近期佳作

 

husband食我整嘅早餐麵包都係隔了一晚的

因為husband很早便要出門返工

所以要早一日整定

'近期佳作'

係husband比呢個麵包嘅評語

佢話呢個包比以往的特別軟熟

 

雜莓車厘合桃芝士麥包

2012 京阪神 ~ 去奈良睇鹿

好快就第三日啦, 咁多日最凍呢日又大風, 我地駕車去奈良公園, 見到公園啦, 但係搵唔到個停車場入口, gps指示嘅地方係入唔到去的, 搵咗成個鐘, 最終都係泊喺公園附近停車場.
入到公園一時間見到咁多鹿好開心, 我都係第一次咁近距離接觸鹿, 以為鹿鹿好可愛啦, 仲買咗d餅餵佢地, 查實一d都唔可愛, 我團友比隻鹿咬呀, 好在只係瘀咗小小, 不過成日都聽到佢話痛囉; 我就比d鹿整到我件外褸好多口水.

最乖呢隻囉~

請佢食餅.

真係架~

行去公園途中, 經過這奧村記念館, 其實好似旅客資訊中心, 除咗可以休息吓, 去吓廁所, 再窩心就係有好香濃熱綠茶供應, 仲有關於地震展覽.

有好多資料, 你唔明嘅話有老伯伯義工講解, 佢地好主動同我地講架..

可以坐上去感受一吓地震時的感覺. 我當然無坐啦, 類似過山車嘅我都唔會坐.

防震設計.

想起去年3月曾經到過呢間店鋪, 舊地重遊好興奮, 不過今次靜咗好多...

好靚!

 factory outlet 好靜, 得個凍字..

我次次行outlet都係運吉嘅, 認真要考慮吓以後仲去唔去囉 ~ 不過又唔抵得空手而回, 買咗幾隻茶匙..

滾辣辣砂鍋豆乳烏冬, 食完成個暖笠笠.

呢日早晚都係食我喜愛嘅湯粉麵...

2012 京阪神 ~ Tore Tore 市場

離開三段壁, 按原定計劃往黑潮市場食午飯, 行車途中遠望見到有條大魚做招牌嘅市場, 反正無時間限制, 駛去看看都好.

市場門外有好多的士等客

入到市場剛剛見到劏魚表演.

一劏好分件後即賣, 有好多本地人幫襯. 




呢個市場都幾大, 除咗濕貨海鮮類, 仲有手信禮品, 酒等.

各團友都睇到流晒口水, 決定開咗餐先算 lu.

雖然係外賣款式, 但係一樣咁鮮味.

我地睇中咗佢啦, 可惜店鋪唔幫我地煮, 只會幫我地劏, 然後我地自己安排炭燒, 唯有打消念頭.

好得意嘅迷你板燒魚肉, "要冷藏" 無得傾!
食飽飽, 照計劃再去黑潮市場, 因為下午有劏魚表演.

睇ATV嘅日本大放送知道黑潮市場隔鄰有個歐洲, 我一落車就走去睇吓什麼環境!

真係好有歐洲feel, 不好靜呀, 都係搵番團友們先.

雖然唔知佢講咩, 應該係講解條魚點點點....點點點口咁囉..
好快就將條魚解體, 佢把刀好鋒利呀, 難怪有人每次到日本都想買番把日本刀, 不過實在大貴啦~

睇完表演再行吓市場, 不過.....噢! 唔知點解呢度嘅食堂, 售賣店鋪全都關門啦!

睇番呢張相, 完全忘記呢度係邊, 又失憶~

晚飯在一間好傳統的老字號鰻魚飯專門店 ~ 本家柴藤

 

最開心見到呢個牌...

好肥美的鰻魚, 最愛淋上燒汁的飯, 飯中間仲有一層鰻魚, 整個飯比我清晒, husband都話我大食, 實在太美味啦~

盛飯和湯都是用手工精細的漆器..

喺門口已經有告示話加價.
令人感動的服務精神 ~ 食完飯我地上番車, 我地泊咗部車喺店外對面馬路, 上車指定動作係set gps, 我望番對面鋪頭, 見位著和服店員企喺門口, 嗰時都幾大風同凍, 都諗到佢梗係等我地部車駛走先入番舖, 我地唯有將車駛前少少先再set gps, 原來真係見我地開車, 佢躹躬後先入番舖, 咁嘅服精神令人好感動呀.

返酒店途中, 街燈會轉色, 好靚.......
 

2012 京阪神 ~ 白濱三段壁

四日行程我地買咗2日嘅關西pass喺第一日同第四日用, 中間兩日我地租咗部車, 可以去郊外地方,咁我就舒適得多囉, 有司機嘛, 精神時可以東張西望睇吓風景, 攰時可以小睡片刻. 

今次係5人團, 租咗部細車, 呢部bB都幾舒服, 後座坐3人都好闊落, 車身黑得發亮呀, 不過長途車好快就會變成污糟貓, 有時我都會唔抵得抹吓佢~

每次經過中途站都好歡喜, 一嚟落車抖抖, 二嚟中途站嘅舖頭好多野睇, 剩睇都開心..

最雀躍都係見到有麵包舖, 見到一定會入去巡吓, 就算唔肚餓都要買番個兩份食.

等我都做一陣水軍先..

我以為近海供奉的會是天后娘娘; 辯財是智慧, 屬密宗的.

海水由洞外湧入形成的浪花, 都幾嚇人...

逗留咗一陣, 呢度好休閒舒服, 這天涯海角總比寫在大石頭上的寫實得多啦~