勇闖北京 ~ 故宮博物館, 天壇, 頤和園

第三日join 咗個local tour, 估唔到local tour都有購物點, 一於緊守荷包政策.

第一個購物點係珍珠展, 睇完開珍珠就去舖面, 雖然比位小姐跟到實, 介紹呢樣介紹果樣, 我都無動心喎.一團8人無人有興趣買, 個個諗住早d走, 不過導遊話要夠鐘先可以走, 要留多20分鐘喎, 唯有坐吓hea吓囉.

第二個購物點係同仁堂, 一入舖即刻帶左入一間房仔, 首先有位女士講解人嘅健康結構, 主要都係肝同腎啦, 之後有d教授中醫師入嚟問邊個想把脈, 我梗係免啦, 比佢地把一把一定好大單架......係埋嘅單喎. 同團有位西人舉手, 同佢把完脈建議佢要食藥(膠囊裝), 傾左好耐, 個西人話唔夠錢, 比埋個銀包佢地睇, 後來藥分量減少到佢可以比到錢. 另一個澳洲團友同樣係咁, 都係拎個銀包話唔夠錢, 不過睇到有信用卡呢. 原來d西人對祖國醫術咁有興趣.

成效同反應都未知, 一次過就要買咁多, 都係咪啦,  如果可以買少少試吓, 都會考慮吓嘅.

 

睇電視宮廷劇成日見到嘅景呀 ~

 

 

 

見到呢個大缸不其然諗起, 惡太后話要處置邊個邊個.

 

 

 

 

 

 

 

 

 

呢個午門係咪真係咁血腥呢!

 

以前都係睇新聞見到, 依家好近呀.

 

 

 

佢地喺度跳緊舞, 位位都好大年紀架啦, 咁凍唔係屋企抖?

 

 

 

 

 

個湖結晒冰喇...

 

 

結左冰嘅湖面.

 

 

 

導遊話有禮物送喎, 就係景點鳥巢同水立方, 不過又凍又大風, 幾大都唔落車呀, 而且早一日都去過啦.  

 

呢晚食左苗家菜, 幾得意...

 

米糕, 好有農家風味.

 

又經過呢間舖頭, 又有個盔甲人喺度行嚟行去, 夜晚氣溫都差唔多零下10度, 天寒地凍, 陰公....

勇闖北京~ 北京白雲觀, 八達嶺長城, 明十三陵.

喺北京第二日租咗架砵砵車, 去遊白雲觀, 長城, 明十三陵. 去長城途中落咗小小雪, 不過坐緊車所以唔可以即時親親大自然, 好失望呀! 回程嘅時候司機叔叔又車我地去鳥巢同水立方望吓, 影相留念. 我地問司機叔叔明唔明我地嘅普通話, 佢話:老實說有些不明白. 洗唔洗咁老實呀. 租車由酒店幫我地搵, 8個鐘都係700蚊, 我地4個人, 仲抵過join local tour.

 

 

 

 

 

 

 

 

 

 

 

 

 

 

 

 

我做左好漢喇...

 

行完長城饑寒交迫, 即刻去家鄉雞醫肚, 特別好味.

 

 

 

鄭和下西洋嘅船.

 

 

 

 

本來打算去由朋友推介嘅[北平樓]食烤鴨, 不過司機話未聽過喎, 介紹咗有烤鴨食嘅[大董], 呢間係食裝璜同d花巧野..

標榜用玫瑰木嚟烤鴨. 我就覺得呢間嘅烤鴨肉身比較乾, 皮無乜脂肪少咗酥香味,但係好脆.

 

 

 

有位姐姐教我地烤鴨嘅3種食法.

 

好大隻碟嘅菜 ~

 

呢味叫水魚吃桂魚....應該係叫4條水魚吃桂魚. 個汁酸甜適中, 好清.

 

點解喺大陸飲茶咁屎貴架.

 

我嘅玫瑰花茶, 一位即係一杯.

美點雙輝

呢排電視劇無乜好睇, 夜晚好得閒, 今晚無無聊聊整咗個綠茶雪芳同雜梅沙巴翁.

 

雜梅沙巴翁: 罐頭雜梅一罐, 牛油10克, 橙酒50毫升, 蛋黃4隻, 砂糖20克, 橙酒1湯匙.

牛油煮溶, 拌入雜梅, 慢火煮至收乾水份, 加入橙酒50毫升煮至杰身, 放在焗兜內; 蛋黃與糖拂勻, 放在熱水上繼續拂打至杰身淡黃色, 拌入橙酒一湯匙拌勻, 倒在雜梅上, 放焗爐烤至金黃色.

 

勇闖北京 ~ 王府井

未出發前睇天氣報告, 北京氣溫都係零度以下, 最低仲係零下14度, 都有d擔心會引發我嘅出門旅遊症候群, 感恩今次可以精精神神玩畢全程, 唔洗留守酒店....哈哈!..下次冬天可以長征東西歐嘞

北京景點差唔多去晒lu....王府井大街, 北京白雲觀, 八達嶺長城, 明十三陵, 鳥巢, 水立方, 故宮, 天壇, 天安門廣場, 頤和園,  雍和宮,胡同, 鐘鼓樓(不過我地係小水魚,只係去左鐘樓),  北京地鐵, 仲有謀人寺同仁堂.

 

好多朋友都唔鍾意食飛機餐, 但係我又覺得幾好食喎.

 

今次仲有雪糕.

 

諗住嚟到北京可以睇到雪景, 好失望呀! 有個誤解以為天氣喺零度以下一定會落雪, 不但無雪, 天氣就好乾燥, 比d門嘅手把電左好多次添.....

 

 

 

 

 

check in咗第一件事就係去王府井大街逛吓, 有好多古古怪怪嘅野食, 我地只係食咗羊肉串燒, 煎餃子, 同埋叫"爆肚"嘅東西, 幾拾年無食街邊野, 都幾抗拒架.

 

其實都唔係好知爆肚係乜, 我試左少少.

 

 

 

 

 

唔好以為唔會有人食, 我見到有個外籍女士食炸蜘蛛.

 

食完呢d海鮮一定可以早d返屋企嘞.

 

第一餐諗住食吓涮羊肉先, 呢間都算出名, 不過好鬼失望, 除左菜之外, 其他都唔得, 喺屋企打邊爐好過佢, 甜品更加唔洗食.

 

 

 

 

 

 

 

4個人埋單要$598.

 

我覺得d煙有d硫磺味.

 

 

 

零度以下著件盔甲都幾辛苦, 佢仲要喺間舖頭門口操嚟操去.

 

住咗4 日嘅酒店.