8日8夜日本四國環島自駕遊 ~ 第四日: 高知城 ~ 四万十 ~ 土佐清水巿 ~ 愛媛縣 ~ 松山巿

是日行程~
高知縣 ~ 400年歷史名城高知城, 四万十川,
四國最南端之足摺岬, 竜串海岸等等..
金剛福寺、足摺黒潮巿場,
愛嫒縣松山市..

午晚餐~
「四万十屋」名物鰻魚飯
松山市鄉土定食.

大清早天氣麻麻,
帶去的雨傘遺留在大阪的酒店, 唯有到便利店買即棄雨衣,
實在太貴啦, 要8百多日元一件, 一把傘平d, 600日元,

高知城~
買咗傘又發覺對波鞋鞋面會入水....
所以無入城內參觀, 只在城門口影相.
有入城的團友話城內好靚喎, 算囉, 反正日本的城都係差不多.

雨勢有時頗大.

真係專程嚟食晏.......「四万十屋」
店鋪四周環境開揚, 食物更是一流, 魚類好新鮮.
地下是賣手信, 上層是用餐地方,
只有我們一枱遊客, 其餘都是當地人來呢.








在店鋪二樓可以望到對岸景色.








husand用他的相機連環拍..

husband的野生鰻魚定食.
中間那兩條炸鰻魚骨, 好脆好有味道, 真係連骨都食埋.




好肥美呀!

我怕食蛇型嘅魚, 所以有其他選擇的話, 我就唔會食鰻魚,
我要咗呢個 [四万十川まるごと]定食,
都唔記得條燒魚係咩, 肉質好滑.

 

原來四國有大大小小的寺廟88間,
編號第一係靈山寺, 即是行程第二日我們到過的那所,
之前講過在四國沿途山路都會見到戴笠帽白衣的善信拿著竹竿徒步而行,
我想可能善信們沿著路線參拜各寺廟, 而靈山寺是起點呢.

金剛福寺.

這伯伯是到寺廟參拜善信..

 

 

靜靜地欣賞太平洋...

去到[足摺黑潮市場]滿心歡喜, 以為可以開大餐,
點知原來收緊檔, 咁遠嚟到點都要買番d手信.

 

在車上遇見一列小火車, 立刻用相機拍下.

離開高知縣往愛嫒縣, 車途大多是沿著海岸線, 和台灣的蘇花公路有些相似呢.

在車途中, 遇到如此迷人景象,
不用考慮又已經泊好車啦..

有團友問可唔可以睇晒個太陽落山先上車喎,
真係吖...仲使問嘅..
呢個太陽唔係落山, 係落海先啱呢.




按行程應該係去到愛嫒縣松山市才吃晚飯,
車駛到公路入口先知公路關閉, 要再set過GPS行[一般路]線, 指示話到達時間要晚上10時多,
要在途中搵食先得啦, 是但揀咗呢間.

店員帶咗我地入房, 好舒服呀, 埋單時才知房間附加費1000yen大元.

husband的燒鯛魚.

 

我喜歡的日式蒸蛋.

 

再一個海膽飯.

呢晚去到酒店check in已經係晚上11點幾,
最攰的一日.....

8日8夜日本四國環島自駕遊 ~ 第三日: 德島縣~ 三好市~ 祖谷~ 高知縣

第三日:
出發往三好市之祖谷藤蔓橋, 大步危峽, 小步危峽,
同埋好有驚喜的[小便小僧],
再驅車往高知縣..

食嘅有:
又凍又滑潺潺嘅蛋飯;
しゃぶしゃぶ温野菜」任飲任食豬牛火鍋.

呢日天氣真係好,
由德島縣往高知縣沿途風景優美, 空氣清新..

行行吓車, 就係因為見到有幾間舖頭,
有團友突然強烈要求加插旅遊購物點,
只有領隊反對啊.....因為咁會延遲打後行程安排~
司機反應仲快, 幾秒已經泊好車lu,
哈哈~又有收穫啦!
不過領隊話: 我地個個都唔聽話, 每人都要記一個過喎~




呢部就係我地今次旅程戰車, 好寬敞呢,
側面玻璃窗有太陽檔, 只要拉上拉落就可以了, 好方便.

 

唔使介紹囉......大大個招牌

 

可以遊船河.

遊客大多數都係當地老人家.




河中有好多好多鱒魚.

停車場收銀婆婆,
300yen任泊, 將錢放入收銀箱得架啦, 無收據架..
喺某d地方, 錢箱比人撬走埋都有份.

祖谷藤蔓橋

睇嚟想過橋都要好吃力.

藤蔓橋好短, 要比500yen...唔行lu.

睇人地行算囉.

 

 

按著GPS指示嘅山路去搵[小便小僧],
大家都以為景點會有個公園或者一個平地.....
可以泊好車遊覽一下.....
點知....

原來[小便小僧]只係在路邊一處突出嘅岩石上的銅公仔,
大家一見到都哈哈大笑..
山長水遠就係睇路邊一個銅像公仔.

 

 

我唔敢望落山, 只係伸手出路邊石躉外影了幾張相.

 

當時影咗咩都唔知呢~

又影下對面山頭,
大家急急影完相上返車囉,
查實停留喺嗰個位都危險架.




高知縣ひろめ市場食午餐.

睇招牌好似好吸引.

串燒都係一般.

我要咗呢個飯, 食咗一半都無, 因為真係好難食, 真失策... 
唔記得呢個係咩蛋飯, 總之係又唔熱又滑潺潺.

去食晚飯途中見到佢地預備中,
打算食完飯先再幫襯,
可惜食完飯落大雨, 要搭的士返酒店, 無緣食.....

咁簡樸地方竟然有一大間名店.

しゃぶしゃぶ温野菜」任飲任食豬牛火鍋.

豆乳和蕃茄湯底,
蕃茄湯底好有肉醬意粉醬feel.

 

次次食放題我地都說笑: 一定比人記入黑名單...