是日晚餐 ~ 松茸西班牙海鮮飯

早幾日學咗呢個飯,
因為太好味,
所以心思思想整.
近排天氣實在太悶熱,
連買餸都無心機,
今晚只係整呢個海鮮飯,
所以煮嘅時候都有d壓力,
如果失敗咗就弊啦,
分分鐘無得開飯~

為咗一家大細都有飯開,
煮嘅時候落足心機,
睇緊個爐火同飯嘅水份.

好野!
有飯食啦,
米飯粒粒鮮明, 有微微松茸香氣......下次再落多d松茸.
husband同囡囡都大讚好味.

Ricky Cheung ~ 松茸西班牙海鮮飯

上過好多烹飪堂, 最鍾意都係上Ricky的堂,
以前喺煤氣中心,
每個月Ricky都會教一堂,
而且多是意大利和西班牙菜,
所以我差不多堂堂都有報名學.

朋友嚟我屋企,
我就多數煮Ricky教的菜比朋友食,
佢地個個都大讚好味呢!
不過自從Ricky做咗[煮角]節目之後就好少喺煤氣中心教lu.
好難得又上堂啦~
今次學嘅係用野生乾菌煮的菜色.

松茸西班牙海鮮飯

上Ricky的堂輕鬆又學到野,
呀sir好多時將佢嘅經驗分享比我地架.

呀sir好慷慨...
開咗盒松茸比我地試吓味道,
一堂有5拾幾人, 當然清晒囉..

試食的海鮮飯.

羊肚菌燴羊腩

牛肝菌洋蔥湯.

屋企有牛肝菌洋蔥湯嘅材料,
當晚即刻整咗做晚餐...好美味!
洋蔥絲未合格, 要再切幼d.

澳門之旅 ~ 後記

上星期六去咗喺會展舉辦嘅香港國際旅遊展,
一嚟去探吓澳門旅遊局(香港代表)的朋友,
二嚟去攞日本同歐洲旅遊資料,
因為會和團友計劃去呢兩個地方.
其實已經決定咗10月會去日本九州架啦, 機票都預定咗,
點知團友們睇咗日本四國旅遊資料, 覺得四國風景好靚, 
個個都變節轉軚...... 





喺展覽會場刊內, 見到有介紹我喺澳門嘅遊蹤呢!

 

喺今個星一18號出版的旅遊雜誌[新假期]都有介紹我的澳門遊呀!

真的好榮幸得到澳門旅遊局(香港代表)邀請我和husband參與一個名為[綺麗之旅]呀,
好多謝澳門旅遊局和澳門旅遊局(香港代表)朋友的熱情款待呢,
雖然這個旅程已經完結,
不過就留比我一個好美嘅回憶啊~


想知多D澳門近況和活動可以click 去睇睇~ Touching Moments Experience Macau

台中自駕遊 ~ 第五日: 最後景點祟光百貨

行程最後一日啦,
雖然要搭下午4點機返港,
我地都爭取到時去行吓祟光,
上網睇咗資料, 祟光百貨開11點, 但超市部就開10點,
仲鬼咁開心.
kakaka, 點知去到原來呢間廣三祟光係無超市架.
祟光停車場的保安哥哥話比我地知: 過幾條街會有超市.
我地去到原來係間日式超市, 超好開心呀,
攔吓...攔吓...買咗成3仟幾台幣, 佢賺得我最多錢呀...

去到祟光仲未開門.

路邊有早餐的小檔.

我哋行街都係要行出馬路邊.

好多大廈都無行人路, 行馬路邊好無安全感.

日式超市有石爐焗麵包賣,
買咗幾個返香港,
真係買得少呢!

行完超市再行番去祟光,
有開門儀式呀.

儀式完啦, 剛剛11點開門囉,
店內有職員排列門口兩旁,
又講日文兼鞠躬歡迎你,
望望佢地, 可惜個個好似機械人咁, 
感受唔到被歡迎呢. 

到咗機場 lu~

機場好簡陋~

check in完要自己拉行李到行李托運處過磅.
搭任何行航空公司都係經呢度托運行李.

又可以近距離影吓機身.

以前從未踏足過台灣,
估唔到一去就3個月內去咗兩次.

台中自駕遊 ~ 第四日: 溪頭妖怪村, 竹山天梯, 日月潭

我個寶貝終於返屋企囉!
部電腦拎咗去整咗足足10日,
呢10日都係靠部  iPod 同Samsung平板電腦同外界聯絡,
真係唔方便!
連我嘅台中遊記遲遲都未完成,
再遲d真係唔記得都有份咯.
趁仲記得快d寫晒佢.

第四日喺酒店食完早餐又去攞車出發,
呢日會去溪頭妖怪村, 竹山天梯和日月潭.



去到溪頭妖怪村無落雨啦, 可以慢慢行,
呢處有少少日本feel,
係有d舖頭唔可以影相,
所以入到舖頭都要留意吓有無'交叉相機'個標誌, 比人話就唔係咁好啦!

好多古古怪的名稱.

妖怪村入面的食物店都係冷清清, 唔知係咪古怪得滯, 唔敢幫襯.

咁多妖怪佢最慘!

 

告示板寫著 "拍照請不要靠近我  你們比妖怪還可怕  我的手已經被人類搞斷了好幾次"
真係好慘囉~




行完妖怪村就繼續行程去竹山天梯啦,
好開心呀, 竹山天梯曾經係"臥虎藏龍"拍攝場地呢~

往竹山天梯途中遇上大霧, 前面乜都睇唔到,
最大霧時, 到能見度連一個車位都無.




行行吓車都係覺得唔多對路.

見到有幾位本地女士喺度影相,
於是上前問問,
真係行錯路, 要喺呢度掉頭.
不過佢地話竹山天梯喺第二個山頭,
好在都無聽晒佢地講,
我地只喺上山途中無留意一個路口.




搵番條啱嘅路!

經過一個好大嘅茶園.




茶園風景好靚~

但係呢度條路又窄又鈄, 而且有霧,
嚟到呢度唯有放棄.
真可惜~




去唔到竹山天梯, 離遠影張相先.

 要喺呢度掉頭. 又要考考車手技術啦!

一路上都見到好多窯仔雞嘅招牌,
見到呢間有停車場, 都幾大間, 入去試試.




師傅話一隻窯仔雞要燒40分鐘.

30台幣一碟嘅線麵, 唔知咁大碟,
我地一人叫咗一碟, 我食咗好耐都食唔完呀.

龍鬚菜....好好食.




炸蝦丸...真材實料.

炒百菇.




皮脆肉滑兼有雞味.

去到日月潭....又落雨, 不過嚟到點都要落車睇吓.

行咗唔係好多地方, 對日月潭都無咩印象!

喺台中上fb時, 收到朋友介紹,
說台中[日出]的鳳梨酥很美味, 台中只得四間分店.




有GPS好易搵, 舖頭好有氣派, 包裝也很豪華.

我唔鍾意食鳳梨酥的, 怕佢甜爺爺一舊粉,
呢個都唔錯, 皮很薄, 食到片片鳳梨肉.




晚上去了頗有名氣的鼎王麻辣鍋.

 

侍應會不停加有材料的湯底,
麻辣湯底材料有豆腐和鴨血, 清湯底材料有酸菜,
用剩嘅湯底仲可以take away架, 佢地係用大大個膠袋住.
我見本地食客都會帶走呢.
食完返酒店瞓 lu.