勇闖北京 ~ 王府井

未出發前睇天氣報告, 北京氣溫都係零度以下, 最低仲係零下14度, 都有d擔心會引發我嘅出門旅遊症候群, 感恩今次可以精精神神玩畢全程, 唔洗留守酒店....哈哈!..下次冬天可以長征東西歐嘞

北京景點差唔多去晒lu....王府井大街, 北京白雲觀, 八達嶺長城, 明十三陵, 鳥巢, 水立方, 故宮, 天壇, 天安門廣場, 頤和園,  雍和宮,胡同, 鐘鼓樓(不過我地係小水魚,只係去左鐘樓),  北京地鐵, 仲有謀人寺同仁堂.

 

好多朋友都唔鍾意食飛機餐, 但係我又覺得幾好食喎.

 

今次仲有雪糕.

 

諗住嚟到北京可以睇到雪景, 好失望呀! 有個誤解以為天氣喺零度以下一定會落雪, 不但無雪, 天氣就好乾燥, 比d門嘅手把電左好多次添.....

 

 

 

 

 

check in咗第一件事就係去王府井大街逛吓, 有好多古古怪怪嘅野食, 我地只係食咗羊肉串燒, 煎餃子, 同埋叫"爆肚"嘅東西, 幾拾年無食街邊野, 都幾抗拒架.

 

其實都唔係好知爆肚係乜, 我試左少少.

 

 

 

 

 

唔好以為唔會有人食, 我見到有個外籍女士食炸蜘蛛.

 

食完呢d海鮮一定可以早d返屋企嘞.

 

第一餐諗住食吓涮羊肉先, 呢間都算出名, 不過好鬼失望, 除左菜之外, 其他都唔得, 喺屋企打邊爐好過佢, 甜品更加唔洗食.

 

 

 

 

 

 

 

4個人埋單要$598.

 

我覺得d煙有d硫磺味.

 

 

 

零度以下著件盔甲都幾辛苦, 佢仲要喺間舖頭門口操嚟操去.

 

住咗4 日嘅酒店.

聖誕屏山盆菜

聖誕日和團友聚會, 團友話想試吓少年食神喺電視節目內介紹嘅屏山盆菜, 我地7個人訂左個10人嘅中盆菜. 傾吓講吓, 好開心呢, 仲約定出年9月去西班牙, 葡萄牙.

 

味道唔錯, 好住家feel, 係豬腩肉多左d, 最好係食完都無口乾.

 

跟盆菜的雞鵝炒飯, 炒得乾身.

 

炸門鱔, 我無食.

 

團友帶嚟好大個生果藍有士多啤梨, 多汁好味嘅蕪花果, 啤梨, 好甜嘅提子, 橙, 好香嘅木瓜.

 

大人細路都啱嘅薯片.

 

當然有我例牌嘅雪芳蛋糕, 今次係綠茶雪芳, 我仲打咗d綠茶cream伴吃, 都幾好味, 第日再整過...

 

還有禮物收, 不過我都無預備禮物, 真係唔好意思呢! 因為就快勇闖北京, 我要擺脫嗰個出門旅遊症候群, 近排都採取戒備狀態.

祝大家2011年事事順境, 身體健康, 開開心心! 我祝我自己時常周遊列國!

Fig & Raspberry Tart @ L'Atelier du Goût.

今日冬至, 祝大家開開心心, 身體健康~

上星期又到L'Atelier du Goût學整蛋糕..

 

睇吓我個靚餅先

脆嘅tart底加上填有fig & raspbery嘅almond cream蛋糕,上層有fig & raspberry果茸做嘅凍心包住vanilla cream, 食到忍唔到口.

 

個tart底好靚, 我要買番個tart ring先可以開得工lu.

 

個蛋糕底已經好吸引.

 

焗到漲卜卜個樣好靚.

 

右下角嗰個係我架.

 

剩係呢個餅底已經好好味喇~

 

再加上多重口味嘅餅面凍心.

 

 

 

 

 

法國來的蕪花果

 

tea time....Selena為我們預備嘅mango cream puff, 加杯vanilla花茶,

好歎:)

 

好矝貴嘅禮物Homemade Vanilla Sugar, 每位同學都有啊!

上了一課開心又舒閒的蛋糕課堂.

 

個蛋糕拎到返屋企, D裝飾都好穩陣, 無以往咁碌到亂晒.

 

例牌返完學都唔煮飯架啦, 外賣左一碟星洲炒米

 

好少買到溏心皮蛋...

 

嗰朝一早煲定嘅咸廋肉粥

 

再歎埋件cake, perfect ~

新界九龍香港一日遊

小肥糖畢業喇! 上個星期日約埋同學會嘅同學仔一早(10點半集合對我嚟講好早架!)去中文大學影小肥糖畢業紀念相, 有嚴肅嘅有鬼馬嘅, 好開心呀, 喺中大行吓影吓又拎住部大機都幾吃力.

 

 

 

影完相大約3點離開中大, 約左husband喺海運大廈等, 準備去羽絨城買羽絨, 間舖頭塞滿人,大部分都係自由行嚟香港買架, 最終啱款嘅又無我size,  唯有行去近尖東嘅sogo, 途中經過 1881有個旋轉木馬, 好靚!

 

 

想影張無人嘅相....好難呀.

 

好多人.......

 

去到尖沙咀sogo都係買唔到羽絨, 開始心急喇, 因為月尾要去北京旅行, 我一定要買到件長羽絨, 而且近排香港天氣轉冷, 有d商舖話d羽絨賣到斷晒市喎, 呢日點都要買到呀, 唔係瞓唔著都有份, 於事又搭地鐵去銅鑼灣sogo, 好彩最終都買到件合心水嘅羽絨, 食埋飯返到屋企都10點幾, 好少有去街去左超過12個鐘, 攰到不得了, 小腿都痛左兩日.

依家開始要保重身體, 月尾勇闖北京, 希望全程都精精神神, 咁第日去邊都無有怕啦 ~ 因為好想喺歐洲過白色聖誕呢.