早幾日食左一包"叮叮"蘿蔔糕.....哇.....食到我一嘴油.....都係自己整好味D嘅, 一於去街市買材料,....
菜檔呀嬸話一斤粉要8斤蘿蔔,
8斤??太重啦, 我拎唔到喎, 買6斤好啦,
食過之後, 我覺得5斤都夠啦.
6斤蘿蔔去皮切粗條, 加入糖, 鹽, 雞粉, 薑片, 胡椒粉少許調味, 水800ml, 煮焾. 掉去薑片.
臘肉1條, 臘腸1 雙, 膶腸1雙, 瑤柱10粒蒸熟, 切粒, 炒香(我唔鍾意食蝦米,所以好少用蝦米)
粘米粉600g加水500ml混和成漿後, 加入已炒香之臘肉材料
先將約3湯勺蘿白料(趁熱)加入已有臘肉材料的粉漿內攪勻, 再將餘下蘿蔔料加入, 攪勻, 放入蒸糕盆蓋上錫紙大火蒸50-60分鐘.
坊間煮蘿蔔糕的食譜很多, 梗有一個啱自己口味的呢!
今次算最勤力嘞, 係L'Atelier du Goût 賞味坊跟Johnny Sir學左之後咁快就自己實習一吓, 因為好多材料屋企都有, 只係欠個蛋糕模, 噚日去南豐中心搵左兩間專營烘焙用品的店舖都搵唔啱心水, 於事走左去太古永安, 記得係果度有好多矽膠模, 可惜都係無我想要的, 係屋企一早已經量好晒材料, 一定要買到啊! 見到有non-stick又無接駁口的, 都ok吖, 易洗嘛....急急腳食完晚飯返屋企開工囉.....
呢個模唔錯, 好好用...
好唔好味? 食過嘅朋友話齋, 大師級教嘅邊會差吖, 而且用左Callebaut 嘅朱古力,yummy.... 剛剛50個一日食晒lu.
可能耐無焗蛋糕嘞, 焗完之後, 要收執殘局時, 雞手鴨腳, 正想收好包用剩嘅脆脆片, 一個唔留神倒瀉晒落地, 真係執餐死
朱古力薄脆蛋糕
君度柚子蛋糕
醉酒櫻桃杏仁蛋糕
雖然只係一個示範課堂, 但係上完呢堂, 我敢講L'Atelier du Goût 賞味坊是全港學習包餅甜品最優良的地方, 頂級的大師, 完善的設備, 用上頂級的材料.
賞味坊除了舉辦廚藝示範外還會有烹飪班或比賽等等, 還可以讓其他機構作為產品展銷活動。
你可以隨便地喝杯咖啡, 嘆杯靚茶, 飲支冰震lemon CC
見到座內有石板的焗爐, 就想起焗pizza一定好有風味.......
這部抽真空機, 還可以處理份子料理的呢.
雪糕機.....用佢整雪糕一定好快有得食嘞.
我叫他多功能枱.....表層是不銹鋼, 下一層是花崗岩的枱, 其實佢又係一座雪柜, 犀利...........
都曾經想擁有的KA, 可惜屋企無地方安置而放棄, 所以見到咁多KA好開心呢.
呀!我最鍾意呢這座爐頭
我要雙手才可拎起呢隻鑊啊!
