10日意大利城鄉薈萃遊...第二日羅馬, 佩魯賈.

 

 

是日行程:
白露里治奧古城 Bagnoregio
奧維渥特 Orvieto
伊特魯行亞人地下洞窟 Etruscans Grotta
大教堂 Duomo

瞓醒一覺, 懷住開開心心心情出發,
一上旅遊巴又係鬧呀鬧,
說是旅遊巴司機遲到, 沒有在酒店門前, 開定巴士冷氣...座位問題等等..
實情係司機一早己到, 只不過等我們集合齊人才把車駛來, 免得阻礙其他酒店客人.

真係讚吓領隊, 對於那些無禮呼喝, 無理責罵, 任何要求都盡量配合,
日嘈夜嘈, 幾時先捱到10日完呀, 好影響我旅遊心情呢, 
多謝領隊處理得好好, 可以過番幾日寧靜日子, 
唔開心嘅唔再提啦,都係開開心心重溫一吓今次旅程先~

呢日去古城, 都要行幾多鈄路,
不過d空氣真係好清新, 所以我都要大大力索.......氣.

曾經荒廢咗幾百年的白露里治奧古城,
話說宮崎駿到過此地旅遊後, 就以此地作為題材, 創造咗漫畫小說中的'天空之城'
係咪好似呢...

如果呢日有低嘅雲霧就好啦, 情景同電影一模一樣囉.

有好多悠閒嘅貓貓





好簡陋的手信店物品唔多.

雖然靜得有d荒涼感覺, 但當想起香港, 真係要好好享受一吓幾拾分鐘寧靜呢~

午餐的餐廳, 地方簡潔純樸, 好似返咗屋企食飯...





頭盆牛肝菌意大利飯, 好地道feel,
望入廚房, 見到幾位意大利媽媽廚師, 難怪咁地道美味.




 
主菜: 香草煮雞脾,
食嘅時候唔覺有香草味, 食完之後就感覺到口腔有些微rosemary香草味道.

嘩~ 好傳統 tiramisu.




 

 
上纜車站的電動樓梯........睇嚟失修好耐囉..

搭纜車參觀大教堂,
纜車路喺兩邊民房中間, 當一到山頂時, 完全另一個景象,
有好大間教堂, 有好廣闊廣場.

唔知點解, 一見到教堂深淺色相間外牆, 就想起電影"埃及妖后" 嘅皇冠頭飾呢?!




 

奧維特古城




 

 

 

 
喺灰灰啡啡嘅古城, 突然見到俏Betty, 醒神晒!

 
古代伊特魯亞人聚居時所住的窟洞.

飼養白鴿的地方.





行程完畢坐車回酒店時拍的....夕陽餘暉 





在酒店晚餐, 雖然材料簡單, 味道唔差,
日日都係意粉或飯做頭盆, 跟著就係主菜和甜品,
唔想肥嘟嘟咁返香港, 有時要和husband share一碟.





青豆雞, 有人話好難食, 有人encore,
話唔好食唔代表食野要求高, 口味各有不同, 唔可以一概而論嘅...





食埋甜品,
呢日要寫句號啦...

10日意大利城鄉薈萃遊...第一日羅馬

第一日羅馬....羅馬競技場, 君士坦丁凱旋門, 羅馬許願泉, 西班牙廣場


10日嘅行程幾乎去咗12日,
原本個團係早機, 我地坐芬蘭航空, 要坐凌晨機, 變咗早一晚出發,
返港時因機件故障, 原本係晚機, 變咗係早晨機, 真係抵玩呢...


上次去意大利剛剛97回歸,
記得當時坐在一個小鎮餐廳, 看著電視睇交接儀式,
隔離枱客人仲問我地嘅感覺如何...


一出發就發生一段小插曲,
我地去到機場集合區, 已經有團友等緊, 好自然行埋去一齊等,
點知等到集合時間仲未見領隊出現,
正正一到集合時間, 有人好勞氣打電話比領隊, 鬧呀鬧....
原來領隊早已到咗芬蘭櫃位, 霸定個頭位比我地check in..
一個誤會開始.....
往後還有很多大大小小插曲...


