連日大掃除, 洗到廚房, check吓個糧倉, 沙律醬, 意粉醬同三色長通粉已經擺咗好耐, 盒cream又就快到期, 煮咗佢地先
兩個蘋果, 一個薯仔, 半條紅蘿蔔加埋冰箱幾隻蝦嘅沙律.
白菌忌廉松露醬長通粉.
之前整咗兩隻豬手, 一隻拎咗去bbq, 剩番呢隻係屋企焗, 我覺得bbq果隻好食d, 肉質鬆d, 可能炭燒係好味d掛.
焗嘅肉質無炭燒咁鬆同香口.
為左盒cream整咗個朱古力雪芳.
盒朱古力粉又係就到期, 加埋落d cream 度打可以用多d.
分3層可以抆多d cream, 唔錯....好味.
哈哈! 今日唔洗出街買餸, 煮吓煮吓, 頭盆, 主菜, 甜品有齊.
約左團友bbq, 今次諗諗新意思, 唔整豬扒牛扒, 早前焗過一隻德國咸豬手都好受歡迎, 再整多次用炭烤睇吓會點.
用西芹, 洋蔥, 紅蘿蔔, 和一些香草, 黑胡椒, 鹽, 水蓋過豬手, 低火煲至熟透. 點知佢熟透? 我都唔知架, 第一次煲左5個鐘, 呢次煲左3個鐘, 都熟嘞, 下次試吓兩個鐘, 最緊要係一定要細火, 唔好比佢滾起, 唔係隻豬手會縮晒水架. 熟左就用黑啤噴吓隻豬手, 德國豬手吖嘛~
之後要風乾, 我用煤氣爐嘅風扇吹, 快d乾囉.
仲整左隻鴨, 鴨皮要風乾到好似死皮咁, 先會烤得脆架. 好鬼緊張, 因為學左第一次整, 仲係拎去bbq, 唔知會點呢?
整埋d蔬菜包, 團友們話好香好味道喎, 以後都要我負責蔬菜包咁話呢. 查實我係落左松露醬呀, 當然仲有橄欖油, 見佢地食得咁開心, 我仲開心呢!
帶埋d海鹽, 香草, 黑椒, 臨烤之前才調味, 效果唔錯.
豬手好好味呀, 肉質咸香得嚟好鬆軟, 但係d皮唔係好脆囉.....有進步嘅空間.
隻鴨好似好慘咁呀 ~ 味道同肉質都好正, 估唔到冰鮮鴨都可以咁好食, 不過烤嘅時候烤左好耐都未熟透, 唯有用錫紙包住翻燒, 皮變得唔脆, 經驗係 : 下次要成隻用焗爐焗好, 再拎去燒翻熱, 因為成隻鴨义住燒, 要燒好耐好吃力, 又無咁大隻义.
廸士尼去年入場人數增加咗喎, 梗係 ~ 我都唔知去左幾多次lu.
續廸左尼年票有三張coupon, 一張係入住酒店7折, 一張係餐飲6折, 同埋一張水療7折, 住酒店嘅coupon仲可以一齊用兩張即係可以4折. 今次就用左兩張coupon住一晚廸士尼酒店.
雖然屋企離廸士尼都係15分鐘車程, 但係喺酒店入面真係可以感受到休閒舒適
踏入5周年, 「飛躍奇妙」係今年主題, 巡遊轉左新裝, 入場票都轉左卡通人物, 年票要4月先轉, 同埋會用硬卡, 到時都要換番張嘞.
我個女至愛....
新出嘅艾瘋套.
check in左, 歎完下午茶, 游閒地四圍逛逛.....
每次見到碼頭都覺得好浪費.
我問husband d字係乜意思, 航海嘅問題點會考到佢吖, RICHARDS MARINE 係廠名, JTE30係 model no., 30T-SWL 係safe working load 30 tons.
同老伴行吓海濱長廊, 談天說地, 談笑風生, 談情說愛, 真係無敵!
今次又係住國賓房, 又可以歎吓由7:30 ~ 至22:00提供嘅小食, 今次嘅食物精緻左又好食左, 雖然晚餐訂左食中菜, 都要食多件先.
bedtime reading嘅時間, 小朋友等聽故事....
我地就同米奇影相, 只係呢度先可以見到穿睡衣嘅米奇架. 米奇好nice呀, 我地想只係影佢一個, 佢即刻擺post比我地影.
一早起身, 吸吓新鮮空氣, 成個人精神晒!
意外收穫 ~
5日北京之旅完結喇, 我鍾意食, 更喜歡烹調食物比家人同朋友分享, 所以我會對食有d要求, 有時我會唔比屋企人食飯食得咁快, 人地咁有心機煮左咁耐, 食慢d欣賞吓吖嘛!
今次就用食物完結呢編北京之旅 ~ 最後一日四餐都係馬會會所歎, 唔駛舟車勞頓有得食真好.
1月1日全球iphone響鬧失靈, 我地都係受害者呢, 原本諗住七點起身, 可以歎耐d個早餐, 大家傾吓講吓開心吓, 點知起身已經九點幾, 食早餐嘅時間短晒.
午餐時間.
十年花雕醉雞.
脆皮豆腐, 喺北京食過幾次用豆腐整嘅菜色, 佢地嘅豆腐唔係好似香港嘅咁滑, 比較實有質感, 不過我都係鍾意滑嘟嘟嘅豆腐.
炸醬撈麵, 同香港嘅好大分別.
煎鍋貼, 唔知幾時開始, d鍋貼反轉上碟.
我地無叫, 可能師傅見我地拎住相機以為係我地架啦, 後來侍應姐姐提醒佢, 佢先向番隔離枱切, 大家都笑起嚟....
下午茶時間, 我梗係叫我嘅至愛 ~ 熱朱古力.
食晚餐啦 ~
煎芝麻金槍魚配青芥醬
香草帶子配三文魚籽鮮奶油
蟹肉濃湯
鴨清湯配松露菌雲吞.
紅酒梨雪芭
香煎牛肉眼配羊肚菌汁.
慢烤乳鴿配熏鵝肝及香草汁.
功克力蛋糕配果仁冰激淋及焦糖汁. (haha...原文照錄)
呢個假嘅, 房間裡面有本好正嘅食譜, 抄又抄唔切, 咪猛咁影囉.
