忐忑心情往大阪 (二)

行程第二日早上去清水寺, 見佢剛剛有個"夜間開燈拝觀會"(個名咁上下啦), 於是決定全日留喺京都, 之後我地去祗園行, 再去烏丸, 行到天黑再返清水寺. 呢日買左張500yen一日巴士票, 係京都市內四圍去, 搭突晒囉.

 

喺大阪坐左45分鐘JR到京都, 拎住張日文地圖都唔知點行去清水寺, 無頭緒之際, 無意見到個地標指示, 日本人真係細心.

幾想佢跌個落嚟呀.....

佢好nice呀, 我示意影佢, 佢即刻停低比我影呢!

800yen買個木牌, 寫幾隻字又比番佢.......no la!

歎午餐啦!!!!!!!呢間意大利式餐廳環境好優雅, 難得可以對住庭園花園開餐.

green tea tiramisu..好甘香綠茶味, 質地軟滑 我都要試吓整先...

碟意粉好好食架, d煙肉無筋又甘香, 仲有隻半熟旦係煙肉下面, 食完意粉用麵包索埋d汁.

食完午餐出花園行吓, 呢種花好似係鈴蘭, 好靚呀.......

懶洋洋的隱者狗! 個主人一定好鍚佢, 出街都帶埋地毯比佢.

喺祇園河邊學當地人咁坐喺度hea咗半個鍾...

我個女喺澳洲讀書時都養過呢種魚, 不過仙遊左啦, 影番張相比佢懷念吓.

呃鬼人, 以為買個超人頭, 點知佢跌個心口出嚟.....

呢度夜景好靚, 無浪費我地一日嚟左兩次.

水嘅倒影好靚呀..... Canon S90真係唔錯.

真係要讚吓我地, 今日好叻呀, 由朝行到黑, 自己搵左好多地方行, 不過我對腳行到漲晒.

由京都再返大阪差唔多晚上十點, 好在酒店樓下有間壽司店收12點....

好笑, husband次次話要兩件, 佢就整左四件, 下次醒啦, 話要一件, 佢整兩件. 佢d壽司明明係一件一件計, 真係唔明解.

日式蒸蛋係即叫即蒸, 好滑, 蛋入面有一舊滑滑嘅雞肉, 同一隻鮮蝦, 行程第4日都有再食呢.

忐忑心情往大阪 (一)

上一次去大阪差不多二拾年前嘅事囉, 上個月book左個 package, 滿懷開心期待出發的一日, 執好晒行李. 出發早幾日已經知道日本有輕微地震, 果時都唔係太擔心, 但喺出發早一日, 睇新聞見到日本東北被地震和海嘯雙重沖擊嘅情景, 睇到海嘯嘅破壞力真係心都寒晒, 諗住都係要執番d行李出嚟架喇, 有熟識日本嘅朋友都通知大阪離災區好遠, 無問題的, 仲send埋個日本地圖比我了解一吓, 一同報名的一對夫婦都話可以照去, 於是帶住平常心如期出發............

落左機喺關西機場搭南海電鐵去酒店. 佢好似係鐵人18呀!

大阪市中心一切都好平常.

今次5日都住喺Comfort Hotel, 唔錯嘅 一間酒店, 地點近車站, 服務又好, 連房間都有免費 wifi, 可以比我地晚晚同香港嘅屋企人同朋友聯絡. 有機會再去大阪, 我都會住番呢間.

安頓好, 出去逛逛同搵食........ｄ烏冬好彈牙，湯清甜.

人來人往好熱鬧, 售貨員高呼叫賣嘅聲音隨處都可以聽到.

心齋橋嘅霓虹燈, 係第一晚有開燈，之後都關啦，要慳番電源比東京 。

心齋橋....地頓崛.....始終分唔到!

呢間舖好耐歷史? 無記錯嘅話, 上次去都有.

我屬嘅星座...

雖然我地兩pair人出發, 但係到達之後我地各自行程, 各自搵食. 夜晚同husband食壽司, 計一計今次行程食左好多餐壽司, 少人食野當然選擇少左.

即握壽司好正...

ｓｅｔ壽司就差左...

krispy kreme原來以前香港都有, 我係我地都未食過呢(聽講話已經執晒嘞), 每次返酒店經過間舖都有好多人排隊, 真係要買嚟試吓, 睇吓點解分分刻刻都排晒長龍.

是晚甜品, husband都話正, 仲打算買d返香港做手信.

夜晚開電視知道有核電廠爆炸, 即刻打電話比香港屋企人報平安, 免得佢地擔心呢.....

今次旅行心程有d矛盾..........

練習

喺廸廸尼練習影相係最好架嘞, 有動有靜, 有花有草, 你影我我影你, 點影都得. 上個星期日就拎左部leica相機入去練習一吓 ~ 最難係個鏡頭要手動對焦, 唉 ~ 我睇近嘅又朦, 睇遠嘅又唔清, 又有散光, 好難先睇到個焦點對得正, 有時影到無晒心機.

影巡遊都幾難呀, 因為對得焦嚟過左lu,

無心機呀, 搵d野食吓....

凍檸檬茶, 初初15蚊覺得好抵, 因為佢真係幾香茶味, 不過依家22蚊反而無左嗰種茶味.

蛋撻由8蚊食到依家12蚊; 腸仔卷就由16蚊加到26蚊, 乜都貴晒.

多謝呢位哥哥仔特登擺post比我影, 可惜我係bb班, 嘥左佢嘅熱誠.

平時見到咁多人一定唔會入去睇米奇金像頒獎禮, 今次為左試吓部機黑蚊蚊會影成點先會入去, 今次坐得好後嘅側邊位呢.

見到呢個景, 好懷念澳洲柏斯 嘅 London Court呀, 唔知幾時可以再去lu.

影左百幾張相, 有好多都對唔到焦呢

都係自動對焦好....