法式焦糖燉蛋

病左幾日呆呆地, 見到屋企盒忌廉同雞蛋就到期, 打開本file, 揾到一次過可以用晒佢地嘅法式燉蛋食譜. 淡忌廉200ml, 奶200ml, 砂糖60g,蛋黃5隻.  最開心都係今晚可以整薑汁蛋白瑤柱炒飯.

嘩, husband大力一"凳" 佢就落左碟.

雖然好滑好好味, 不過都係唔好食咁多. 蛋黃同忌廉真係怕怕.

蛋白杏仁露

早幾日遊吓遊吓, 遊左去莎莉豪個blog度, 見到佢整左我最鍾意嘅蛋白杏仁露, 一定要試下整呢.  學野學到足, 剩下嘅杏仁渣咪整番個mask先, 仲有剩嘅要嚟整手部磨沙,正!  真係物盡其用.

第一次煮似乎較杰, 不過好似杏仁燉奶咁好滑好好味啊!

thank you!  莎莉豪.

http://hk.myblog.yahoo.com/apleichausally/article?new=1&mid=1602

TGC之名廚會客室

TGC請來The Mistral 的總廚Chef Claudio Dieli教煮意菜, 鍾意食西餐嘅我梗係去學啦.

蟹肉塔伴車厘茄醬汁

自製寬條麵伴吞拿魚

原來自製麵條咁鬼多功夫, 唔怪得係餐廳食咁貴啦.

燒鱸魚柳伴千層薯仔塔及黑醋汁

咁好味, 梗係問呀Sir要多一份嚟食啦, 黑鱸魚柳喎, 一d腥味都無.

上完堂好開心, 好飽, 好滿足!

藍色大門餅友聚會3周年

諗返起在05年開始喺美味DIY網與餅友交流整餅心得(其實係人地交流, 我就偷師), 認識大家3年lu.  雖然個網入左冷宮, 不過大家都保持聯絡, 有些更成了好朋友, 更難得呀堅每年都借出地方比我地相聚.....

太多美食啦, 有好多冇影.

呀堅為我們預備的美味Mi Cuire同 Cake au Mocha

我第一件食的lemon tart

難為88挨夜仲去果欄買比我地的生果.

玩遊戲獲獎的微形擺設, 多謝Amy.

Anne 的烹飪課堂.......脆皮燒腩, 鹵水豬腳.

好鍾意上Anne的堂, 教煮的菜式不單好味, 她上堂時每個學生都會照顧到, 講解清楚, 遇到複雜的程序, 她會不厭其煩地重複講述.  

細細個已經好鍾意食燒肉, 好多時經過燒臘檔都會買一條骨當零食, 依家梗係唔會咁做啦. 想學整燒肉好耐, 終於可以自己整啦.

鹵水豬腳

上堂嘅時候, 可能用左26個爐嚟焗燒肉, 間課室好焗, 我突然間眼前一黑, 暈一暈, 好彩坐左一陣無事, 不過搭車返屋企時都係暈暈地. 所以晚餐只係煲粥算了.

可能件豬腩係大肥豬, 唔係中豬, 所以層皮都好厚, 雖然脆都要好大力咬落去呢.

 

電話騷擾

呢排多左d電話騷擾到我嘅手提電話, 好多時打嚟又唔出聲, 有次仲神奇, 唔知乜乜健美中心打電話嚟叫我去攞張會員卡, 佢地只知我姓乜同個電話號碼, 但我跟本冇申請.  前日飛左條線返屋企, 睡前唔記得取消番, d人竟然半夜4點打嚟. 而家冇來電顯示, 3字頭嘅電話我都唔聽. 希望d人唔好咁無聊.

pita bread & 蕪花果合桃田園包

餅友不嫌山長水遠到我家教整pita bread 同蕪花果合桃祼麥田園包, 好感謝你地呀.

心裡趕著整包, 只煮了這簡單螺絲粉做早午餐, 請諒.

pita bread 發酵中

pita bread在爐中開始升起時心情很緊張呢.

成功啦! 我大鄉里, 覺得好新奇又神奇.

係咪見到都知好味呢.

蕪花果合桃裸麥田園包.........第一次係我屋企出爐的包包, 雖然唔係我整, 但都好驕傲呀.

素未謀面的餅友因事未有相聚, 但都送來點心及心意, 好多謝你呀.

pita bread今日仲係漲卜卜的呢.

你們留給我的田園包就成為了我今日的早餐, 好舒服好滿足呀. 另外一大半剛好就做了husband的返工糧食了,因為佢今要試新船不宜食午飯, 要分多餐少吃呢, 希望今日唔好咁大浪啦.

我屋企個座地焗爐, 只係新嘅時候焗過幾次雞翼之類, 之後就成了我的儲物柜, 多謝餅友令它發揮佢原有的功效.

因晚上有飲宴趕住整理, 沒有親自送你們到車站, 不好意思啊!