testing ! testing!

都幾花時間, 等日後有空才寫吧....

蕪花果BB波菜沙律, 青橄欖煮青衣魚柳

Yahoo 會在12月26日關門大吉囉,
唔寫lu......
由08年8月中開始寫第一篇blog, 至今有5年多喇,
當中認識很多素未謀面的朋友,
多年來大家互相分享和支持,
雖有不捨得也要說聲再見!
朋友們, 有機會再在空氣中傾談吧.


*******************************************************************
這是最後一篇blog喇!

又在果欄買了一箱蕪花果,
好新鮮又大個又甜,
整沙律好美味...

材料簡單味道豐富,
husband都讚好味道.




材料:
蕪花果3個, 每個切開8瓣
baby spinach 100g洗淨
Parmigiano Reggiano芝士隨意刨碎

黑醋汁
橄欖油5湯匙
黑醋2湯匙
義大利蕃茜一棵切碎
合桃20克, 焗香切碎
鹽, 黑椒碎調味




蕃茜切碎




橄欖油, 黑醋, 蕃茜勻和




最後加入已焗香的合桃碎
最好食時才把合桃碎加入黑醋汁內, 以免浸焾.




青橄欖煮青衣魚柳
買了兩塊青衣魚柳, 一塊之前用來炒了西芹,
今次煮下西式...



 
材料
蕃茄4個, 去皮切碎
洋蔥一個切碎
青橄欖 20克
水瓜子(capers) 一湯匙, 用清水浸約30分鐘隔去水份
蒜片3粒
白酒250ml

醃魚材料
麵粉2 湯匙
義大利雜香草一茶匙
鹽和黑椒碎
拌勻

爆香一半蒜片和洋蔥,
加入白酒煮至洋蔥軟身,
加入蕃茄碎, 慢火煮約20分鐘, 間中攪拌下
煮好後加入青橄欖和水瓜子,
加鹽, 黑椒碎和少許糖調味待用.

青衣魚柳瀝乾水份,
把魚塊醮上一層薄麵粉,

下橄欖油爆香餘下的蒜片,
放上魚塊, 中火每面煎約4分鐘至金黃,

將已煎好的魚塊放回已煮好的蕃茄醬內,
加熱便成.



不過C啦, 我都唔識點將個blog save落自己部電腦,
佢講嘅步驟唔多明白, 希望到時有人幫我啦

紅酒燴羊肩

以往煮紅酒燴羊肉, 總覺得好大工程,
要預備材料, 又要預先解凍羊肉,
仲要煮兩三個鐘,
依家煮慣左, 覺得易好多.

 喺超市買左一pack威爾斯羊肩肉,
大概500g剛好一餐食晒,
因為份量唔多, 今次無用長時間去炆,
用左真空煲去煮, 效果唔錯, 軟軟焾焾,
我諗以後都會用真空煲去燴羊肉, 唔使睇火...
 



今餐無煮飯,
用麵包機焗左個合桃紅莓包.

蕃茄4個, 洋蔥一個, 西芹一瓣, 甘筍一條, 蒜茸兩粒,
香葉3片, 香草半茶匙, 茄膏一湯匙, 紅酒一杯, 羊肩一pack,
仲有調味嘅鹽同黑椒碎, 麵粉適量.

兩個蕃茄, 半條甘筍, 半個洋蔥切角, 其餘切碎,
半切角嘅要嚟做配菜,
切碎嘅要嚟煮汁.




羊肩肉切件, 鹽和黑椒碎醃片刻,
拍上麵粉, 用橄欖油中火煎封表面, 盛起備用.

原鍋爆香蒜茸洋蔥等, 煮至軟身.

放入紅酒一杯, 用大火煮滾後轉中火煮至稍杰約餘1/3水份,
加入 茄膏, 蕃茄碎,
放回羊肩肉,
加少許水,
煮片刻後放入真空煲,
下午煮, 晚飯時取出煮滾,
加埋其餘蕃茄, 洋蔥和甘筍煮熟.

 

自己都讚好味道



計劃好年尾去大阪,
今次一家三口出門, 真開心呢,
我和husband的機票是用飛行里數換, 個女張機票自己買,
訂埋酒店.....講都唔信, 早4個月訂酒店都唔係咁順利,
比兩間酒店資料旅行社, 總之訂到邊間就住邊間,
點知一間其中一日完全無房,
另一間又係有一日無房, 要3住間單人房,
玩咩~ 一家人住3間房...
唯有唔使佢訂, 搵過一間agent訂,
同一間酒店, 竟然訂到, 開心到不得了,
近排埋頭苦幹睇旅遊指南,
又無方向感, 又無記性, 旅遊書嘅字又細細隻,
都幾吃力, 睇左成個星期先寫到好簡單的兩日行程,
真係讀書都無咁勤力.....

是日晚餐 ~慢焗紐西蘭法式羊架, 羅馬生菜沙律, 蕃茄菜湯.

