10日意大利城鄉薈萃遊...第三日佩魯賈, 亞西西.

 

第三日行程:
亞西西 Assisi
聖芳濟各大教堂 Saint Franseco Basilica
佩魯賈11月4日廣場大噴泉 Perugia Fontana Maggiore





一定要提吓酒店呢部咖啡機, 有好多功能, 聽講價錢不便宜,
所以有服務員把守操作, 無得自己按制.




 
到達亞西西城山腳, 司機特意停車比我地影相.

 

 

 

 


 

最開心就係去到買食材店舖, 今次有收穫啦~

如果你比些小費, 佢會叫你同佢影相.

好有心思, 我都想我間屋可以掛d花盆喺外牆呢. 

建於1228年聖方濟各大教堂.

見到有幾部麥記車, 以為係麥當當到會, 原來係的士嚟.

午餐餐廳門前, 領隊又被圍攻了.

呢餐無咩驚喜, 普普通通.

好淋嘅豬扒, 又係有人話難食, 有人添完又添,

乘單軌電車上奧維特.

好似時光隧道...

 

 

 

 

食一片已經飽C..

學人喺路邊嘆番個tea, 好鬼C悠閒,
聽領隊講, 喺咖啡店飲野, 企喺舖頭食最平,舖內坐低食貴d,
坐喺戶外最貴, 比企喺室內貴一倍咁上下啦.

11月4日廣場大噴泉.





是日晚餐在古堡餐廳, 餐廳安排咗餐前歡迎小食.

燒羊肩, 好瘦嘅肉, 味道唔係差, 切到咁厚好鞋囉.

食完晚餐返酒店lu,
是日行程完結嘞~


~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~




個blog停咗個幾星期, 因為去咗日本,
返到屋企見到個大玻璃樽, 呀女話係淘返嚟,
比佢激C呀, 咁大個樽放咩好呢, 好阻地方呀,
佢話要嚟放糖架喎, 惟有同佢癲下, 放咗喺意大利買嘅糖落去,
我覺得個樽會好快比人唔小心打爛囉.

去完日本, 滿腦子仲係日本野,
要記番意大利行程好似有d難度呢,
要盡快寫晒佢, 唔係遲d唔記得咗, 無得回味啦......

10日意大利城鄉薈萃遊...第二日羅馬, 佩魯賈.

 

 

是日行程:
白露里治奧古城 Bagnoregio
奧維渥特 Orvieto
伊特魯行亞人地下洞窟 Etruscans Grotta
大教堂 Duomo

瞓醒一覺, 懷住開開心心心情出發,
一上旅遊巴又係鬧呀鬧,
說是旅遊巴司機遲到, 沒有在酒店門前, 開定巴士冷氣...座位問題等等..
實情係司機一早己到, 只不過等我們集合齊人才把車駛來, 免得阻礙其他酒店客人.

真係讚吓領隊, 對於那些無禮呼喝, 無理責罵, 任何要求都盡量配合,
日嘈夜嘈, 幾時先捱到10日完呀, 好影響我旅遊心情呢, 
多謝領隊處理得好好, 可以過番幾日寧靜日子, 
唔開心嘅唔再提啦,都係開開心心重溫一吓今次旅程先~

呢日去古城, 都要行幾多鈄路,
不過d空氣真係好清新, 所以我都要大大力索.......氣.

曾經荒廢咗幾百年的白露里治奧古城,
話說宮崎駿到過此地旅遊後, 就以此地作為題材, 創造咗漫畫小說中的'天空之城'
係咪好似呢...

如果呢日有低嘅雲霧就好啦, 情景同電影一模一樣囉.

有好多悠閒嘅貓貓





好簡陋的手信店物品唔多.

雖然靜得有d荒涼感覺, 但當想起香港, 真係要好好享受一吓幾拾分鐘寧靜呢~

午餐的餐廳, 地方簡潔純樸, 好似返咗屋企食飯...





頭盆牛肝菌意大利飯, 好地道feel,
望入廚房, 見到幾位意大利媽媽廚師, 難怪咁地道美味.




 
主菜: 香草煮雞脾,
食嘅時候唔覺有香草味, 食完之後就感覺到口腔有些微rosemary香草味道.

嘩~ 好傳統 tiramisu.




 

 
上纜車站的電動樓梯........睇嚟失修好耐囉..

搭纜車參觀大教堂,
纜車路喺兩邊民房中間, 當一到山頂時, 完全另一個景象,
有好大間教堂, 有好廣闊廣場.

唔知點解, 一見到教堂深淺色相間外牆, 就想起電影"埃及妖后" 嘅皇冠頭飾呢?!




 

奧維特古城




 

 

 

 
喺灰灰啡啡嘅古城, 突然見到俏Betty, 醒神晒!

 
古代伊特魯亞人聚居時所住的窟洞.

飼養白鴿的地方.





行程完畢坐車回酒店時拍的....夕陽餘暉 





在酒店晚餐, 雖然材料簡單, 味道唔差,
日日都係意粉或飯做頭盆, 跟著就係主菜和甜品,
唔想肥嘟嘟咁返香港, 有時要和husband share一碟.





青豆雞, 有人話好難食, 有人encore,
話唔好食唔代表食野要求高, 口味各有不同, 唔可以一概而論嘅...





食埋甜品,
呢日要寫句號啦...