成日以為端午節喺星期日, 原來喺星期一; 同husband無咩地方去, shopping睇戲又唔係好啱, 個女又有自己節目, 都係去番我地嘅抵玩樂園, 唔計油錢, 30蚊隧道費就可以hea一個下午.
先喺東涌Novotel食晏 ~
好寧靜 ~
先嚟個自家製麵包.....
咦!橄欖油隻碟咁得意嘅!!!!
初初唔明點解比隻咁嘅碟......
依家明解嘞!
薄荷青豆忌廉湯, 好好味我第日都整嚟試吓.
唔知咩咩Sweden meatball pasta咩咩, 個名有兩行字咁長, 我剩係記得番呢3個字.
好大個pizza好多芝士~
我食咗兩件已經飽晒. 午餐可以加40蚊就有飲品同甜品, 不過食唔落lu.
喺廸廸尼門口竟然兩次比人問我地要唔要入場券, 佢地有得平讓喎, 都要三百蚊, 嗰時已經3點半, 我諗佢地都係袋返d入場券留念多架啦.
今次坐第一行.
真係愛C我部Canon S90 ~
好一個端午節假日.
今朝好似出門去旅行咁, 6點幾起身, 不過唔係去機場, 而係去川龍飲早茶, 之後再去雲泉仙館影荷花, 荷花開得好燦爛呀.........
關公巡城, 韓信點兵都聽過吓...
全部自助架, 自己攞杯攞碗筷攞點心.......
有個後生仔嚟到, 對d呀姐話兩位.......
呀姐話..自己搵位啦!!!!!!!!!
哎呀!有鴨腿湯飯呀, 依家先見到, 好想食呀.
除咗去旅行, 平時真係好少咁早飲茶.......
豆腐花都係自己去裝, 任裝一碗十蚊.
好耐無見過咁嘅點心賣相 ~~~~~~~~~雞札大過碟.
飽肚馬拉糕.
我地6個人差唔多食左20碟都係260蚊...
我諗都係d村民自己種, 拎出嚟買的.
婆婆原本有d節瓜好大隻好靚, 比人一次過買晒, 我買唔到....
今晚又做無飯主婦~
噚日見到朋友個囝囝食磨菇漢堡包好正咁, 今日都整嚟食吓, husband食過都話好好味, 好味過海運大廈嗰間唔知咩咩burger, 不過係差一dd, 原來係個包好行喎, 如果個包自己整埋就perfect嘞......可惜我整包唔叻呢.
自己煎嘅漢堡扒好鬆軟多汁.
上面嗰3個係豬肉, 下面兩個係牛肉.....
刴好嘅免治肉, 搓成圓形小肉餅, 中心按一小洞, 咁樣煎嘅時候件漢堡扒嘅中心位就唔會漲起, 會熟得均勻架嘞.
大約375克嘅免治肉, 用半隻蛋, 40克無皮白麵包(浸焾隔去水份), 適量鹽及黑胡椒碎(可加些洋蔥碎)攪拌至完全混和, 搓成小圓餅, 放雪櫃冷凍一小時. 煎時用中火每面煎約3至5分鐘至熟透.
