唔知好嬲定好笑

舊的洗碗手套硬化,
開過一對新的,
戴完右手,
戴左手,
手掌對手套的手背,
笑C我啦~

唔知幾時先會買番兩隻左手套呢???

跟大廚學整意菜

收到TGC的電郵,
知道名廚會客室又請來名廚任教,
又第一時間於網上報名,
沒令我失望,
而且還有一張10元e coupon可下次報讀課程時用...

這次請來Assaggio Trattoria Italiana 總廚Chef Marco Furlan,
很nice呀~
除了教授3款意菜, 
還教曉我怎樣處理食物材料,
如何去配合一道菜的味道. 

Pan-fired Scallop in Coffee & Cauliflower Sauce with Caviar
打了茸的西蘭花,
加進少許咖啡粉的味道,
配上煙肉帶子卷,
和矜貴的魚子醬,
還有那粒意大利小蕃茄,
千萬不要一張口就把小蕃茄吃掉,
留至最後一刻,
可以清清你的味蕾,
去迎接下一道菜.

Gnocchi with King Prawn
用了兩種意大利芝士做成的薯仔丸子,
口感軟綿綿,
夾雜著輕輕的芝士味道,
還有那蝦上湯煮成的醬汁,
吃得令人開心舒服.

Yoghurt Foam w Anis on Strawberry Coulis & Meringue
混了茴香籽甜酒的乳酪,
味道有些兒似咳藥水,
仍未能接受呢,
但是杯底的strawberry,
浸了有氣礦泉水和蜜糖,
就清甜可口!

我試吃的一碟,
拿上手.....
遲遲不捨得吃,
很想和家人朋友分享.

第一次在烹飪堂遇上魚子醬.

覺得Chef 樣子有些像[呀蒙神探]呀~

第一次發覺廸廸尼的黃昏很美

和husband入廸士尼不一定會玩盡園內機動遊戲
好多時會欣賞園內花草樹木
有一樣奇怪的是
咁耐以嚟 ~ 我諗都去了過百次呢
從未被蚊釘過
所以有時見到人地貼咗蚊貼
都好想話佢知唔使咁驚....

今次入樂園見到好多黃色花的樹.

點解之前唔多覺有嘅呢

派星級徽章的小檔, 不過我多數都是三點後才進場, 次次係見佢咁樣 ~ 明日請早(我自己對自己講).

呢日只係睇咗獅子王

同玩咗必玩嘅巴司光年.

續年票時送了一本優惠劵, 其中有, 在市集餅店購滿50元送你一個磨菇雞批, 兩杯凍檸檬茶剛好50元, 這就成為我和husband在廸廸尼的指定下午茶.

9月12日是廸廸尼的生日, 好記得廸廸尼第一年生日時, 入場的客入有個蛋糕仔送, 之後就沒有了, 只有生日襟章.

呢日因為約咗朋友食飯, 所以逗留至黃昏, 坐在大街的街頭, 才發覺廸廸尼黃昏好靚, 微風送來, 很寫意, 很舒服, 甚麼煩瑣碎事都跑了..

今次的收獲, 半價買了一個 2012 pin trading day 的 jumbo pin, 還可以抽多一個 pin, 我抽到一個2006年製造有廸士尼郵船做背景的限量pin, 好開心...
到廸廸尼郵船是我的夢想呢~

是日晚餐 ~ 粒粒廚餘炒野米飯

一人食飯可以很簡單...
將早前剩餘的炒埋一碟..
有羊扒粒啦
有青豆啦
有粟米
洋蔥
同埋野米冷飯

好味架~



食完飯再整早餐,
不過無晒高筋麵粉,
無得整麵包,
唯有整蛋糕,
哈哈! 原來屋企無菜油,
得支花生油,
變咗花生綠茶蛋糕

希望啱husband嘅口味啦.....

近期的早餐

近期的早餐都是
自家製麵包和
無鹽無油香草麥片
好多朋友都話怕食麥片
嫌佢一pat糊的
我就覺得愈食愈好味
所以家裡必定有罐麥片呢~

是日晚餐

由湯至甜品食到飽飽的..
很滿足的一餐~
後來發覺......

牛肝菌百菌茸忌廉湯
去百佳買野, 好多時收銀機價錢比貨架上價錢牌貴, 由其減價貨品, 所以我會特別記住, 就好似今次的白磨菇, 價錢牌係25.9 而收銀機就28.9, 貴咗3蚊, 當然又係要搵人check價錢啦; 早一日買糖都已經收貴咗我一蚊, 不過一蚊費事出聲囉, 因為等佢搵人check價錢又要攪一大餐, 分分鍾要5至10分鐘; 不過有時知道收多咗, 我會照比錢, 然後行番入去, 自已抆個價錢牌去收銀度話番佢知, 咁就快得多呢.
講番個湯先~
牛肝菌20g先用一杯半水浸軟, 後隔起, 水留用,
用橄欖油炒香洋蔥碎半個和250g白菌(一pack), 之後落50g白酒煮至半乾, 盛起留用,
燒熱鍋下橄欖油2湯匙加入麵粉3湯匙 炒香撈勻, 再續少加牛肝菌水(不要底部的沙), 和一杯半雞湯,
加入已煮之洋蔥, 白菌和牛肝菌,
煮滾後稍放涼,用blender打成茸, 再返滾. 
上桌時淋上少許忌廉, 我又加了半茶匙白松露醬
濃濃的菌味, 好香呀~

羅馬沙律菜灑上羊奶芝士碎, 紅酒醋和橄欖油.