昨天和好友去過會展的美食展,
食完早餐, 大概10點半去到會場門外,
嚇得我吖, 龍尾已經排到去到街外的街尾,
幸好, 好快就可以去到售票處,
見到有多人有備而來, 各式各樣的車仔都有,
我只係帶左個購物袋, 而husband就帶了背囊,
不算滿載而歸, 唔覺唔覺行左4個鐘,
真係好攰呀 ~ 後來先發覺已經3點幾, 還未食午飯喎!

在美食展買的羊架, 成為今晚晚餐主菜...




蕃茄菜湯
爆香茄膏, 加入蕃茄和香葉,
加入適量水份, 滾片刻, 加入椰菜,
最後調味.




羅馬生菜沙律
羅馬生菜, 蕃茄和三文魚刺身伴上日式芝麻沙律醬汁.

慢焗羊架
鹽和胡椒粉調味後, 猛火煎香表面,
110度焗45分鐘, 其中反轉一次.


講起美食展,
真係不敵車仔黨,
對腳都唔知比佢地d車仔'碌'過幾多次,
嘻嘻! 著左波鞋, 反正都唔痛, 由佢囉,

真係大鄉里,
原來有罐頭盆菜賣, 好大罐呀, 仲大罐過罐奶粉,
不過我無買只係買左罐頭佛跳牆和鮑魚.
又$110蚊買左一個富良野赤肉蜜瓜,
今日行吉之島見到同樣大小, 同一招牌的蜜瓜賣$179蚊, 買平左好開心呢.

好友話心思思想明天放半日假去多一次喎,
因為佢仲有好多嘢想買呀.

三代同堂遊澳門(下)

 

第二日,
約了husband 在美高梅的廣場等, 然後去食午飯,
因為husband沒有假期, 所以比我們遲一日才到澳門.




一進入美高梅的廣場整個人即時感覺涼快.




好大個水族缸.








Husband和我們同一時間到達廣場,
跟著就在附近食午餐.

新口岸的[加路餐廳]
Husband的澳門朋友介紹的,
客人都是本地人,
食物也很地道.
燒豬飯的燒豬皮脆肉厚而不韌, 但炒飯嫌未夠熱騰騰.




焗葡國雞.




香草葡式炒蜆, 又是肥肥美美的.




店員推介的焗海鱸魚,
鮮滑多汁, 一份大概二佰元, 好抵.

食完飯行出碼頭搭車去威尼斯人區逛逛,
不過實在太多人,
想影一幅沒其他人的家庭照好難呀.

威尼斯人區內有個恐龍展.


 

欣賞水舞間,
拎住水舞間的票問門口的職員: 係咪呢度入場.
職員: 係呀! 啱架喇,
跟住就帶左我地成家人去排隊.....
撞鬼佢, 原來係排隊企喺個佈景板同電單車前影相.

在新葡京酒店自助山食自助晚餐,
價錢唔貴每位只是280元, 長者230元,
分兩個時段, 18:00 ~ 20:00; 20:30~ 22:30,
張buffet bar枱真係好長, 食物選擇好多, 有很多更是即席烹調,
餐廳地方很大, 最讚是枱與枱之間好寬闊,
等待入座時聽到職員話8月會加價.




自助餐有即煮法式香橙酒煮pancake.




瞓醒一覺, 在商場逛逛,
飲埋午茶返香港lu.












嘻嘻! 忘記了飲茶的地方在那裡添
點心唔錯, 但煎炸點心就很多油,
茶錢是每壺計的, 每壺十元, 比起每位計便宜好多呢.

懷舊糯米雞 ~ 正!




油亮亮星洲炒米.

 

等車往碼頭搭船回港喇~

寫這篇blog時弟弟一家已回美國,
今次在機場送行時可以忍到沒喊出來,
因為出年大家又可以相聚囉,
希望出年到美國的機票不要太貴啊!

三代同堂遊澳門 (上)

和弟弟一家到澳門玩了兩日三夜,
因為和媽媽同去,
所以全程只係食下行下, 沒有去太遠的地方.

好友知道我去澳門,
臨急幫我安排船票, 在碼頭有專車接送,
訂好水舞間和自助餐的位,
她說水舞間和自助山的自助餐值得一去.

我們到酒店後安頓好行李就出發去搵食,
早d去食晚飯, 唔使等太耐時間嘛.
弟弟提議[佛笑樓],
記憶中兒時先父帶我們到澳門幫襯過一次.......




焗葡國雞
上到枱上還滾起的, 好味道.

蕃茄濃汁香草炒蜆
可能是食蜆的季節, 隻隻都好滿肉,
最愛是沒有沙.　

燒沙甸魚
我的至愛.

好厚肉質的燒乳鴿.

忌廉焗馬介休
馬介休肉質鮮味, 可惜得好少, 食到薯仔多d囉.

熱辣辣的焗豬扒飯.

客人唔多, 只有幾枱外藉熟客.

夜遊澳門大街, 順道買些手信.

哈哈!姪女們一邊行, 食葡撻.

食埋甜品返酒店...

弟弟在美國已經在網上訂了氹仔的麗景灣酒店,
原來麗景灣酒店前身是凱悅酒店,
翻新後依然很舊的感覺, 總算整潔,
最不方便是酒店專車每小時只有一班.