相聚35載情緣

學堂呀sir和同班同學到訪, 算一算大家結緣35年啦, 記起當年拎住一袋手提行李踏入學堂嘅心情難以形容, 一位呀sir和藹可親, 另一位就惡C到不得了, 如今兩位呀sir都成了慈祥的老人家啦! 每次聚會大家都講番當年情, 一時間屋企多咗幾個墟, 你講你嘅, 我講我嘅, 好開心呢~
為咗今次聚會, 我傾盡全心全力去做了幾道菜, 希望大家都喜歡啦~

是晚menu

煮西餐唔可以決少的香草香料.

朋友送嘅水晶酒杯又出動啦.

又期待下一次聚會啦~~~

高爾夫球肘

一對手踭痛咗幾個月, 睇公立嘅家庭診所, 醫生話係高爾夫球肘, 可能經常做重複動作引致勞累, 就好似抹窗打掃, 醫生開咗止痛消炎藥和胃藥, 不過d藥好勁呀, 雖然食咗手踭即刻唔痛, 不過就胃痛, 仲周身唔舒服, 食咗兩次都無食啦.  見私家醫生佢話消炎止痛藥要由腎或者肝去分解, 過勁嘅止痛我都唔適宜食, 做吓手部運動都有幫助.
最怕行街入商場, d門鬼咁重, 唔夠力推開, 有時要用個身去推開隻門, 有時又衰衰咁吼人地推開咗自己就跟急急腳住尾. 依家連掃地都要就住, 拎重野一定拎唔好啦, husband話我上網上得多, 成日拎住個mouse攪成咁喎, 要我少d上網睇吓會唔會好d.
我都唔打高爾夫球嘅, 無啦啦有個高爾夫球肘, 真係唔抵呀~
今晚有好多朋友到訪, 我一個人煮15人嘅晚餐, 之後真係要好好休息吓啦..

薑餅人過聖誕~

祝大家冬至 ~ 聖誕 ~ 新年快樂! 身體健康!

收到好友邀請一齊整薑餅人慶節~

新鮮出爐好美味..

個個人仔都胖嘟嘟仲好有健康膚色.

咁靚手功當然唔係我劃啦~

呢d都唔係~

嘻嘻~ 呢d係我傑作啦!

開開心心拎住d薑餅人返屋企, 點知一入門口跌晒落地, 好大聲咁嗌咗一聲 ~ 哎呀 ~ 好在人仔夠硬淨, 只係跌爛一粒珠.

*************************************************************************************************************************************

知道點整之後, 第二日去買材料, 抖足精神第三日開工, 呢日一個人足足整咗8個鐘,  個女見我咁勤力,佢話買麥記做晚餐, 咁鬼乖都係因為見到佢鍾意嘅chip n dale公仔曲奇咋. 

用咗750g麵粉, 不過唔知整咗幾多個呢~

個chip n dale曲奇模買咗幾年啦, 終於剪綵囉~

*******************************************************************************************************************************************

噚日睇麵包機食譜, 見到有一棵聖誕樹麵包, 好cute呀, 即刻整咗, 好得意, 不過又好快比husband拆散咗~
好有聖誕氣氛, 要整多個先得~

呢排好忙呢, 不停吃吃吃~ 今個月已經收到4張請帖, 個個都想年尾拉埋天窗, 加埋過節, 聚會, 真係食得是福呢!

是日晚餐 ~ 芝士青口野米煲仔飯

下午喺超市買餸, 行嚟行去都唔知食咩好, 終於懶懶地一煲過算啦 ~

落橄欖油炒香洋蔥碎和蒜頭碎, 加入米稍為拌勻, 加入水, 煮至差唔多乾水, 加入翠玉瓜粒和青口, 煮至飯好加入芝士, 鹽調味, 焗片刻就食得啦~
今日無湯飲, 和husband一人一杯白桃果茶, 好滿足滿意的一個晚餐~

去廸士尼排隊

 

反斗奇兵大本營開咗都一段時間, 最近先得閒去睇吓, 米奇同米尼都轉晒聖誕新裝, 好有聖誕氣氛呢!

今日帶咗個定焦鏡去影相, 有d相對得焦嚟過咗lu..

小仙子成日轉嚟轉去, 次次都係影得側面.

雖然比起海洋公園相差好遠, 不個我都係一定唔玩~

明知要排一個鐘, 一心嚟到都玩番一次降傘兵團, 升咗上頂再急降(其實都唔係好急)有小小離心感覺, 不過等成個鐘玩分半鐘, 下次咪攪~

最唔like就係要我放低背囊先玩得, d私人財物一離身我就無安全感架啦, 人地又唔係有責任幫係睇嘅...

呢個太bb班, 排一個鐘唔值得~

玩降傘兵團真係由天光排到天黑, 喺廸士尼買完聖誕禮物, 去太興食飯.

開工囉~

好難得又和餅友同學仔相聚啦
記得上次大家相聚一起整抹茶劇院蛋糕已經係半年前囉

 

今次整麵包大家都好有興趣睇吓我部麵包機嘅操作

好滿意吖~

 

用咗喺北海道買嘅紅豆茸
好香豆味又唔太甜

 

抹茶紅豆卷出爐啦~

 

跟住就挑戰高難度嘅蜂蜜蛋糕
都唔識講呀
總之每個步驟都好重要
溫度和時間都要配合得好

今次未算成功
因為有少少蜜糖沉底呢

蛋糕軟綿綿又好香蜂蜜味
話留到第二日最好味喎
不過喺我屋企係留唔到第二日囉

好友帶來的 panettone
好有聖誕氣氛呀

咬一口整個口腔都充滿淡淡的酒香很美味呢

再加鵝肝醬餅乾
又一個開心的下午茶