左影右影

攝影對我嚟講, 就算你比部傻瓜機我, 我只係識按on/off和快門鍵. 依家拎住部Canon EOS 500D, 有好多野要去學呢, 首先要咪熟說明書, 部相機所有按鍵, 又買左本講解500D的書籍,又係要咪熟佢嘅功能.

買左部機都成個月, 但係仲未出過街, 只係喺屋企左影右影,希望快d記到部相機所有功能, 其他技巧嘅就有排慢慢學啦.  咁遲d去旅行就可以用呢, 唔係嘅話,影得嚟旅遊巴都走左lu.

 

 

 

 

 

 

 

 

 

 

 

 

 

 

 

 

Godiva Chocolate Class @ TGC (27-7-2009)

都係出於好奇同慕名去報名的, 見識下Godiva係點嘅呢.上兩個月都好快full晒報唔到, 真係好受歡迎啊!

一入課室, 咦!無食譜嘅. 不過呀sir都教左好多整朱古力的技巧.

可可的果實模型, 我好鍾意呀, 佢d實木質地好靚架.

細細粒的就係可可種子.

 

以前整的朱古力模, 已經有成60年歷史的.

 

整倒模朱古力時, 心諗做乜咁孤寒整得半排, 其實有用意架, (我估) 因為我地整朱古力個盆唔大, 都係一般打蛋的金屬碗, 咁當反轉倒走多餘的朱古力漿時就可以盛番晒, 唔會倒左落枱, 佢又可以慳皮d囉.

我都買左呢個模未開齋啊!

 

水果及果仁朱古力甜點. 

 

榛果蓉朱古力. 榛果蓉係Godiva出品, 加熱煮溶再加些榛子碎.

 

我貪心放了杏仁和榛子兩種nuts.

 

用朱古力寫字第一次呀, 一定唔合格啦, 下面個堆有山有水, 山水畫嚟架

 

例牌上完烹飪堂當晚就做無飯主婦. citysuper大廚製作的香檸唔知咩咩三文魚.

 

都係citysuper出品烤豬肋骨

 

自己煮個黃薑飯, 攪掂, 有飯食算好架啦.

可可合桃包

老友留給我的永森可可粉, 原本打算整飲料, 靈機一觸, 係喎可以整麵包, 不過梗唔係人手搓啦.

原來可可粉整麵包都有d影響的, 麵包比較乾, 塗練奶好味呀.

 

其實今次唔係試吓d可可粉, 又唔係用吓部麵包機, 而係試吓部相機, 夜晚室內冇用閃燈, 偏黃左.影左好多張以為對到焦, 原來對唔到. 唉

相聚一刻 (12-7-2009)

相約幾位好友目的係因為買了新玩具, 要向他們請教學習, 剛剛屋企盆心葉毬蘭又開花, 好讓大家欣賞一下. 今次影嘅相係用左500D影的, 不過真係仲要多多學習啊!第一次用唔習慣有鏡頭嘅相機, 個鏡頭蓋未開已經去學人對焦, 真攪笑. 雖然係話影相研習, 當然少不了美食大攪作呢.

燴咖哩羊肉煱飯

 

日本小吃: 多年前一位日本朋友教整的, 好簡單,買件紀文燒板(魚肉), 切片, 再切雙飛, 中間塗些日本介末醬, 再放入一片大葉.

 

香料煎封鴨胸伴蕪花果醬.

 

清新沙律配 yves kitchen的Thai mama sauce.

 

a moon帶來的法國黑松露醬芝士, 好fresh 好 creamy.

 

Martina自製的酸薑, 同d咖哩飯好夾啊!原來日本人食咖哩飯都會放些酸薑的.

 

小三自家製馬仔, 好食過奇華.

 

Candy自家製的caramel hazelnut ice cream, 好香濃的caramel hazelnut味.

 

即做的creme brulee, 好滑啊!

支火槍終於開齋啦, 原來按住個制都幾吃力, 不過比起以前用開的安全好多.

睇!落足料架.

 

a moon的可可粉併100%朱古力不爆破蛋白霜雪芳蛋糕, 終於成功了.

 

Candy即製100%朱古力cream 卷蛋, 因為用左100%朱古力一d都唔溜,好香滑.

 

呢d就係心葉毬蘭開嘅花, 我覺得佢有種caramel嘅味道架.

 

呢日做嘅美食都好成功呀, 又好味, 對部相機又認識左dd,好開心呢, 可惜要去飲, 真係唔捨得散會.

香草煎鴨胸實習課堂@TGC (8-7-2009)

呢日晨咁早就要出門口了, 因為呢堂係朝早九點半, 早一晚又成三點幾都未訓著, 所以起身時真係呆呆地, 加埋要同返工d人迫車, 頭都暈呀.

今次學整嘅有: 香料煎封鴨胸伴無花果醬, 吉列黑菌薯仔件, 南瓜忌廉湯, 紅酒浸草莓伴意大利忌廉芝士.

以上都係miss 示範的.而我自已做的一份, 因為要留做晚餐, 所以最後的步驟要返屋企先整lu.

 

放左學經過times square 見到米奇通街走啊!

 

經過sogo見到南瓜做緊特價, 反正學左整南瓜湯, 咪買番個整囉, 拎下拎下好重呀.

 

本來係吉列的, 返到屋企唔想開油鑊, 又唔想食炸野, 乾脆灑些parmesan 芝士焗番熱食算了, 加左黑菌醬嘅薯蓉好好味啊!

 

呢件法國鴨胸, 堂上煎時真係嚇親, 煎出成兩碗油都有呀, 但係而家就冇乜脂肪啦, 配上用蕪花果乾和紅酒煮成的醬汁. 就成為這晚的晚餐.

至於個甜品'紅酒浸草莓伴意大利忌廉芝士'就欠奉啦, 等買左材料先整啦.

 

燴咖喱羊肉鍋飯示範課堂@tgc (30/6/2009)

報呢個班時個心拾五拾六, 因為天氣熱, 又咖喱又羊肉, 學左未必整喎, 都係諗住學左先算, 上完堂真係要讚吓自己無走寶.

 

印度香米

 

香料有(由左至右) saffron, black peppercorns, cloves, green cardamom pods. 還有其他香料, 而我只係欠個 ground coriander就可以開工啦, 今朝早已經放了件羊肩在雪柜下格解凍

 

nigella seeds

 

自製甜蕃茄醬.

 

香辣茄子

 

主角: 燴咖哩羊肉煱飯.

試食過之後: 嘩!好食到唔識形容呢, 好開心上左呢堂, 開心到唔想煮飯, 走左去買芝士, 火腿等材料整三文治做晚餐, 哈哈, 食左一餐未試過咁貴嘅自家製三文治.

prama ham

 

farm house gouda w/truffles cheese

 

green pepper corn salami

 

青瓜, 紅洋蔥& 蘑菇

 

就成了美味又唔駛煮嘅晚餐. 再加兩件甜餅, perfect.

 

栗子撻: 裏面有個puff, puff入面有d cream, d cream又包住粒栗子.

血橙mousse cake

行完超市拎住好多野,已經很重, 經過mtr 的餅店, 停一停, 心諗...買啦, 開心麻. 雖然兩件餅唔重, 不過好難令佢四平八穩咁拎到返到屋企, 最終件mousse cake歪了.