上個星期六, 傻傻地 ~ 一個人喺屋企見無咩做, 摷個雪櫃搵d野嚟煮吓, 於是拎隻羊腿出嚟解凍, 本應放雪櫃下格解凍好d嘅, 不過心急整嘛, 咪放室溫囉, 呢排天氣咁熱, 好快就可以煮得lu, 隻羊腿唔係好大隻, 煮咗一小煲, 諗住留番星期日先食, 點知星期日又出咗街, 變咗今日唔使出街買餸就有晚飯食咯
今次真係胡亂地煮, 因為要就屋企有咩食材, 味道一流架.
羊腿起肉切塊, 甘筍切塊.
下橄欖油爆香蒜茸和乾蔥頭, 下香料(ground cinnamon, green cardamom pods, cloves, black pepper, ground coriander, peperoncino chilli, bay leaves)炒片刻, 下羊肉煎封表面, 下甘筍, 下罐頭蕃茄半罐, 下酸忌廉, 加少許水, 炆大半小時至焾.
煮好之後記得執番起d cloves(丁香), 因為味道好勁, 一哎落去唔係咁好食. 我煮餸落調味有時都無乜份量, 隨手囉.
一心去海港城睇《反斗車王2》嘅展覽, 唉! 搵勻都唔見, 逛咗兩個半鐘, 嘆咗個下午茶, shopping完, 再買野反屋企食. 最開心喺citysuper買咗pack 澳洲 Tasmania 嘅新鮮藍青口.
自從獅子星撤離香港之後, 無再上過船玩lu...
我都幾鍾意上郵輪架, 唔使頻撲, 休休閒閒....
呢間日式cafe嘅賣點係丹麥方包, 用嘅係日本麵粉, 日本北海道cream.
上次去食, 聽到d客人問佢地有無麵包賣, d三文治用嘅方包確實又幾香牛油味, 好似牛角酥同白方包嘅合體, 不過嗰時仲未有剩麵包外賣.
今次去見到門口有張枱, 擺放麵包賣, 不過都好貴呀, 兩片方包要19蚊.
吉列豬扒三文治, 豬扒凍嘅, 麵包雖然烘過, 但係好似擺咗好耐咁, 食落都係微暖.
下午茶...
呢份係husband叫嘅, 多士上有香蕉同cream, 咁樣承惠62蚊, 都幾貴呀, 唔係有人請, 我真係唔會去食..
呢隻船咁污糟, 見到唔開胃~
去海運頂層露天車場攞車時, 見有好龍友喺度影相, 擺晒相機陣, 我都學人影番幾張.
citysuper 壽司 ~
澳洲塔斯曼尼亞青口, $138 一kg.
整定個暖座先.....
白酒煮Tasmania 藍青口, 實在太美味....真想去買多pack
曾經喺Ikea餐廳食過野之後, 就認定佢賣嘅野唔好食, 因為嗰次食三文治個包好似化石咁, 又乾又硬又散, 跟住就無幫襯過.
聽朋友講佢依家有賣冷凍食品, 有隻瑞典肉丸幾好食, $7x蚊一kg, 前日行開Ikea買包試吓. d肉丸有豬肉同牛肉成份架, 唔食豬或者唔食牛嘅朋友要諗諗嘞 ~
肉質好好, 唔係食麵粉糰咁, 好過唔少餐廳, 不過牛脂味都幾重, 食幾粒ok, 食多幾粒好肥膩.
個sauce就用咗Jamie Oliver喺 fb 入面restaurant city 早排post出嚟嘅食譜.
其實呢碟長通粉係噚晚食剩架, 不過今日依然咁好味.
再加埋呢件 : 用咗三張咸豐年儲埋儲埋嘅聖安娜餅咭, 加25蚊換購一個75%比利時特濃古力蛋糕, 滿足晒!
~ ~ ~
噚日買完餸等van仔返屋企時, 後面有男人教個外傭搭車, 教完一大餐, 同個外傭講, "如果唔識問吓人, 你依家試吓問前面位太太." 於是個外傭就問我嘞.
真係唔想答佢呀, 如果有人向我問路, 我當然會答啦, 但係依家我唔係是必要同你做角色扮演架嘛, 答完個外傭咪厲吓邊鬼個係佢主人囉! 哀得佢吖, 上到車仲係度講, 叫個外傭如果問人, 人地唔啋你, 問到佢啋為止, 仲起碼提咗3次........... 同一個站落車, 哼!
我已經拎住自己個手袋, 一袋餸, 一袋麵包, 一個蛋糕, 仲要係等咗三部van仔都未上到車, 抖氣都抖唔切, 邊有氣啋佢吖~
蒜頭豆豉涼瓜配煮咩野都咁好味
唔好話我成日煮西餐
今日食吓家常飯喇
涼瓜出水
煎香黃花魚
白鑊爆香蒜頭豆豉陳皮絲後加油
落涼瓜再加少許水煮至焾
埋獻
把煮好涼瓜放在黃花魚上
還有我喜愛的廖孖記腐乳
講番吓盛魚隻碟嘅趣事 ~
隻長方形碟係噚日喺mega box ikea 買, 好鬼平, 咁大隻都廿四個九, 不過, 呢個色得番最後一隻, 仲係有個塑膠價錢牌貼住, 個店員出盡辦法, 最終用個釘書機幫我撬走個價錢牌.
喺ikea 入面好攪笑架, 好似好多人喺度住咁, 店入面有好多間隔示範單位, 百幾二百尺齊全晒客廳, 睡房, 廚房, 浴室; 好多單位入面都有人架, 佢地好似返咗屋企咁, 攤咗係度, 有一pair仲坐喺張梳化度卿卿我我, 佢睇我唔到, 我唯有又睇佢唔到.
終於有個單位無人啦, 客廳有張枱兩張凳, 我突然間諗, 如果我同husband喺度開餐會點呢???
呢排天氣太熱啦, 無胃口食飯, 好多時都無煮飯呢!
醬都懶煮啦, 喺瑪沙買咗樽印式咖哩醬同烤餅, 自己加d薯仔同羊肉落d醬度, 好方便呀 ~
瑪沙青豆蓉煙肉湯
胡亂地整咗個加cream嘅朱古力雪芳蛋糕.
我眼皮無跳啦, 上個星期五見醫生時, 順便問醫生點解會眼皮跳, 佢話眼神經緊張, 無藥食架喎, 唔好理佢, 放鬆d就得架啦, 嗰晚就無再跳啦, 舒服晒, 幾驚佢唔停呀, 好肉酸架嘛.
