台北3日兩夜~ 第二日:野柳地質公園~基隆夜市~九份~陰陽海~十分~平溪~菁桐​站~臨江街夜市(一)

呢日約咗司機10點在酒店門口等,  去咗好多景點, 不過都好輕鬆呀.
去野柳地質公園時遇著國際馬拉松封了路, 塞了十幾分鐘車, 其餘路程都好暢通.
好幸運地原本九份星期日私家車唔可以上, 但係又上到, 我地走時就封路啦! 天氣又好!
司機叔叔都讚我們好運呢!

野柳地質公園好大霧

雖然灰朦朦, 風景好美!

有好多石都有名稱, 例如仙女鞋, 豆腐石, 駱駝石...等等.
最出名係女王頭啦, 要同女王影相要排隊呢!

好多菇菇呀..................
香港再唔出太陽, 我屋企都有架啦!

正中近海嗰個咪係女王頭囉......要好有想像力架!

海邊石縫, 當海水打上湧入石縫時, 會發出打鼓嘅聲.....
聲音好立體呀.

離開公園去基隆夜市逛逛, 順便食午飯.

我地係呢間舖食午飯, 魯肉飯好好味..

到九份啦, 真係人山人海.
團友比人踩咗拾幾腳, 好彩我兩次咁多啦!

好大舊蘿蔔糕..

好大鄉里好多食物品都未見過.

好多人食, 好在我無試....

後來我個女話我知, 好難食架, 好大陣臭筍味喎.
見到都知唔好食囉...

行完九份啦......
又要迫返落山囉.........

台北三日兩夜 ~ 第一日...西門町, 士林夜市.

第一次到台灣, 今個旅程真幸運呀, 出門之前一直都留意住天氣, 都係話落雨, 連續落咗兩個星期, 我地到的日子都是預測有雨. 好彩呀! 3日期間, 只係第一晚落咗一陣微雨, 我地回程去機場時又橫風橫雨, 連司機叔叔都話我地好幸運.
台灣人比想像中更友善, 見我們對住路牌指指劃劃, 便有人主動問我地要去邊, 教我們怎樣搭車.
的士司機都好nice, 很多時都幫我地計算怎樣搭車才化算.
在機場接我地嘅司機都好好人啊, 所以搵咗佢第二日車我地四圍去.....

同胞們都是心急的, 好多人都企得好貼行李輸送帶, 好難搵到個位等行李.

雖然天陰陰, 無落雨好開心!

第二日包咗一部車, 由上午10時至晚上8 時, 5000元新台幣.

第一次見酒店房兩張床前後擺, 唔知係咪叫人瞓覺唔好傾計, 所以酒店都叫"Just sleep".

我覺得西門町好似祖國的步行街.

晚上行士林夜市.

小朋友要拖住大人呀 ~ 行人路路標好似劃得肉酸咗d.

夜市好多人呀, 行到我怕晒, 大多數都係炸雞扒, 臭豆腐..... 總之..唔係煎就炸, 好唔健康呢, 我無食行完都一身油煙味, 返到酒店都覺得有陣臭豆腐味跟住我.

地下街食物檔攤差不多千篇一律, 得'煎' 和 '炸' , 無興趣兼無胃口食...

我地只係食咗胡椒餅, 新鮮出爐, 好好味, 皮鬆脆, 好多餡料, 又夠辣.

一路上有好多遊戲攤檔.

都幾多人玩架~

呢個遊戲係射弓箭, 其實都幾危險.
呀伯: 咪射住呀, 等我行開先.

咁都係一門生意,  遊戲玩法係摸麻雀, 即係東南西北中發白呢,  你得嘅獎品就係要睇吓你估中幾多隻牌.....真係要比10個趣佢.

2012 京阪神 ~ 完結篇

呢朝一早起身搭6點幾班車去機場lu...真係好眼瞓, 唔想起身, 想住多幾日.

呀囡無得去, 買番d手信比佢補番數.

日本朋友送的有機大根, 係佢屋企隔離屋伯伯自己種的..
我整咗3樣唔同味道食法, 各有各好味 ~

配柚子沙律汁 ~ 好清爽好fresh.

配紫菜醬 ~ 最有日本地道feel, 餸粥一流呀.
紫菜醬好好味, 下次去日本要搵番d存貨先.

糖醋醃 ~ 醃咗慢慢食.

近幾日日元回落, 可以儲定錢啦.

2012 京阪神 ~ 購物樂

日元高企, 玩咗3日都無咩消費意欲, 帶去的日元用了三日只係用咗一半, 鬼咁開心, 心諗剩下的可以去多一次, 點知行程最後呢日, 食完早餐行咗入心齋橋的大丸就失守啦. 買到要拎番酒店, 再出發呢~

我個背囊呀...有兩個tinkerbell 架.. 

喺神座食嘅早餐好抵, 一碗湯麵...

仲有一碗溫泉蛋牛肉飯都係850yen, 我同husband share食都好夠, 味道唔錯架..

 
有任用的韮菜, 加入湯麵食很野味...

搭車去神戶, 呢晚約咗一位移了民日本的朋友吃晚飯呢~

在神戶駅的伊勢丹10樓? 11樓? 拉麵橫丁食晏.

碗拉麵一到, 嚇得我吖, 好肥呀, 雖然唔見有好多油浮喺湯面, 不過我感覺到d湯好肥, 一啖都唔敢飲..

呢間伊勢丹好大, 要行晒...一日都唔知夠唔夠.

又係唔一早訂定檯就無得食, 不過我覺得麻麻囉, 一嚟可以食煙, 二嚟火鍋嘅油煙都好犀利, 陰公..返到屋企我件羽絨仲有嗰陣油煙味.

呢杯抹茶奶好失敗, 總之係唔好飲....

呢個係3人份的雞鍋, 份量好似少咗d, 雞肉尚算滑.

較為名貴的和雞反而麻麻...

食完飯要返酒店執拾行裝囉, 因為第二朝要搭早機返香港, 要5點起身呢!