遇著d好攪野嘅團友, 真係好影響心旅遊心情, 幸好有個pro嘅領隊一一將事情化解,
覺得還是自由行好, 下次要自駕遊

 

 

 

坐飛機都有menu, 好貴呀~





航機由香港先往赫爾辛基, 再轉機往羅馬,
赫爾辛基機場有中文指示, 雖然係簡體字, 都覺得親切呀.





千其咪買A貨呀~ 不過呢件衫設計都唔錯...









到咗羅馬市中心,
因為早咗凌晨機, 去到羅馬很早呢, 可以玩多一日, 所以午餐和晚餐要自己搵食.





出門前得到很多朋友忠告....
羅馬治安很差, 專搶中國人財物, 所以我身上都無錢, 全部交晒比保鑣看管..
羅馬車多人多, 又有好多警察, 無想像中咁恐怖, 只係成街都係人, 行得唔悠閒咁囉.





以前到過兩次羅馬都係搭的士經過競技場, 只得遠望, 今次可以近距離接觸..

 

唔夠時間, 我地無入去參觀, 隔住鐵欄杆影吓相,
不過我都唔見入面有人呢.

在競技場對開, 有君士坦丁凱旋門.

羅馬大噴泉....
呢度有好...好...好多人呀, 好迫, 又見到好多同胞呢~
又有人舉行婚禮...





要影張無人嘅相, 要影...天呀~~~

今次無幫襯過麥記, 唔知佢熱賣緊咩呢....

炒栗子小販檔, 好鍾意佢盛栗子嘅設計, 係個雪糕筒, 但係裝得唔多囉.





價錢唔貴, 不過我都無買呢,
成日要提自己, 要嚟封塵嘅唔好買呀.





d蛋好假好似塑膠咁呢.





我地第一樣食嘅就係意大利雪糕,
€2.5~3.5大大杯, 又可以攔兩個口味, 唔算貴囉, 日本起碼350yen.





嘻嘻! 見到就開心啦.





5條美腿, 可惜搬唔到返屋企.





第一日, 見到都唔買得住...





開餐啦....
餐廳個靚仔意店員識煲冬瓜, 好犀利呀..





我一定會影晒食嘅野, 睇番都開心嘛.





樣樣都好美味, 好開心呀~





最正呢個爐燒pizza, 好有炭燒味, 材料鮮美....





因為好多祖國同胞囉..





西班牙廣場一樣咁多人.





相中最左拎住玫瑰花嘅吉普賽伯伯, 都幾慘架, 邊會有人幫佢買花吖,
佢一行埋嚟, d人走開架啦, 我都係一樣囉,
有對外籍夫婦就係咁, 走都走唔切, 漏低太陽眼鏡喺地都唔知,
吉普賽伯伯執番眼鏡比佢地, 可惜追唔到.





晚餐都係自費, 都幾攰吓, 無出去搵食,
呢晚喺住嘅酒店開餐, 開咗支酒慶祝吓...
成間酒店餐廳酒面得兩個人咋, 我地一大團人突襲,
佢地就以慢變處大變, 真係一d驚惶失措都無架,
好囉..唔使咁緊張, 慢慢嘆就慢慢嘆啦.....





我都係覺得我整嘅沙律好樣d呢..





千層麵





雞肉芝士沙律, 芝士好鮮味佐酒一流呀....





見到又想食啦~



第二段插曲又發生囉....
話說參觀完競技場, 領隊點好人數, 行返去旅遊巴,
點知上到旅遊巴, 少咗兩個人,一對年老夫婦唔見咗,  等呀等...
領隊落車搵人, 我心諗咁大地方咁多人點搵呢???!!!
其間在車上聽到, 同團呢對夫婦朋友話...佢地拎嘅相機, 剩係鏡頭都唔知幾多萬,
一人一部相機, 擔心佢地比人捉咗去云云....
我都驚起嚟呀, 希望唔好發生唔開心嘅事啦,
好彩, 終於見到佢地同領隊上返車.


之後有人就將責任放在領隊身上,
領隊真係無辜呀,
我聽到老年夫婦朋友講, 集合之後, 行去旅遊巴之際,
佢地去咗影公廁, 影完出嚟唔見咗我地, 又蕩失返旅遊巴嘅路,
我地就喺車等咗佢地半個鐘囉, 老年夫婦上車時一dd歉意都無,
搵番算好彩.....


查實公廁有咩好影呢