在廸士尼32小時

今個月係我嘅生日月, 
又去咗我個樂園慶祝啦..
 

今次又係住廸士尼7樓..
唔覺唔覺都喺廸士尼住過7次 lu.....





樓下呢幾棵樹高咗又密咗.





呢晚無落去餐廳食, 留喺國賓樓層食,
雖然選擇唔多, 而且好精緻 (即係細細件咁囉),
不過環境好舒服, 最主要係可以同睡衣米奇影相....

 

住國賓樓層可以喺唔同嘅時段, 品嚐早餐, 下午茶, 晚上還有雞尾酒.


 

我飲少少咁啦.





喺Kingdom Club嘅露台可以望到樂園嘅煙花,
雖然只係睇到部分, d細路都好開心架, 不停...嘩...嘩聲.

煙花完咗, 又到米奇出埸啦,
米奇好nice呀, 除咗同我地合照,
又擺pose比我地影.

未眼瞓住, 落去大堂四圍八,
噢~~~ 廸士尼會有八仙果, 仲係[台灣製造],
仲有其他台灣零食添呀...
不過我唔'讚好'囉..

好矛盾嘅早餐時間...
好係一起身唔使煮, 拎住條門匙出門口就有得食...
唔好係食完要check out囉.. 

 

 

今次喺樂園只係睇咗音樂劇.

離開樂園時見到一道彩虹,
好靚呀, 喺一道半圓彩虹呀, 可惜我部相機影唔晒啦,
其實係彩虹上端仲有一道唔係好明顯嘅彩虹架,
有人話係霓虹, 顏色排列剛剛和彩虹相反呢..





喺大堂大廳嘆下午茶.





印度式high tea, 圓沽碌嗰粒唔知係咩呢, 食晒都食唔出,
甜甜地, 少少鹹, 淋淋地, 索晒水嘅, 好得意囉.
底層仲有一樣係超酸超鹹嘅...都係唔知咩....





另一個英式high tea, 正常d嘞..





最正係可以refill嘅茶, 我要咗伯爵茶...
staff好人架, 久唔久就會巡吓, 幫你加茶,
咁樣可以hea得耐d囉..

到咗夜晚就食buffet,
好唔得閒呀,
又要掛住食,
又要掛住影相...

最開心係米尼同我一齊切蛋糕呀,
staff好細心, 佢叫我比部相機佢,
原來係幫我拍viedo.





咁大個蛋糕梗係拎番屋企先食囉...





嘻嘻! 今次嘅收穫...
今年廸士尼主題係反斗奇兵,
所以好多紀念品都轉咗用佢d人物啦...

今次係喺廸士尼逗留得最長時間,
由第一日check in至第二晚食完buffet,
足足差唔多32個鐘,
查實都幾攰吓,
夜晚返到屋企咩都無執,
梳洗完就去瞓,
第二朝竟然瞓到自然醒,
仲係要11點幾.....

澳門之旅完結編 ~ 澳門的小街小巷和小舖.

澳門三日兩夜之旅已經回味完囉......(下個旅程幾時呢, 快啦.......)
期間穿過澳門繁盛的大道,
在橫街小巷漫步,
看見大大小小的店舖
可以感受到澳門樸實的一面呢!

在路環聖方濟各聖堂前的紀念碑, 是紀念當地1910年戰勝海盜一役.






























曾是紅燈區的福隆新街, 現在已是餐廳林立, 還有不少售賣手信小吃的店舖.





在福隆新街的新華大旅店, 電影伊莎貝拉曾在此拍攝呀.










[茶居]呢個名稱真係好耐無聽過啦.





原來英記總行是在澳門.















店舖在果欄街
聽說這裡的豆製食品很美味架.





在果欄街....





嘩~ 以前的人已經有堯柱雞飽仔食, 好豪呀!





冬天食一流呀,
唔知夏天還會開檔嗎...





係咪好鍾意食呢, 不過唔啱我..





買緊光酥餅...

個名好盞鬼,
澳門有些小的街道會用[巷], [圍]或者[里]命名,
但我始終攪不清怎樣分別呢..

呢度名符其實係個短巷, 成條巷大約得3個舖位!

 

 

 

在澳門碼頭等船回港時,
有個女仔問我可唔可以做問卷調查,
當然 OK 啦, 我最鍾意架, 
問題都係....
食野用咗幾錢呀..
住酒店用咗幾錢呀..
交通費又用咗幾錢..
手信... 等等
最後問有無入賭場呀?
我同husband齊聲話 "無呀"
佢個樣好愕然, 唔多信咁囉...
最後送咗個環保袋比我,
真係想唔要架,
屋企已經環保袋泛濫啦,
唔要又好意思咁,
其實佢喺個袋攞野出嚟話有d野送比我嗰陣,
我幾希望好似廸士尼咁送個紀念pin比我呀..........