移民外地多年的朋友又返港探親, 我當然會帶佢地四處遊啦, 呢日同左佢地去廸士尼搵食.....
指定動作.........影番幾張相留念!
開餐囉...........哈哈! 我第一個入場, 可以影到整整齊齊嘅食物
好多可愛嘅米奇造型.
最受歡迎嘅阿拉斯加凍蟹腳..
用明火燒爐即焗的pizza.
各式各樣的咖哩..
自選材料即煮意粉.
好cute嘅奶皇包....仲有其他中式點心.
朱古力噴泉.... 唔知點解去過咁多次, 我始終無食過.
我最鍾意嘅麵包布甸.
由6點食到10點, 好飽啊! 我地都係坐左2個半鐘就走囉, 驚坐坐吓又唔忍得嘴, 食到超晒標就唔好啦. 個buffet好抵呢, 而家做緊推廣$218/位, 我續年票時送左一張6折coupon, 不過用coupon就要用原價$318計, 都係$190/位, 係咪好抵呢! 我聽到d satff研究緊係萬勝節時點樣擺放萬勝節嘅食物, 我未食過萬勝節餐, 或者會去試吓呢
老友好介紹, 帶我同husband去北角街市嘅東寶小廚食晚飯, 呀囡下午仲打電話比我, 問我佢又去得唔得, 心諗世界變囉, 因為我都驚悶親佢嘛, 難得個女主動話同我地d朋友一齊食飯, 當然開心喇. 其實都唔會悶嘅, 我地班世界遊團友, 講嘅話題都啱佢架.
講番呢間舖頭, 如果唔訂位都未必有得食, 睇佢張餐牌幾有性格! 個老細仲話唔好幫佢宣傳, 佢地做唔切喎. 雖然人多幫襯, 但係佢都唔會趕客, 我地食完飯想埋單, 個老細(我估佢係囉)叫我地唔好走住, 因為突然間落好大雨, 叫我地坐吓先. 咁嘅服務超讚!
用碗盛啤酒飲, 飲得好豪爽呢....
日本柚子沙律汁荷蘭蕃茄
椒塩腰果雞腎, 生炒排骨, 椒塩鮮魷, 琵琶豆腐
籠仔清酒蒸大蜆, 美國蠔煎蛋, 薑葱蒸勝瓜, 豉椒炒蟶子
豉油皇炒麵
送嘅甜品....薑汁涼粉
太美味喇, 材料新鮮, 夠鑊氣, 最緊要食完無口乾, 難怪咁多人幫襯.
kekeke, 我無帶相機, 多謝好友用手機拍下留念.
又嚟廸廸尼?!!
係呀, 個囡生日話要去廸廸尼攞生日徽章嘛! 不過今次會玩d以前無玩嘅, 因為husband係唔會玩嗰 d game囉.
husband會夜d接屋企人入去酒店食自助餐, 所以佢無去樂園玩.
先嚟水花巡遊, 呢日好熱, 所以都無乜避d水.
最勁呢部花車, 好多位置都噴水, 個壺嘴噴出嚟嘅水最勁架..
呢位呀哥部相機比d水噴到正, 陰公.....成部相機濕晒.
幾年嚟, 去左廸士尼咁多次都無入過畫室學畫畫, 原來入面都好靚, 一於陪呀囡癲吓扮學生.
我嘅大作, 唔錯吖, 不過就比呀囡就笑到不得了.
呢張就係個女畫嘅....
畫完畫就去tea 一tea, d 野食又貴左啦. 紅豆冰以前$20, 而家要$25, 我好聽我husband講架, 佢話"玩就唔好計". 呢句話要成日記住....
炸雞薯條又加左2蚊lu, 要$50.
沙堆轉左畫喇, 唔係三眼仔, 係公主同城堡.
跟住去同廸士尼公仔影相, 平時同husband去唔會影架, 因為要排隊好長時間, 亦都唔會坐winnie the pooh車, 佢話好baby喎.
坐winnie the pooh車好鬼死'凳', '凳'到散咁滯, 係入面一張相都影唔到....
個女成日話我影相手震.......都唔係吖, 好清播.
最後去酒店 join 埋屋企人食自助餐.
舞左成日都幾攰....
呢排懶鬼纏身, 咩都唔想整咁呢........
有時懶起上嚟, 餐晚飯唔傷腦筋, 屋企有乜就煮乜, 一人一碟碟頭飯算囉.....
年中計埋都煮唔少架, 唔好睇少d碟頭飯, 佢係簡單, 易整, 好味......
都唔記得係乜咯, 總之係有嗰樣整嗰樣.....
我好鍾意食薯茸架, d薯茸加左松露醬, 食到停唔到口呢!
要特別介紹吓呢支汁, 味道好特別, 除左做沙律汁, 仲可以煮餸, 配海鮮一流呢, 啱啱噚晚用完lu, 要去澳洲買喇......kekeke
有時睇一睇屋企d食材, 真係兩三個禮拜唔出街都唔會餓親, 個雪柜成日都爆棚架, 近排仲係ikea買左個廚房地柜, 上左一大堆貨, 罐頭蕃茄, 罐頭黃粟係糧倉必備呀, 不過我個女就成日投訴屋企無野食, 因為全部都係要煮先有得食囉....
今晚都係碟頭飯
