一個人去廸廸尼

過多幾日我的生日月份便完結啦，
之前還未有時間去廸廸尼領取我的生日襟章和禮物呢,
husband沒假期, 今日唯有自己一個人去囉,
順便睇埋新的主題區迷離莊園.




去到樂園當然係第一時間攞左禮物先,
除了襟章還有3張五月份用的優惠卷,
想信無時間用lu.




一個人去無得坐砵砵車, 要搭港鐵..

去到剛剛巡遊開始,
唔睇啦, 趁人少左, 去迷離莊園先.

天陰陰, 天氣又熱又濕. 

經過[旋轉木馬]有少少想去坐下.

穿過[反斗奇兵大本營]去[迷離莊園].
唔知點解, 廸廸尼咁多主題區, 最唔喜歡係呢個..




莊園外貌.




迷離大宅好有氣勢.




入到大宅, 首先到大廳聽故事.

然後乘坐電磁廂車遊大宅,
廂車只有兩行位, 我一個人坐在後行,
坐坐下都有少少驚呀, 怕後面會唔會有突如其來嘅驚嚇.
有時突然間又鬼咁大聲, 嚇得我吖.

呢度好靚架, 不過影唔到囉.

佢就係莊園主人亨利爵士嘅猴子助手[呀拔].

去到佢前面, 佢嘅頭髮變晒蛇..

終於驚完囉.

話說莊園主人係探險家, 遊歷過世界好多地方,
將遊歷時收集嘅珍品收藏左喺大宅,
所以呢個園區就有好多其他地方紀念品.....出售.

炸魚薯條我至愛呀~




可惜一個人, 只要一份薯條算啦.

廸廸尼產品愈來愈多元化,
馬仔, 合桃酥, macaroon都有.




指甲油都有.

當然唔係一個人食自助餐,
相約husband收工後, 去荷李活酒店食自助餐,
唔使年票, visa都有8折喎.

 

 

自助餐賣點是長腳蟹, 可惜太鹹, 一件夠了. 

突然收到廸廸尼的信話中了獎,
有得睇[怪獸公司]特別3D版,
我都唔知有呢回事添,
如果係[怪獸大學]就更好囉.




攞埋廸廸尼嘅生日禮物,
終於攞晒我嘅會員生日禮物啦..
有city'super




最實用都係AIGLE袋,
不過呢個有條件, 買任何嘢有得送.




Biotherm嘅..








自選9粒Godiva朱古力.

仲有[位元堂]啦,
[周生生]啦...鑲嵌珠寶鑽飾85折, 都用左囉.....真開心呀. 

北海道札幌五日遊 ~ 第五日(完結篇)

好快又要回港了,
北海道新千歲機場出名多嘢睇多嘢食,
所以雖然係乘下午4點幾的機,
一早食完早餐就離開酒店到機場作最後衝刺.




想不到在機場還可以吃到一餐好美味的壽司, 
壽司的紫菜脆卜卜的, 比[政壽司]好得多呢. 




講番坐車去新千歲機場..
以前去機場都係坐JR,
見今次在住的酒店有機場巴士,
諗住好方便, 唔使拉住行李喼和一袋二袋上落梯級搭JR,
所以揀了搭機場巴士,
在酒店買票時, 職員都提醒話呢日係日本假期,
會有好多人揸車外出, 可能會塞車....




嘩 ~ 由酒店去到機場, 足足坐左兩個鐘,
巴士在市中心兜來兜去, 都無塞車,
但係去到機場真係塞車, 由內陸機場至國際機場都塞左30分鐘,
早知喺內陸機場落車行過去仲快呢,
由札幌市坐JR都係35分鐘咋, 最多拉行李囉..




諗住走咯, 再食多次壽司, 真係有驚喜呢.

好方便, 用支筆在顯示屏指指下就得啦,
菜牌還有多國文字, 好方便.

 

即握壽司好新鮮味美.

店舖地方很細小, 只有一張長枱,
要好似企鵝咁食囉.

 

好清楚吃了多少錢, 每點一樣銀碼便加上去...
兩個人食咁多yen呢.

在機場到處逛, 又買了些手信.

好多家長帶小朋友到機場玩, 人山人海,
難怪塞車啦, 機場停車場還有兩小時免費泊車.

 

好難先等到無人, 可以影番張相.

行到某間店舖有試食, 係成個puff比你試,
新鮮出的puff太好味啦, 忍唔住又買幾個來吃,
行程最後的美食.