rity yc's world 2

2012年6月8日星期五

台中自駕遊 ~ 第三日 : 經蘇花公路返台中.

早一日喺太魯閣酒店hea咗大半日,
呢日又要一早起身啦,
因為要返台中呢,
我地沿途都會去吓d景點,
有機會都會停低影吓相.

嘻嘻! 我要對住張地圖先識講呀,
體會過橫貫公路的彎多路窄,
加上連場大雨, 驚會有落石,
我地決定唔再行佢啦, 即係唔經清境返台中,
改行蘇花公路,
即係沿著海岸線, 經宜蘭..台北..國道3..國道1.. 返台中.
所以今次台中之旅, 可以話台灣上半部都去勻囉.
雖然路程比橫貫公路多咗兩三倍,
其實行車時間兩者都係差不多,
因為橫貫公路多山路, 又落雨天,
一定要安全速度行車, 通常只係keep住30至40咪,
keep住5個幾鐘都係3-40咪好吃力,
而蘇花公路大概有兩小時係山路,
其餘在國道路段就可以踩多 d d 油呢.

很大的太魯閣晶英酒店, 想影酒店正門都唔係咁易, 正門比馬路對開的大石阻擋住.
好奇怪大大間酒店, 招牌竟然咁細小.

台中景點之一 ~ 燕子口.

見到其他旅客戴晒安全帽, 好緊張咁呀

由山上湧下的灰泥水, 水流好急.

呢位司機真係唔啱啦, 雙線扒頭, 仲要喺個彎位.
喺台灣揸車要好小心, 如果行單線山路除咗避左邊嘅車, 又要睇住右邊坑渠位,
喺市區就會避完左邊迫埋嚟嘅車, 又要避右邊迫埋嚟嘅車, 由其嗰d電單車,
終於明白點解喺東海大學見到嘅祝福便條都是和交通意外有關.
佢地揸車真係好狼架.

七星潭.

因為落雨, 無行落沙灘,
只喺路邊執咗幾舊石影吓相.
d石頭有橫直白紋, 唔知點形成嘅呢?

到咗宜蘭啦, 諗住喺度食午餐,
點知好四圍都靜英英, 好多舖頭都落晒閘.

兜咗好耐終於見到一間餐館.

一人一鍋.

食完午飯繼續車程, 途經台北市.

突然間見到藍天白雲, 要影番張相.

台北市街道.

又返到台中商旅酒店囉, 攞番d行李再check in,
點知職員話up grade咗我地去豪華房,
大間好多啊!

夜晚出去食飯..

菜譜上排行榜第一位 ~ 梅干扣肉. 好肥嘟嘟呀.

跟梅干扣肉的包, 細碟的是花生碎.

蕃薯苗.

客家石頭蝦, 在菜譜上的排行榜第六位,
可惜蝦肉梅梅的, 要取消呢個菜.

第9位的豆腐乳雞,
食唔到腐乳味呢, 可能和我們吃的不同罷.

桔醬排骨.

烤鴨胸.

海膽中卷, 其實係烤魷魚.

酒店夜景...
第三日行程完滿結束啦.

2012年6月5日星期二

台中自駕遊第二日 ~ 經橫貫公路去花蓮太魯閣.

由台中去花蓮太魯閣要差唔多5個幾鐘車程, 所以第二日要好早起身,
食完早餐, 辦好check out手續, 寄存好大件行李,
早上7點45分出發啦.

好早嘅早餐.

我地由台中經南投縣清境去花蓮縣.
真係唔坐過唔知, 呢段路彎多路窄, 而且係單線雙程行車,
仲要落大雨, 連我地兩位資深長途車車手都話難行.
坐嘅, 掟彎掟到暈; 揸車嘅, 掟彎掟到手軟.
髮夾彎, 手臂彎, 90度彎, 70度彎, 蛇仔彎數之不盡.
去到清境雨勢愈落愈大, 有時大雨到能見度只有兩三個車位,
如果繼續咁落雨行車, 我地都危險囉,
我地都有考慮過放棄太魯閣的酒店住宿, 改在清境住一晚.
安全第一吖嘛.