焗法式小雞伴羊扒
husband提議用橙汁醃雞, 於是用咗半個橙汁, 白酒, 鹽和黑椒碎醃, 用220度焗35分鐘, 不過食時唔覺有橙味呢...

最後係紅豆冰雪糕


後來發覺.......
打開雪櫃.....
.
哎呀~~~
.
.
包紐西蘭藍青口......
.
.
.
忘記了煮.....白酒煮青口.......

今個假期很忙碌

今年清明節和復活節很相近, 像是放了個長假期,
可惜假期一開始就病啦,
第一時間看醫生,
吃了藥, 燒退了, 留下咳嗽和喉痛陪我過復活節呢....


收到餅友留言, 話我好番就請我吃卷蛋糕,
以為她說說笑,
其實真的好期待吃她做的蛋糕呀~
再收到留言, 開心C啦~
husband和我飛車去攞蛋糕囉~
蛋糕很可愛, 很美味呀~
謝謝妳!

病了沒有在家煮飯, 這晚和husband出了尖東搵食..
在K11吃完晚飯,
心諗反正都出了街, 往崇光逛逛吧~
一口氣買了三對鞋,
husband話我好番晒囉,
係精神咗一陣咁囉,
shopping係我嘅靈丹妙藥嘛..



跟著一天就是去bbq啦..
那天都是呆呆的, 所以連相機也忘記帶,
但是一早和團友相約好,
有些燒烤食物由我負責,
不能失約呀,
唯有食少d囉 


第二天又和團友往順德吃私房菜.......

在皇崗集合再坐車去順德,
車程都頗長呀,
行車途中也有中途站, 但係唔吸引囉....

兩小時車程, 終於到啦~
奇哥私房菜館,
奇哥話想食一定要訂位,
無訂位嘅話, 識佢都無得傾喎~

很多名人食家都曾到訪呢~

奇哥教食呢個白灼鯇魚片,
先燒熱水至見到蝦眼水,
放下魚片, 即熄火,
輕輕用筷子撥散魚片,
稍等一陣可以食啦~
魚片真的很滑又切得很薄, 所以食唔到骨呢..

這個薑蔥魚皮, 團友都話很鮮脆,
我唔鍾意食魚皮, 不過都食咗一塊仔,
唔好失手勢嘛..

成塊面咁大個义燒包,
好食呀, 餡靚包底又唔黐牙..

這個鵝肝醬魚餅, 用魚肉包著鵝肝醬去煎,
唉!我又咳又喉痛,當然要戒吓啦~
 

最後一日, 當然唔少得我個樂園啦~
廸士尼做緊推廣, 我和husband都可以各人帶一位親友免費入場~
呀女今年無續年票, 佢話好想睇吓新開嘅反斗奇兵..
睇完之後佢話好失望, 好似只係將幾個機動遊戲塞埋一堆咁..
我都係對反斗奇兵無乜好感囉~

開心時間好快過, 又期待下個假期來臨~~~

是日晚餐 ~ 煎羊扒

一個人..
靜靜地..
好輕鬆.. 
今日買嘅羊骨扒細細塊又薄薄的..
但肉味唔錯..
灑上香草, 海鹽, 黑椒碎..
每面煎一分鐘..

上海炒麵

很久以前, 工作的地方隔鄰是一間上海菜館,
最喜歡那上海湯粗麵, 每次都吃得清,
連舖頭的伙計都話我大食, 問我知唔知碗湯麵嘅麵有成斤重.. 
那些年食極都唔肥嘅, 幾好呀~
都食過唐拾義增肥丸架, 但都是瘦瘦的....
同事叫我大風千其咪出街呢..
依家剩飲水都肥呀~

材料 : 上海粗麵 1斤, 椰菜/黃芽白半斤, 廋肉 4兩, 冬菇 6-10隻, 蔥 2條切段.

 

調味料 :  生抽 1湯匙, 老抽2 1/2湯匙, 糖 1/2 茶匙.

 

做法  : 

1.
粗麵放入滾水中煮約10分鐘, 然後用凍水沖洗, 瀝乾水, 拌入麻油半湯匙, 老抽2 1/2湯匙待用.

2.
椰菜/黃芽白切寬條, 廋肉切絲, 冬菇浸軟切寬條.

3.
肉絲用1湯匙生抽拌勻, 用油爆香蔥段, 並放入肉絲炒熟盛起.

4.
用油炒冬菇, 黃芽白並放鹽1/2茶匙, 肉絲也加入炒至菜熟盛起.

5.
用油將麵放入炒, 將所有配料放入淋上調味汁料, 炒透即可.

 

 (今次用咗超市包裝嘅刀削麵, 味道麻麻, 下次要用番正宗上海麵先得)