第二日行程 : 海洋博水族館 ~ 水果樂園試食時令水果 ~ 有趣蝴蝶溫室 ~ 雀鳥天地館 ~ (自己安排沙灘漫步).
一入水族館就有一缸海星, 你可隨意捉摸, 只要唔好拎佢地離開水面就得喇.
魚樂無窮 ~ 唔多明點解大細魚可以共處.
好似雙體船嘅魔鬼魚?
好大條雞泡魚.
唔知係咪雞泡魚一種!
污咀魚
好肉酸, 我最怕蛇形嘅魚
haha, 無比人拎左去做刺身..
唔知係乜東東,肉酸得嚟又幾cute..
第一次見到咁多海底生物, 好新奇呢!
2010年6月6日 星期日
2010年6月4日 星期五
日本沖繩 ~ 萬豪酒店
呢個團特別標榜入住國際級嘅萬豪, 話好少團可以做到, 可惜 check in 時已經天黑, 一早 check out 喎, 又住得一日咁多, 都睇唔真間酒店係點, 都未有時間睇吓間酒店嘅設施呢!
呢間酒店有道好, 就係喺大堂某處可以免費上網, 雖然得兩部電腦, 不過佢有wifi架.
間房真係好大間, 未試過跟團住到咁大間房, 仲有個向海露台, 我半夜醒左瞓唔著喺露台坐左一陣, d空氣好清新呀.
特登新買左隻羊咩咩香包, 諗住帶埋去可以好瞓d, 都唔work嘅, 要考慮吓下次仲帶唔帶佢出去威喇!
一早起身坐喺露台歎風景.
呢日食左個健康早餐
喺酒店入面有個朝市.
d生果好新鮮, 睇見就開心, 樣樣都想買番個......
歎完早餐要開始第二日嘅行程喇 ~
日本沖繩 ~ 沖繩豚餐 & 傳統琉球舞蹈
班機係香港遲左起飛, 去到沖繩已經係食晚飯時間.
呢鍋就係沖繩豚肉, 無乜特別呢.
計呢餐之後, 幾乎日日早午晚三餐都有得食嘅苦瓜炒蛋.
天婦羅唔錯, 尤其隻青椒好好食.
炸雞麻麻地好食, 我食左一舊.
豬肚冬菇清湯, 估唔到日本人都食豬肚.
墨魚汁蒸蛋, 幾好味架.
當然最欣賞碗飯嘞..
唔知佢咩名堂, 依依 un un, 幾好味.
呢個餐樣樣都少少咁, 食完都好似好飽咁, 不過瞓到半夜醒左有d肚餓呀.
傳統琉球舞表演....
um.....感覺唔到佢地嘅文化, 無乜 feel.
睇完返酒店休息喇.
2010年6月3日 星期四
日本沖繩 ~ 出發囉
出發囉 ~ 我好鍾意聽飛機嘅引擎聲架.
第一次搭港龍, 佢嘅飛機餐都唔錯播, 雖然啱啱食左野先上機, 個餐比我清晒, 除左個包, 因為我唔鍾意個包無包裝.
好耐無踏足過停機坪, 個個都好興奮咁......影!影!影
真係落機嘞, 好似d政要咁要行落樓梯架, 呢個機場好細, 望埋去已經係機場大樓, 上機同落機都係果層.
記得細細個係啟德機場坐飛機都有咁樣嘅情形, 其實都係坐大約一分鐘就到機場大樓嘞.
5日行程開始 lu.
2010年6月2日 星期三
萬里傳情 ~ 魚子醬
朋友托她的妹妹從加拿大送來的魚子醬, 我第一次食呢, 入口感覺鹹鹹地, '淋淋'地, 好fresh, 未食之前我以為會好似日本蟹子咁, 食落口會卜卜聲, 哈哈, 完全唔同啊!
多謝妳呀!
第一次食做了當日晚餐的頭盤, 很美味呀!
第二次食做了第二日的brunch, 幸福 :D
訂閱：
文章 (Atom)