悠悠閒閒@ JW Marriott(13/6/2009)

以往餅友聚會都係整完食, 食完又整, 忙過不停, 今次難得清閒地歎歎歎,今次去左JW Marriott 歎tea buffet, 由1點幾食到6點, 由1點幾hea到6點. 最舒服係那張高背梳化, 見到隔離枱的客人食完小睡片刻, 睡醒再食過, 真係歎.

 

 

一大壺茶比你慢慢歎.

 

 

 

首先來個冷盆

 

 

 

再來個熱的

 

 

 

再加個日式

 

 

 

日式甜蛋配冷麵

 

 

 

我鍾意食粥, 要番個鮮蝦帶子粥

 

 

 

最後甜品, 加個雪糕做句號, yummy!

 

Annie 的烹飪課堂: 口水雞, 紅油抄手, 担担麵.

以前係中電都跟一位上海師傅學過這味口水雞, 醬汁的材料都差不多一樣, 只係份量因個人口味而有別.

 

口水雞, 呢碟係miss整的, 好辣啊! 不過好快辣完, 係麻辣的. 不過最失望係大會供應的雞只係隻雪雞脾.

雪雞脾我覺得只有炸的才好味, 記得最好味的炸雞脾係喺天星碼頭的美心快餐, 那裡沒有座位的, 只有幾張高枱, 我常說笑喺度食企鵝餐.

 

 

担担麵, 呢碟又係miss整, 個湯少許辣,很清香呢,  好味過什麼泰呢.

 

 

紅油抄手, 我今日的午餐, 我怕辣唔敢落咁多汁, 原來d汁都唔係好辣

 

午餐再加碟口水雞, 噚晚husband食過話好辣, 自己食都係落少少汁好.

新大計 (gathering @ Celia'home 7-6-2009)

相約去旅行的團友聚會, 剛啱好友新居入伙, 一嚟參觀吓佢個高智能廁所, 又商量吓9月的旅行行程, 不過原本一早計劃去東歐的, 傾吓傾吓, 依家變緊節去日本九州.

傾完去左南華會順德公食魚宴, 今日真係食到好飽, 因為昨日嘅都未消化好, 食完飯返屋企, 一入屋就係梳化大昏迷訓左4個幾鐘.

主人家的大蝦沙律

 

台灣温泉皮蛋加自家製酸薑

 

我的拿手菜醉雞

 

開心果朱古力曲奇, 今次好認地磅下d曲奇, 個個10克重的, 剛剛好一口一個.

 

七穀曲奇

 

砂鍋焗魚咀~~~~~~~超正呀!

 

砂鍋焗魚咀, 每人有半個魚頭上碟的.

 

蒜子炆魽魚, 好鮮味好滑呢.

 

欖角蒸邊魚, 呢條魚成三斤重. 好味

 

梅菜蒸菜心

還有蒜蓉豆豉炒蕃薯苗同排骨蒸陳村粉, 太美味啦, 唔得閒影相呢.

餅友相聚@八八(6-6-2009)

大家好耐冇見啦, 多謝88又借間屋比我地搗蛋, 希望唔好嚇親佢個工人,煮吓食吓, 食完又整煮吓, 計計埋埋我食左18樣美食呢.

88招牌沙律

 

88拿手芒果河粉

 

Candy 的Taiyaki鯛魚燒

 

Candy的chocolate madeleine

 

Elaine 的炸蝦卷

 

Elaine媽的西米糕

 

小三的玲瓏南瓜菓子

 

Vanlily的chocolate ganache cake

 

霖霖的香煎鵝肝

 

小堡主的櫻花蝦杏仁紙

 

小堡主的咸芝士蛋糕

 

肥妹仔媽媽的咖哩牛腩

 

OnOn的泡菜餃子

 

我的烘車厘子沙巴翁

 

即整缽仔糕

 

即場整雞蛋卷

還有Donald 的大西瓜和配咖哩的現成薄餅.

點解咁嘅

新買嘅無鹽牛油都未過期, 切唔到兼裂開晒, 切嘅時候仲聽到"肋肋"聲, 好脆硬呢, 唔知要佢嚟整曲奇會唔會更加脆呢, 不過食落肚, 都係擺佢係最安全嘅地方..........垃圾桶.

我從未遇過咁嘅牛油.

七穀曲奇

停工左好耐啦, 屋企原來仲有好多材料, 要快快手清一清個柜.

呢個曲奇係跟'美味diy'的, 因為佢大部份材料我都有呢, 只係無栗米片, 我用左七穀粉代. d七穀粉原本要嚟整麵包的, 但係d七穀粉都好硬, 整到個麵包機有d花左.

 

天氣熱加潮濕, 我要開大風扇同冷氣

食左一個, 果然好味.

食譜

PIERRE HERME PARIES + BAN DAI

PIERRE HERME PARIES + BAN DAI = 好別緻的小玩意.

好友告知出左新扭蛋, 當然要整番d據為己有.

Macaron Vanille

 

Carrement Chocolat

Plaisirs Sucres

 

有呢兩款

仲有呢兩款

 

同埋呢兩款

 

最想要呢個.可惜未扭到呢!

 

後記:

終於扭到啦, 呀囡知我鐘意, 食晏時幫我喺seven扭的, 佢話一扭就係, 真係扭蛋王.

不過同張poster差好遠......... 梗係果個係真架麻.