相聚一刻 (12-7-2009)

相約幾位好友目的係因為買了新玩具, 要向他們請教學習, 剛剛屋企盆心葉毬蘭又開花, 好讓大家欣賞一下. 今次影嘅相係用左500D影的, 不過真係仲要多多學習啊!第一次用唔習慣有鏡頭嘅相機, 個鏡頭蓋未開已經去學人對焦, 真攪笑. 雖然係話影相研習, 當然少不了美食大攪作呢.

燴咖哩羊肉煱飯

 

日本小吃: 多年前一位日本朋友教整的, 好簡單,買件紀文燒板(魚肉), 切片, 再切雙飛, 中間塗些日本介末醬, 再放入一片大葉.

 

香料煎封鴨胸伴蕪花果醬.

 

清新沙律配 yves kitchen的Thai mama sauce.

 

a moon帶來的法國黑松露醬芝士, 好fresh 好 creamy.

 

Martina自製的酸薑, 同d咖哩飯好夾啊!原來日本人食咖哩飯都會放些酸薑的.

 

小三自家製馬仔, 好食過奇華.

 

Candy自家製的caramel hazelnut ice cream, 好香濃的caramel hazelnut味.

 

即做的creme brulee, 好滑啊!

支火槍終於開齋啦, 原來按住個制都幾吃力, 不過比起以前用開的安全好多.

睇!落足料架.

 

a moon的可可粉併100%朱古力不爆破蛋白霜雪芳蛋糕, 終於成功了.

 

Candy即製100%朱古力cream 卷蛋, 因為用左100%朱古力一d都唔溜,好香滑.

 

呢d就係心葉毬蘭開嘅花, 我覺得佢有種caramel嘅味道架.

 

呢日做嘅美食都好成功呀, 又好味, 對部相機又認識左dd,好開心呢, 可惜要去飲, 真係唔捨得散會.

香草煎鴨胸實習課堂@TGC (8-7-2009)

呢日晨咁早就要出門口了, 因為呢堂係朝早九點半, 早一晚又成三點幾都未訓著, 所以起身時真係呆呆地, 加埋要同返工d人迫車, 頭都暈呀.

今次學整嘅有: 香料煎封鴨胸伴無花果醬, 吉列黑菌薯仔件, 南瓜忌廉湯, 紅酒浸草莓伴意大利忌廉芝士.

以上都係miss 示範的.而我自已做的一份, 因為要留做晚餐, 所以最後的步驟要返屋企先整lu.

 

放左學經過times square 見到米奇通街走啊!

 

經過sogo見到南瓜做緊特價, 反正學左整南瓜湯, 咪買番個整囉, 拎下拎下好重呀.

 

本來係吉列的, 返到屋企唔想開油鑊, 又唔想食炸野, 乾脆灑些parmesan 芝士焗番熱食算了, 加左黑菌醬嘅薯蓉好好味啊!

 

呢件法國鴨胸, 堂上煎時真係嚇親, 煎出成兩碗油都有呀, 但係而家就冇乜脂肪啦, 配上用蕪花果乾和紅酒煮成的醬汁. 就成為這晚的晚餐.

至於個甜品'紅酒浸草莓伴意大利忌廉芝士'就欠奉啦, 等買左材料先整啦.

 

燴咖喱羊肉鍋飯示範課堂@tgc (30/6/2009)

報呢個班時個心拾五拾六, 因為天氣熱, 又咖喱又羊肉, 學左未必整喎, 都係諗住學左先算, 上完堂真係要讚吓自己無走寶.

 

印度香米

 

香料有(由左至右) saffron, black peppercorns, cloves, green cardamom pods. 還有其他香料, 而我只係欠個 ground coriander就可以開工啦, 今朝早已經放了件羊肩在雪柜下格解凍

 

nigella seeds

 

自製甜蕃茄醬.

 

香辣茄子

 

主角: 燴咖哩羊肉煱飯.

試食過之後: 嘩!好食到唔識形容呢, 好開心上左呢堂, 開心到唔想煮飯, 走左去買芝士, 火腿等材料整三文治做晚餐, 哈哈, 食左一餐未試過咁貴嘅自家製三文治.

prama ham

 

farm house gouda w/truffles cheese

 

green pepper corn salami

 

青瓜, 紅洋蔥& 蘑菇

 

就成了美味又唔駛煮嘅晚餐. 再加兩件甜餅, perfect.

 

栗子撻: 裏面有個puff, puff入面有d cream, d cream又包住粒栗子.

血橙mousse cake

行完超市拎住好多野,已經很重, 經過mtr 的餅店, 停一停, 心諗...買啦, 開心麻. 雖然兩件餅唔重, 不過好難令佢四平八穩咁拎到返到屋企, 最終件mousse cake歪了.

 

柳橙榛子蛋糕

上個星期睇到Candy的blog,話要清榛子粉, 真開心,因為我都有包買左好耐未開過的榛子粉, 仲可以清埋包糖粉, good 呀. 食譜內的材料只欠鏡面果膠, 即刻整定d 糖漬橙片, 然後第2日去二記買果膠, 就可以開工啦.

 

糖漬橙片要早一日整定呢.

 

個份量可以整2個.

 

yummy! 下次掃多些橙酒, 愈多酒愈有另一番風味呀.

 

這晚很忙, 一邊整蛋糕, 一邊整晚飯, 所以早有計謀, 整個焗豬扒飯算lu. 湯都無煲, 一人加杯伯爵茶, 咁又一餐, 不過有甜品喎.

Jam Party @ Yves Kitchen

近排真係無事忙, 有好多野要做又未做, 又要坐定定對住Yahoo 網啦, 因為次次對住佢都要花我好多時間.

早幾日約埋幾位餅友去Yves Kitchen參加一個jam party, 地點喺銅鑼灣一座唐樓. 一見要上樓梯, 我第一時間問...幾樓呀, 好在3樓啫, 參加party前先來個熱身. 上完窄窄的梯級, 門一開, 喔!兩個世界呢, 簡潔的設計, 令人很舒服, 屋內還放了很多精緻的擺設, 想睇靚相, 就要喺小三啦, Candy啦同A-moon度睇了.

 

(上)草莓玫瑰果醬, 蘋果果醬
(下)藍草莓果醬, 荔枝桂花果醬

 

西瓜百里香果醬

 

木瓜香橙果醬配小多士

 

芒果配檸檬芝士蛋糕. 好清新好輕盈的感覺, 餅底又鬆脆, 忍唔住吃了兩件呀.

泰媽媽醬配清新菜卷, 真係好清新架.

 

迷你scone, 我鍾意個餅架啊.

 

菠蘿薄荷果醬特飲

 

多謝Bonnie和她的拍檔預備了這些精緻, 清新又美味的點心給我們呢.

在這裏還感受到幾位年青人為自己的理想而努力,他們的創作, 對工作的熱誠, 令我很欣賞呢.

祝她們早日達到理想.