蕃茄濃湯烏冬 & 蕪花果合桃包

一人份晚餐 ~ 蕃茄濃湯烏冬
呢餐真係話咁易, 烚好烏冬, 餃子, 隔去水份, 放入湯碗, 再放上急凍熟蝦, 煮熱半罐罐裝蕃茄, 加水再煮滾後倒入烏冬內就食得啦~

罐頭蕃茄係最熟時摘落嚟入罐, 所以味道特別濃, 反而新鮮蕃茄係未熟時摘, 又經過長時間運送, 味道無咁濃呢, 所以我屋企一定有幾罐蕃茄看門口.

唔使煮晚飯有時間可以練習一吓整麵包.

蕪花果合桃包因為計錯數, 蕪花果同合桃唔夠分比六個麵團, 唯有一個黏芝麻...

切咗一個做宵夜, 超軟熟呀..

鴛鴦卷

對整麵包有少少明白佢嘅步驟, 整落都唔係太難, 無以前咁 lei hei ~
雪櫃嘅紅豆茸夠整半份, 另半份用咗有機車厘子乾, 車厘子乾本身就好好味, 但係講味道始終都係紅豆同抹茶味夾d.

打好麵團 ~ 當然又係用麵包機打啦, 份量都係用麵包機比嘅份量, 2杯高筋麵粉,抹茶粉大約10克啦,  3/4杯水, 1/2茶匙鹽, 1 1/2湯匙糖, 1 1/2湯匙奶粉, 1湯匙牛油, 1茶匙酵母粉.

發酵至大兩倍

分咗兩份

唧紅豆茸

切好一條條再卷

最後發酵大概30分鐘..

180度焗咗22分鐘.
出爐啦, 賣相唔多好, 諗住都係失敗啦, 趕住出街食飯, 唔理佢住啦... 不過唔多開心囉~

食完飯返屋企, 好心急試食一個, 點知食吓食吓, 竟然食咗4個, husband 仲整埋泡沫綠茶, 真係肥C..
原來又幾好味, 又軟熟~
如果步驟有錯話我知喎~

2011北海道自駕遊紅葉秋の旅 ~ 在札幌盡情地吃

行程尾聲lu, 幾唔捨得都要, 真係要多謝司機們啦, 我地嘅策劃人啦, 導遊啦, 領隊啦, 仲有財政啦同埋唔知咩咩啦, 我剩係知我無咩貢獻囉...
團友話因為我第二日病咗食唔到長腳蟹, 一於同我去食番次, 同團友一齊好幸福呀.....
呢朝一早去中央卸売場外市場食早飯.....



等咗45分鍾, 有得食啦, 師傅幫我地劏蟹..

第一次食新鮮嘅長腳蟹, 好鮮味呀, 唔知幾時再有得食呢~

跟在香港食急凍的, 完全兩回事呀....

我和husband 的海膽飯

再加個牛油焗薯

我地唔係搭的士去架, 係搭市場嘅專車, 叫酒店幫手打電話去book車就得啦, 食完仲可以送我地返酒店, 好方便, 當然要有幫襯啦!

 



輛

佢想走呀, 想佢唔郁, 反轉佢就得啦~

哈蜜瓜嘅價錢比以前平咗...除左每人抬咗一個返港之外, 另外再買多兩個超平嘅返酒店食, 店主仲講明要即日食先得架...

又食放題啦, 店舖在狸小路, 成晚加埋我地都係得3枱人....

あぐら 牛羊豚火鍋放題.. 

包野菜和烏冬, 豆腐太好味啦, 可惜每碟都係得4片....

唔記得咩王將嘅餃子, 嘛嘛地啦....

每次shopping時間我同husband都去左搵食, 坐低歎吓~
一份三文治加杯茶, 好歎

husband 的 tea set, 加杯咖啡! 又一個悠閒下午...

呢個旅程最last一個晚餐, 我地encore番第一晚的はなび放題, 食過咁多間係最多人呢間, 如果無訂位就食唔到喇~

咁樣嘅放題賣相好難得囉, 而且味道一流呢..

唔怕高卡, 唔怕熱氣都要食的炸雞翼, 不過我無咁大勇氣....

好有鮮味的蟹粥....

今次我食晒成份心太軟啦~

食飽飽返酒店仲有節目~
就係唱生日歌嘞~

 

呢日有團友生日, 我負責買咗個cake...

食埋生果早抖lu.......
第二朝一早去埋超市作最後衝刺就要去機場啦....

 

 

2011北海道自駕遊紅葉秋の旅 ~ 豐平峽

離開定山溪繼續前往豐平峽,  私家車唔可以直接到達豐平峽, 先要泊車在山腳遠處的停車場,  在停車場有電動巴士前往, 然後再搭覽車上山, 亦可以選擇步行上落山, 我地搭覽車上山, 步行落山, 如果要再上山頂高處, 嗰段路就一定要行啦~

 

在山上唯一的絕景展望餐廳食午餐

呢間餐廳有炭火燒烤, 仲有露天座位, 行出餐廳外吹來一大陣BBQ味, 不好受的.

團友話要行上山預, 咪行囉, 行咗三份二, 已經無咩氣啦, 想放棄, 對住咁靚嘅景, 加埋團友鼓勵, 繼續, 繼續......

到山頂啦, 對我嚟講辛苦架, 不過都直得呢!

對面山嘅山頂好得意, 喺山頂再有一座小山, 人望出頭, 山都有出頭, 我見有一對日本老夫婦專誠嚟睇呢座山, 仲對座山雙手合十, 唔知有咩意思呢?

 

在遠處回望廳餐景色, 好有歐洲feel.