌山長水遠到我家教整pita bread 同蕪花果合桃祼麥田園包, 好感謝你地呀.
心裡趕著整包, 只煮了這簡單螺絲粉做早午餐, 請諒.
pita bread 發酵中
pita bread在爐中開始升起時心情很緊張呢.
成功啦! 我大鄉里, 覺得好新奇又神奇.
係咪見到都知好味呢.
蕪花果合桃裸麥田園包.........第一次係我屋企出爐的包包, 雖然唔係我整, 但都好驕傲呀.
素未謀面的餅友因事未有相聚, 但都送來點心
pita bread今日仲係漲卜卜的呢.
你們留給我的田園包就成為了我今日的早餐, 好舒服好滿足呀. 另外一大半剛好就做了husband的返工糧食了,因為佢今要試新船不宜食午飯, 要分多餐少吃呢, 希望今日唔好咁大浪啦.
我屋企個座地焗爐, 只係新嘅時候焗過幾次雞翼之類, 之後就成了我的儲物柜, 多謝餅友令它發揮佢原有的功效.
因晚上有飲宴趕住整理, 沒有親自送你們到車站, 不好意思啊!
係TGC上烹飪班已經有年幾了, 最喜歡上Ricky sir的堂, 他有問必答, 還很有心解答你的題問,堂上氣氛又融合, 雖然只係示範課程, 但我覺得仲學到好多好多野. 一落堂即刻拎住張食譜過去citysuper買材料返屋企煮, 又係一種樂趣呢.
焗風乾火腿芝士卷
松茸清湯......煮呢個湯好得意, 煲湯嘅時候一路不停攪拌d湯嘅材料, 慢慢d材料就會升上湯面, 形成一塊肉餅咁,下層就係好清嘅湯.
蔬菜啫喱配蟹肉及甜椒
吞拿魚蘋果釀蕃茄配香草蛋黃醬
香芒帶子他他伴菠菜沙律
菠菜沙律伴焗南瓜及煙肉.....個汁係用新鮮紅桑子做的, 好好味架.
低溫三文魚柳伴薄荷青瓜莎莎
西班牙辣腸白酒煮蜆
西班牙白豆燴羊腩
香蒜檸檬烤小野雞
對住新嘅野當然會勤力架啦. 今次加左d乾果, 焗嘅時候已經好香, 次次出爐都會即刻比人切左一刀.
希望了解多d焗麵包嘅過程, 可以用焗爐焗其包形式嘅麵包, 當然攪麵團都係靠番部機 lu.
一睇就知係用麵包機做了.
但係都好軟熟, 加左博多豆乳, 焗嘅時候己經有好香嘅豆乳味.
一磅嘅份量岩晒我地.
好耐之前已經好想有一部麵包機, 但見佢地嘅體積好大, 所以都冇買, 早前學整包包失敗, 咁 "Q"行公司時見到一部細SIZE嘅麵包機, 於是就抬左佢返屋企啦.
雖然噚晚整, 但今日食依然都好軟熟.
......
husband : 見你咁開心咁嘅.
我 : 梗係啦, 焗成功喎.
husband : 都唔駛你整, 你剩係倒d材料落去之麻.
...........心諗...都係開心嘅!
係我買材料嘅時候, 遇到2個問題. 一就係酵母, 企左係酵母貨架前好耐, 因為太多牌子, 佢地用嘅字眼又唔同, 有instant, active, quick之類,好在打到電話比小三同donald, 問題解決了, 唔該晒. 另一個就係量杯, 套裝嘅量杯, 一杯係註明200ml, 而單一個果種就註明250ml. 諗左好耐, 最終都係買左套裝的, 佢話一杯就一杯, 唔好理佢有幾 ml囉.
