好地道嘅湯水, 有五指毛桃(我都唔知係乜), 山坑螺, 不知名嘅魚仔, 仲有唔知乜........話好有益架喎, 你敢唔敢飲吖, 我知道有咩料都無再飲落去......., 不過佢地個個都話咩清熱排毒, 總之有好多好處, 見佢地飲完再飲.
4月2日由中港碼頭上船, 坐左大約兩個鐘就到蓮花山港, 不過要搭6點40分嘅船, 6點集合, 4點半要起身, 我兩點幾先瞓到, 真係名符其實嘅早睡早起.
第一站就係去食姜撞奶, 買李禧記崩砂.
旅行章程講呢座風采樓係韶關標誌建築物, 真係唔睇都無損失.
整座又殘又舊, 又污漕, 梗係唔去喇, 2蚊入場都無入去參觀呢.
自由時間行街街.....
華南虎野生動物園.........隔得太遠, 好難睇得真.
孔雀嘅屏開左好耐, 我仲話佢係假嘅, 特登粘上去比我地睇吓, 哈哈, 佢即刻收番.
呢座韶陽樓底部份白色嘅磚牆入面係通心架, 入面得幾條大柱.
行程第2日就留喺呢部旅遊巴成12個鐘, 好似坐左程長途機咁, 返到屋企, 肩頸鬼咁痛, 連累埋husband陪我一齊坐添........唉!
無得坐船遊錦江...
無得坐纜車上丹霞山..........
第3日都係去吓d廟宇參觀........
係韶關3日, 日日都落雨, 雖然只係毛毛雨, 都唔係咁方便, 第一晚仲病埋, 始終擺脫唔到"出門發瘟"呢個病, 第二日人地上丹霞山, 我就要留守旅遊巴, 喺旅遊巴坐左成12個鐘, 好似坐左程長途機咁, 返到屋企, 肩頸鬼咁痛, 連累埋husband陪我一齊坐添.....唉!
不過都玩得開心架, 今次又係同班世界遊團友一齊出發, 不時有講 有笑, 又照顧週到, 都不枉此行嘅.
特大顯示屏, 近視, 遠視, 老花都睇好清楚啊!
入閘後要經過保安檢查.
世界上建設里程最長, 時速最快京廣高速鐵路武廣段全程共設15個車站.
世界上最先進國產[和諧號]高速列車, 時速可高達350公里.
韶關站嘅月台服務員好鬼緊張架, 我地已經排好隊, 佢一行埋嚟就'煲冬瓜'大嗌 : 快!快!快! 兩人一行, 動作要快!
原來高鐵埋站兩分鐘就開車, 唔等人架.
個個都留意住個時速, 最高去到 344km/h.
服務員都好似空姐咁, 一開車就會幫d乘客檢查d行李有無放好.
座椅可以360度旋轉.
單程承惠 $110人, 團費包埋.
大約50分鐘車程到左韶關啦, 如果坐旅遊巴要3 ~4個鐘呢.
唔知d的士係咪又係分新界, 市區同離島呢....
