中獎

月前廸士尼攪左個'虎虎生福"大抽獎, 係持有年票嘅係新年期間每入場一次就有一次抽獎機會. 我都係去左2次, 唔記得左呢件事咁滯, 點知收到email話中左獎, 好鬼開心, 依家都未決定幾時去住呢.

依家仲開心緊

澳門酒店一日遊 20100305

同husband漫無目的咁係澳門hea 吓, 無去澳門兩年幾lu,  嘩! 起左好多酒店, 參觀左美高梅金殿, 新葡京, 舊葡京, 永利, 新豪天地, HARD ROCK HOTEL, 威尼斯人...又去左從未到過嘅堡壘炮台, 唉..影影吓相無晒電, 帶去嘅士啤電又無電, 連手機電都用清, 真失策, 唯有搵日又去過囉.....

 

一到步就上左美高梅金殿嘅酒店專車, haha, 依家交通真係方面嘅啫, 本來打算去中菜廳飲茶, 點知佢話無訂枱就無位喎, 閒日嚟咋喎, 係咪咁旺呀, 於是行左去西餐廳, 自助午餐做緊馬來西亞美食推廣, 鬼咁肚餓, 唔理啦食住先, 下午再去歎過下午茶.....食物都唔錯, 食完仲飽到夜晚...

 

美高梅金殿酒店.... 雖然個大花園人工左d, 不過都好大好靚, 有好多攝影發燒友係度影相添呀..

 

 

 

 

 

 

 

 

 

 

 

 

 

 

開餐囉....好美味!

 

 

 

好好味嘅碗仔翅

 

碳燒脆皮豬柳, 皮好脆, 肉質睇落好juicy,不過好 "un"

 

最好味呢碗 "la sa", 濃味得嚟又唔咸又唔'溜'.

 

個麵包好正, 我地食左成個咁滯.

 

外脆內軟, 仲係熱熱的.

 

配上香濃朱古力餅底嘅芝士餅, 入口溶化嘅感覺, yummy!

 

 

我未食過呢個質感嘅雪芳, 同我整嘅, 食開嘅質感完全唔同, 好濕潤鬆軟.

已經好飽, 不過d斑蘭雪芳實在太美味, 要食多一片.

 

 

配咖啡嘅奶係打熱過的 ~ ~ ~ 一杯餐茶好認真啊!正!

 

 

座位很寬敞呢.

 

 

跟住就行去議事亭, 一心搵果間singing bean cafe, 又係失策無抄低詳細地址, 搵晒方圓唔知幾多里都搵唔到, 無得食...

 

 

 

 

 

 

 

去左澳門n次咁多都未到過嘅堡壘炮台

 

影完炮台, 相機無晒電lu, 唯有下次再去過影喇..

 

去到新豪天地酒店, 見到一個好得意嘅設計, 就係有間自助餐廳喺正賭場旁邊, 自助晚餐$168一位, 仲係買一送一,唔知佢有咩食呢, 但係都好抵啫, 可以食吓又賭吓........

同學會新春人日團拜大澳遊之古樸大屋

同學仔M帶我地去佢兒時住過的大屋, 大屋內可以感受到大澳居民簡樸嘅生活, 同學仔的叔叔/伯伯(失憶証又發作喇)一路述說屋內的點點滴滴, 大屋已經有百多年歷史啊!

 

 

 

 

 

 

呢口井的水以前係清甜冰涼的, 但依家因為污染, 已經唔再飲用了.

 

 

 

 

 

 

 

 

呢個古鐘細看下設有日歷的......

 

 

 

 

 

忘記問同學仔呢d藤圈係乜東東.....

 

 

 

同學仔親戚的舊居

 

上呢條木樓梯時一步一驚心呢....

 

 

 

 

 

 

 

好充實嘅一日

期待下一次再到大澳呢

楓樹糖漿燒豬柳架

由舊年聖誕開始一直至新年已經食到過晒量, 尤其是早排天氣凍, 要不停食野補充身體熱量, 其實係時候keep fit 一吓, 唔係夏天一到, d衫唔啱著點算吖! 不過雪柜仲有件加拿大豬柳架舊年買架啦, 都係要消滅埋佢先keep fit lu.

我最怕煎豬扒, 驚煎得佢唔熟, 如果肯定熟晒, 通常都已經好鬼死"un". 成件焗都係第一次, 整之前都好緊張, 如果整出嚟成舊又乾又實都唔知點鯁...

 

 

早一晚用鼠尾草, 鹽, 胡椒醃定.

 

 

煎封肉汁後可以焗喇

 

 

出爐囉 ~ 好緊張

 

 

最可惜我用過支針check吓件肉有幾多度, 拎番支針出水嚟時, 睇住d肉汁喺針孔猛流出嚟, 真係想喊咁滯. 但都ok嘅, 下次可以焗少5分鐘.

 

淋上預先煮好用橙汁整嘅醬汁, 開得餐囉 ~ ~ 一d都唔"un"

豬柳架肉質比較鬆軟, 覺得有d似日本的黑豚.

 

 

citysuper做緊意大利西西里推廣, 當然要入番d材料喇....原粒開心果芝士多士, 好滿足啊.....