花開富貴

今年喺花墟買嘅年花簡簡單單, 但開得很燦爛呢~

自從被上星期嘅嚴寒打沉咗之後, 喺屋企擹咗幾日, 今日好返晒啦, 不過睇見間屋同個樣都唔係好順眼, 要振作吓先得啦, 眼見廳角嘅年花開得好燦爛, 醒神晒!

久違了的格仔餅

龍年初四, 祝大家生意興隆, 開工大ѼѼѼѼѼѼѼѼ!

天氣仍然冷冷冷, 好想食d熱烘烘嘅甜品, 搬返打咗入冷宮拾幾年嘅格仔餅機出嚟, 整咗3底格仔餅
配上自家製嘅福岡士多啤梨果醬, 一下子清晒, 加杯薄荷茶, 即時暖笠笠囉!

同米奇拜年

今日大年初二, 先祝大家甜甜蜜蜜，心想事成，如意吉祥，出入平安，龍馬精神，新春大吉！

入場送大古力金幣 :) 一返到屋企放咗入全盒啦!

真係會有咁多人買票入場!!!??? 記得有年新年好多人入唔到場大混亂....

龍年龍仔應吓節

砌成吉字的花圃

  

街燈都好有中國節日氣氛.

玩bb遊戲得的12生肖貼紙...


今日又凍又大風又落雨粉, 真係好凍呢, 不過好有在外地的感覺....

是日晚餐 ~ 士多啤梨柚子沙律伴慢烤羊肩

上星期去咗日本關西幾日, 未試過買咁多士多啤梨, 買到比人話係咪買得多咗呢!

士多啤梨沙律係主菜, 羊肩係配菜.....
沙律汁係用咗係citysuper買嘅和風芝麻柚子沙律汁味道唔錯.....
500g羊肩用胡椒和鹽調味, 煎封表面之後, 用160度焗45分鐘, 剛剛熟.....

餐後甜品當然又係士多啤梨蛋糕....

其實都唔係好多啫, 最後一盒整咗士多啤梨果醬, 無晒lu....

無油乳酪蛋糕

雪櫃嘅的乳酪和鮮奶快要到期, 天氣凍, 唔想食冷冰冰乳酪, 唯有用佢整蛋糕, 心想加咗乳酪, 唔使落菜油都可以掛!? 好! 就唔落菜油試試....出嚟效果超讚呀, 鬆軟得嚟有質感呢! 不過又無乜乳酪味囉.

材料有: 蛋白4隻, 蛋黃4隻, 糖68克, 低粉80克, 熱奶50g, 乳酪40g.
蛋白4 隻和一半糖打至企身.
蛋黃和餘下的糖, 熱奶, 乳酪按序拌勻, 然後再加入已篩麵粉, 攪拌至無粒.
將1/3蛋白加進麵糊內拌勻, 然後再加入餘下的蛋白拌勻.
輕輕倒進7吋中空蛋糕模內.
放入已預熱180度之焗爐內, 焗約25至27分鐘

 
天氣凍凍地, 食件餅加杯雲尼拿熱朱古奶, 成個人暖笠笠. 　

元旦去趁墟

係花墟開辦咗幾年嘅農產品展, 今次都係第一次去, 去到近門口husband見到人山人海, 佢話想走喎~





突然間好多人, 原來梁來了

行行吓比好香薑味嘅蕃薯糖水吸引住, 超好味呀, 黃心蕃薯我最鍾意, 想買番d, 不過要40蚊一斤, 又無乜信心唔知我食嗰d係咪佢賣嗰d....

迫....迫....迫......

就係迫呢個砵仔糕出嚟, 仲係暖笠笠的, 好香豆味, 再多d豆就好啦......

香港農產品其實都唔錯, 不過價錢都幾貴....

有得睇無得買, 諗起日本嗰d

好fresh嘅大茴香呀..

好大碌粉葛

95蚊買咗一大舊有機薑, 送蔥一條....

跟大廚學意菜

Goccia 嘅 Executive Chef Fabrizio Napolitano, 好nice 教識我地好多煮意菜技巧...

牛肝菌意式燴飯

辣椒大蝦燴意粉

自制薯仔丸子伴鼠尾草及羊奶乾酪

原來呢堂仲有得試酒, 早知叫埋husband一齊學

我唔係好飲都學人飲咗3種酒


飲完3杯面仔當堂紅晒;  
以為飲酒後面紅係好嘅,行血嘛,  原來錯嘅, 飲完酒面紅係唔好架喎, 同肝酵素有關..

呢隻牛油好好味架~

great 嘅 Cacioricotta cheese, 我食咗好多....買芝士最好都係去金鐘嘅great 有好多撰擇.

 

飲飽食醉落堂啦~
本來兩小時半嘅堂, 上咗四個鐘, 真係學咗好多野!