北海道札幌五日遊 ~ 第二日

每次到北海道,
必定會計劃有一日到[中央缷売場外市場]吃午飯.




這碗飯是我的至愛,
飯一到要即刻快手撈..撈..撈勻佢,
不說話, 專心吃,
落晒肚好滿足呢~

燒"kinki", 肥美肉滑, 好鮮味.

肉質豐厚,
和husband一起分享.




食完午飯,到市場逛逛, 最開不過.




2300yen一塊和牛, 不用兩百港元, 好抵呀,
如果酒店有個廚房, 一定買回去煮.








有5.1kg重的長腳蟹, 十分有霸氣呢！








買了左下角的一種蜜瓜,
第一次買這個品種, 瓜紋是淺色和突起的,
原本6800yen兩個, 講價至6000yen兩個,
好失望, 雖然很甜, 但沒有蜜瓜的濃香味, 瓜肉鬆散帶根的.
最唔好意思係送了一個比朋友.

北海道神宮,
今次到北海道, 沒有租車,
都是在札幌市附近名勝遊覽,
天氣寒冷, 天色灰朦朦, 遊人唔多.

路邊積雪還未溶透。

只係在廿多年前跟團到日本時,
聽導遊介紹飲過這類的水,
見個個都係咁飲, 以為入鄉隨俗, 嘗過少少,
之後掂都無掂過 lu.

買塊掛板仔, 寫幾隻字又比番佢, 更家唔會囉.

在園內其中一道走廊掛了很多很精彩的相片,
可惜反光, 試過好多角度都影唔到.

 

北海道道廳舊址, 當地人暱稱為[紅煉瓦],
就在住的酒店附近, 出狸小路時特意行過去看看.
建築物是明治時代的洋風建築.

如果部車無機器帶動, 就太...
我唔會坐囉~
我見佢行到伸晒脷呀~

狸小路1至狸小路7都行勻啦.

 

晚上由酒店搭的士出狸小路附近食晚飯.




我地嘅超級領隊安排, 在港已訂了位啦..
都唔係好清楚店名, 大概係居酒屋 なごみや .




只有一張餐牌, 貼上牆壁, 一眼睇晒.

生蠔我唔可以食多, 大大隻兩三隻已經夠了,
我嘅quota比埋團友. 

蠔可以生吃, 燒和炸, 我地多數燒嚟食,
一個煱上放上錫紙, 放上生蠔,
有個計時器比你, 按5分鐘, 鐘響就食得啦!
要食, 自己開啦..




新鮮又肥美.

還可以點其他食物.

又可以燒蜆, 肉質韌了些, 都係豉椒炒野味.

埋單後臨走才發覺一直坐住個膠酒箱,
環保得嚟怪怪的.




今日最大收穫,
終於在Tokyu hands買了陶瓷鑊,
3480yen, 而且係Kyocera牌子,
依家兌回港元即係打個8折, 買得真開心.
Husband亦在[宮文刃物店]買了把好刀,
人手打磨, 所以刀鋒張張有別,
店員亦好耐心拆了很多給我們選擇.

北海道札幌五日遊 ~ 第一日

未睇過日本櫻花,
抱住興奮心情去北海道欣賞下,
可惜天氣又凍又落雨,
櫻花樹上只見花蕾, 好失望呢!
有一日在街上漫步遇到微微的雨雪, 已經好開心~ 
比個藉口出年又去過囉!

今次行程十分舒適,
只有一日去得較遠的小樽,
其餘時間都在札幌市中心.

朋友電郵5日行程給我時, 
拎住個mouse '碌' 落去睇個行程,
兩吓就 '碌' 到 "札幌~香港" 呢幾個字,
5日時間總覺得太少...




第一件收穫是囡囡的手信,
大丸店剛有個廸士尼物品展, 入場費800yen,
場內唔可以影相, 用手機都唔得, 唔睇lu!

櫻花朱古力紅豆士多啤梨雪芳蛋糕!
今年在外地慶祝生日




今次好嘆, 連續5日4夜都住Keio Plaza Hotel
酒店房間和餐廳地方都有free wifi好方便.
講起酒店名就諗起入境過關時一個笑話,
入境紙要填境內入住地方, 因為酒店voucher在朋友處,
朋友被upgrade到business class, 優先落機, 所以聯絡唔到,
諗住札幌梗有間 '札幌酒店' 嘅, 咪填左 "Sapporo Hotel",
一定無衰啦, 佢地又未必睇啩..
點知呀sir話無Sapporo Hotel, 真係無晒辦法, 佢又一定要填,
我只係記得酒店名開頭係個K字, 講嚟講去都講唔到係K咩,
佢問係咪Keio, 我即刻話係囉..
但我又剩係聽到佢話K.O., 咪填K.O. Hotel,
最後呀sir串英文比我知先填得啱晒

幾日天色都是暗沉沉~

好熟識的札幌站.

晚餐在大丸樓上的[拉麵共和國]內食拉麵.

我要的春日限定拉麵.

晚上天氣清涼, 大概有5度左右,
食飽步行返酒店幾舒服的,
好幾次食完飯都選擇步行回酒店.

 

朋友在大丸超市買的大拖羅做宵夜.

仲有我買的割價士多啤梨, 半價咗788yen,
其實都唔知抵唔抵, 不過肯定的是食得好開心呢..

食埋雪糕, 一日行程完畢.